ស្រវឹងស្រា បើករថយន្ត រេចង្កូត បុកម៉ូតូ ពីរគ្រឿង ស្លាប់១ របួសធ្ងន់១ នៅដង្កោ

ភ្នំពេញ៖ យ៉ាងហោចណាស់ មនុស្សម្នាក់បានស្លាប់នៅ នឹងកន្លែងកើតហេតុ និងម្នាក់ទៀតរងរបួសធ្ងន់ កាលពីវេលាម៉ោង ៨៖៣០ នាទីយប់ថ្ងៃទី ២៥ ខែមករា ឆ្នាំ២០១២ នេះ ស្ថិតនៅតាមបណ្តោយផ្លូវ សហព័ន្ធរុស្ស៊ី ក្នុងភូមិព្រៃជឺសាក់ សង្កាត់ដង្កោ ខណ្ឌពោធិ៍សែនជ័យ រាជធានីភ្នំពេញ ដែលបង្កឡើងដោយរថយន្តឆ្លាម មួយគ្រឿងដែលម្ចាស់របស់វា ស្រវឹងស្រា ហើយរេចង្កូត ទៅបុកជនរងគ្រោះដែលកំពុងតែជឹះម៉ូតូ។

សេចក្តីរាយការណ៍ពី កន្លែងកើតហេតុ បានឲ្យដឹងថា មុនពេលកើតហេតុ គេសង្កេតឃើញ រថយន្តឆ្លាមមួយគ្រឿង បើកតាមបណ្តោយ ផ្លូវសហព័ន្ធរុស្ស៊ី ហើយទៅដល់កន្លែង កើតហេតុ ស្របពេលដែល ជនរងគ្រោះទាំងពីរ កំពុងជឹះម៉ូតូ មួយគ្រឿងម៉ាកគុប និងមួយគ្រឿងទៀត ម៉ាសសេ១២៥ ស្របទិសគ្នា ហើយក៏ជ្រុលចង្កូត បុកតែម្តងទៅ បណ្តាលឲ្យជនរងគ្រោះម្នាក់ បានស្លាប់ និងម្នាក់ទៀតរងរបួសធ្ងន់។

ជនរងគ្រោះដែលស្លាប់មានឈ្មោះ ឌួង ផៃ អាយុជាង៣០ឆ្នាំ រស់់នៅភូមិអង្គ សង្កាត់កន្ទោក ខណ្ឌពោធិ៍សែនជ័យជឹះម៉ូតូសេ១២៥ ពណ៌ខ្មៅគ្មានស្លាកលេខ ប៉ុន្តែជនរងគ្រោះដែលរងរបួសធ្ងន់មិនទាន់ត្រូវ បានស្គាល់អត្តសញ្ញាណនៅឡើយទេ។

យ៉ាងណាក៏ដោយ អ្នកបើកបរ រថយន្តត្រូវសមត្ថកិច្ច ធ្វើការឃាត់ខ្លួនបានភ្លាមៗ នាំទៅអធិការដ្ឋាន នគរបាល ខណ្ឌពោធិ៍សែនជ័យ ដើម្បីរង់ចាំការដោះស្រាយបន្ត៕ source

Share