ប៉ុន្មានឆ្នាំចុងក្រោយនេះ ប្លុក (Blog) ដែលជាផ្នែកមួយនៃគេហទំព័រកំពុងទទួលបានប្រជាប្រិយភាពយ៉ាងខ្លាំងពីសំណាក់អ្នកប្រើប្រាស់នៅជុំវិញពិភពលោក ដែលនេះធ្វើឲ្យចំនួនប្លុកមានការកើនឡើងជាលំដាប់។ ប្លុកនីមួយៗមានលក្ខណៈពិសេសខុសៗគ្នា អាស្រ័យតាមគោលបំណងរបស់អ្នកបង្កើត។
មានហេតុផលជាច្រើនដែលបច្ចុប្បន្ននេះមានការនិយមបង្កើតប្លុក ប៉ុន្តែ Sabay សុំលើកយកតែមូលហេតុចម្បង ៣ តែប៉ុណ្ណោះដើម្បីយកមកបកស្រាយនិងបង្ហាញជូនប្រិយមិត្តដើម្បីទុកធ្វើការពិចារណា៖
១/ ទទួលបានចំណូល
នេះជាហេតុផលដ៏សំខាន់មួយដែលអ្នកអាចរកចំណូលបានយ៉ាងក្រាស់ក្រែល តាមរយៈការបង្កើតប្លុក។ មិនបាច់សង្ស័យនោះទេ នេះជារឿងពិត។ អ្នកបង្កើតប្លុកអាចទទួលបានចំណូលតាមរយៈការគ្លិករបស់អ្នកមើល និងចំនួន Traffic ដែលដំណើរការណ៍នៅលើប្លុក។
២/ ទទួលបានការផ្ដល់មតិយោបល់ពីអ្នកចូលរួម
ពេលមានប្រធានបទណាមួយចង់លើកឡើង និងត្រូវការការពិភាក្សានោះ អ្នកអាចសរសេរបង្ហោះនៅលើប្លុក។ បន្ទាប់មកអ្នកមើលអាចផ្ដល់ព័ត៌មានត្រឡប់ ឬក៏មតិយោបល់ផ្សេងៗដើម្បីធ្វើការចែករំលែកដែលនេះអាចផ្ដល់ការយល់ដឹង និងព័ត៌មានបន្ថែមទៀតកាន់តែច្រើនសម្រាប់អ្នក។
៣/ ផ្ដល់ព័ត៌មានដ៏មានតម្លៃ
ប្រសិនបើអ្នកមានជំនាញលើផ្នែកណាមួយពិតប្រាកដ អ្នកអាចព្យាយាមផ្ដល់ព័ត៌មានដ៏មានប្រយោជន៍សម្រាប់អ្នកមើលក្នុងលក្ខណៈជាវិជ្ជាជីវៈ ដែលនេះអាចជួយបង្កើនកេរ្តិ៍ឈ្មោះប្លុករបស់អ្នកកាន់តែមានតម្លៃសម្រាប់ក្រុមគោលដៅណាមួយ។ ឧទាហរណ៍ អ្នកធ្វើដំណើរមួយចំនួនអាចគិតថា ប្លុករបស់អ្នកជាប្លុកដ៏សំខាន់មួយមិនអាចមើលរំលងបាន ដែលផ្ដល់ព័ត៌មានផ្សេងៗលើការធ្វើដំណើរ។
តើមិត្តអ្នកអានមានប្លុកផ្ទាល់ខ្លួនហើយឬនៅ? មានអ្វីបន្ថែម?
0 comments:
Please add comment to express your opinion, and share it on Twitter or Facebook. Thank you in advance.