24hPlus

ស៊ឹម ថៃណា បង្ហាញ ក្បាច់រាំ ដ៏ស្រើបស្រាល ជាមួយបុរសក្មេង

ភ្នំពេញៈ តារាចម្រៀងដែលនិយមលេងដើមទ្រូង កញ្ញា ស៊ឹម ថៃណា បានធ្វើឲ្យមហាជនមានការ ភ្ញាក់ផ្អើល បន្ទាប់ពីលេចធ្លាយវីដេអូឃ្លីប ដោយ ថៃណា បញ្ចេញក្បាច់រាំល្វត់ល្វន់ កាច់ និងរែងចង្កេះ បញ្ចេញក្បាច់ រាំគួរឲ្យញាក់សាច់ជាមួយបុរសវ័យក្មេងម្នាក់។

នៅក្នុងវីដេអូឃ្លីប មានរយៈពេល ២ និង៤៥វិនាទី ដោយនៅក្នុងនោះ គេបានឃើញតារាចម្រៀងស្រី កញ្ញា ស៊ឹម ថៃណា បញ្ចេញក្បាច់រាំយ៉ាងរស់រវើក មើលទៅស្រើបស្រាល ជាមួយបុរសវ័យក្មេងម្នាក់ ដែលគេសង្ស័យថា កាយ វិការរាំនោះ ប្រហែលជានៅក្នុងកម្មវិធីជួបជុំមិត្តភក្តិជប់លៀង ហើយមើលទៅ ស៊ឹម ថៃណា ស្ថិតក្នុងស្ថានភាព ស្រវឹង ព្រោះក្រៅពីឃើញកញ្ញា ស៊ឹម ថៃណា នៅក្នុងវីដេអូនោះ គេក៏បានឃើញពិធីការិនី និងជាតារាសម្តែង ដែលជាមិត្តជិតសិទ្ធិរបស់កញ្ញា ថៃណា គឺកញ្ញា ហេង ម៉ារ៉ាឌី ទៀតផង។

ប៉ុន្តែអី្វដែលធ្វើឲ្យមហាជនទូទៅមានការភ្ញាក់ផ្អើល និងធ្វើការរិះគន់នោះ គឺសកម្មភាពរាំរបស់ស្រីស្រស់ ថៃណា ដែលមើលទៅកាយវិការរាំរបស់នាងហាក់បីដូចជាមិនមែនជានារីខ្មែរទាល់តែសោះ ព្រោះថាការរាំនោះ គឺមានការ កៀកកើយឱបរឹតជាមួយបុរសវ័យក្មេង និងគ្រលែងចង្កេះយ៉ាងស្រាវស្រើប ដែលមើលទៅញាក់សាច់។

ជុំវិញការលើកឡើងពីមហាជនអ្នកគាំទ្រដែលបានឃើញវីដេអូ ហើយបានលើកឡើងបែបនេះ បានធ្វើឲ្យកញ្ញា ស៊ឹម ថៃណា ចេញមុខបកស្រាយប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី១៣ ខែមីនា ឆ្នាំ២០១២ តាម ទូរស័ព្ទ ដោយនាងបដិសេធថា វីដេអូនោះមិនមែនជារូបរបស់នាងទេ មហាជនមានការយល់ច្រឡំមកលើនាង ហើយព្រោះនាងមិនដែលបានទៅចូលរួមជប់លៀងហើយលើងរាំដូចក្នុងវីដេអូនោះទេ។

កញ្ញា ស៊ឹមថៃណា និយាយថា ”ខ្ញុំមិនដឹងជាត្រូវបកស្រាយយ៉ាងម៉េចដែរ ចំពោះវីដេអូឃ្លីបហ្នឹង ព្រោះខ្លួនខ្ញុំផ្ទាល់ មិនទាន់បានមើលវីដេអូហ្នឹងផង ហើយខ្ញុំក៏មិនដែលបានទៅចូលរួមកម្មវិធីជប់លៀង ឬ ក៏កម្មវិធីកម្សាន្តអីដែរ ក្រោយពីខ្ញុំបញ្ចប់ការងារ គឺខ្ញុំតែងតែទៅផ្ទះ គ្មានពេលណាទៅរាំលេងនោះតាមក្លឹបទេ”។

តារាចម្រៀងដែលធ្លាប់តែលេចឮព័ត៌មានថា ស្រលាញ់ភេទដូចគ្នារូបនេះ បានបន្ថែមទៀតថា តាមការពិតទៅ មានទស្សនាវដ្តីក៏ដូចជាកាសែតបានទូរស័ព្ទមកសួរនាងពីរឿងហ្នឹងដែរ ហើយជារឿយៗនាងតែងតែបដិសេធ ព្រោះថានាងអត់ទាន់បានឃើញវីដេអូនោះ អីចឹងបានជានាងមិនដឹងថាត្រូវបកស្រាយបែបណាដល់មហាជន។

ទាក់ទិនទៅនឹងការបកស្រាយរបស់ កញ្ញា ស៊ឹម ថៃណា ថានារីដែលបញ្ចេញ ក្បាច់រាំបែបយ៉េៗរូបនោះមិនមែនជា រូបនាងក៏ដោយ ប៉ុន្តែនៅក្នុងវីដេអូបានបង្ហាញមុខរបស់កញ្ញាថៃណា យ៉ាងច្បាស់ហើយបើនិយាយពីកាយវិការរាំ ក្នុងវីដេអូនោះវិញ ត្រូវបានទស្សនិកជនធ្វើការរិះគន់យ៉ាងខ្លាំងថា ជាគំរូមិនល្អសម្រាប់យុវវ័យជំនាន់ក្រោយ ព្រោះ ជាធម្មតាយុវវ័យតែងតែយកគំរូតាមតារា តែមានតារាមួយចំនួនមិនបានបង្ហាញគំរូល្អៗ សម្រាប់ក្មេងជំនាន់ក្រោយ ទេ បែរជាបង្ហាញគំរូអាក្រក់ដល់ក្មេងទៅវិញ ដូចជាការស្លៀកពាក់, តុបតែងខ្លួន ហើយជាពិសេសនោះ គឺការរាំ ច្រៀងនេះតែម្តង៕

សូមចុចដើម្បីមើលវិដេអូ

ដោយៈ ហួន ស្រីលីន

ផ្តល់សិទ្ធដោយ ដើមអម្ពិល

Read More..

Jun Ji Hyun តក់ក្រហល់រៀបការ នៅដើមខែមេសា ព្រោះលេចឮថានាង មានផ្ទៃពោះពីរខែ រួចទៅហើយ

យោងតាមគេហទំព័រ សិង្ហបុរី “Channel News Asia” ចុះផ្សាយនៅ ថ្ងៃទី១២ ខែមីនា ឆ្នាំ២០១២ថា នាង ជុន ជី អ៊ីយ៉ុន “Jun Ji Hyun” តារាភាពយន្ដល្បី របស់កូរ៉េខាងត្បូង ចង់ប្រញាប់រៀបការ នៅដើមខែមេសា ឆ្នាំ ២០១២ខាងមុខ ព្រោះលេចឮថា នាងមានផ្ទៃពោះ២ខែ រួចមកហើយ ។

ប្រភពព័ត៌មានបានឱ្យដឹងថា នាង ជុន ជី អ៊ីយ៉ុន នឹងរៀបការនៅ ថ្ងៃទី០២ ខែមេសា ឆ្នាំ២០១២ ជាមួយម្ចាស់ធនា គារម្នាក់ គឺលោក ឆយ ជុន ហ៊ីយុគ “Choi Jun Hyuk” និងជាចៅប្រុសរបស់ អ្នករចនាម៉ូដដ៏ល្បីល្បាញ នៅកូរ៉េ ខាងត្បូង លី យ៉ុង ហ៊ី “Lee Young Hee” ។

ពិធីរៀបអាពាហ៍ពិពាហ៍នេះ នឹងរៀបចំឡើង នៅសណ្ឋាគារ ស៊ីលឡា “Shilla ” នៅក្រុងសេអ៊ូល ប្រទេសកូរ៉េ ខាងត្បូង ។

ការសម្រេចចិត្ដរបស់នាង ជុន ត្រូវបានគេដឹងថា ដោយសារមាន ពាក្យចចាមអារាមលេចឮ ឡើងថា នាងមានផ្ទៃ ពោះចំនួនពីរខែ មកហើយ ទើបប្រញាប់ ប្រញាល់ រៀបចំពិធីរៀបការនេះឡើង ។ ប៉ុន្ដែអ្នកជំនិតនឹង តារារូប នេះបាន លើកឡើងថា ការតក់ក្រហល់ រៀបការយ៉ាងដូច្នេះ ព្រោះអាចផ្ដល់ ភាពងាយ ស្រួលដល់ ការចូលរួម ថតខ្សែភាពយន្ដ នៅបរទេសរបស់តារារូបនេះ ។

ពាក់ព័ន្ធនឹងករណីនេះ អ្នកជំនិតរបស់នាង បានឆ្លើយបដិសេធទាំងស្រុងថា ពាក្យចចាមអារាម មួយនេះមិនពិត នោះ ទេហើយសូម បដិសេដធទាំង ស្រុងរាល់ការ លេចឮរឿងទាំងអស់នេះ ៕

ប្រែសម្រួលៈ សុបញ្ញវ័ន្ដ

ផ្តល់សិទ្ធដោយ ដើមអម្ពិល

Read More..

តារាសម្តែងកូរ៉េ Jeon ji-hyun ផ្លាស់ប្តូរថ្ងៃចូលរោងការ

ថៃ្ងទី០៤ ខែធ្នូ ឆ្នាំ២០១១ តារាសមែ្ដង Angel Liu Yuxin បានចូលរួមក្នុងកម្មវីធីតុបតែងខ្លួនដើម្បីភាពស្រស់ស្អាត ដែលបានរៀបចំដោយ ifeng.com។ រ៉ូបរបស់តារានេះមានកជ្រៅ ដែលបានធើ្វឲ្យដើមទ្រូងរបស់តារានេះបានអួតបង្ហាញ នៅកណ្ដាលមុខទស្សនិកជន។ ទោះបីជាកញ្ញាបានទទួលការទាក់ទាញក្នុងកម្មវិធីនេះក៏ដោយ ក៏កញ្ញាបានទទួលនូវការរិះគន់ជាច្រើនពីសាធារណៈជន។ ថ្មីនេះកញ្ញាបានធើ្វការឆើ្លយតបថា រ៉ូបរបស់នាងមានរាងចង្អៀតបន្ដិតព្រោះនាងមិនបានធ្វើការឡមើលមុនចូលក្នុងកម្មវិធីនេះ៕

Read More..

តារាសមែ្ដង Angel Liu Yuxin បានចូលរួមក្នុងកម្មវីធីតុបតែងខ្លួន

Read More..

មាស សុខសោភា, ឱក សុគន្ធកញ្ញា និងឆាយ វិរៈយុទ្ធ រួមគ្នាធ្វើឱ្យកក្រើកពេញមណ្ឌលកម្សាន្ត

រាជធានីភ្នំពេញ ៖ កាលពីយប់ថ្ងៃអាទិត្យ ទី១១ មីនា កញ្ញា មាស សុខសោភា កញ្ញាឱក សុគន្ធកញ្ញា និងលោកឆាយ វិរៈយុទ្ធ បានឡើងច្រៀងនៅលើឆាកប្រគំតន្ត្រីនៃកម្មវិធីបើកសម្ពោធឱ្យប្រើប្រាស់ជាផ្លូវការមណ្ឌលកម្សាន្ត Dream Lang ដោយធ្វើឱ្យកក្រើកពេញមណ្ឌលកម្សាន្តតែម្តង ។

យុវតីម្នាក់ដែលទៅឈរថតរូបលោកឆាយ វិរៈយុទ្ធ ឱ្យដឹងថា «ខ្ញុំមកនេះគឺគ្រាន់តែមកដើរកម្សាន្តប៉ុណ្ណោះ តែនៅពេលជួបព្រឹត្តិការណ៍ដ៏អស្ចារ្យបែបនេះ ធ្វើឱ្យខ្ញុំរំជួលចិត្តខ្លាំងណាស់ នៅពេលទៅដល់ទីនោះមានយុវវ័យជាច្រើនបានថតរូបពួកគាត់ និងប្រជ្រៀតគ្នាទៅខាងមុខដើម្បីយកវត្ថុអនុស្សាវរីយ៍ទៅឱ្យពួកគាត់ទាំងបីនាក់នោះ ចំណែកខ្ញុំក៏ដូចគ្នា ខ្ញុំរំភើបណាស់ពេលដែលបានចាប់ដៃពួកគាត់នោះ» ។

នៅក្នុងកម្មវិធីប្រគំតន្ត្រីនោះយុវវ័យជាច្រើនបាននាំគ្នាទៅចោមរោមមើល ហើយពេលតារាចម្រៀងច្រៀងចប់ ឬក៏ពេលរាំនោះ ពួកគេស្រែកហ៊ោសប្បាយគ្រប់ៗគ្នា ជាពិសេសនៅពេលលោកឆាយ វិរៈយុទ្ធ បញ្ចេញក្បាច់រាំអមជាមួយស្រីៗ។ យុវវ័យដែលនៅឈរមើលនៅទីនោះបាននិយាយប្រាប់ភ្នាក់ងារយើងថា «ពិតជារំភើបណាស់បង ខ្ញុំស្ទើរតែមិនជឿថា បានជួបពួកគាត់នៅទីនេះទេ ជាពិសេសនោះបានជួបជាមួយកញ្ញាឱក សុគន្ធកញ្ញា និងមាស សុខសោភា ព្រោះកន្លងមកពួកគាត់មិនដែលឡើងច្រៀងនៅលើឆាកតែមួយជាមួយគ្នាទេ គឺកម្រឃើញណាស់។ បើឱ្យខ្ញុំប្រៀបធៀបនោះ ខ្ញុំមិនដឹងថា មួយណាខ្លាំងជាងមួយណានោះទេ ព្រោះពួកគាត់មានសំឡេងពីរោះ រូបសម្បត្តិសមរម្យ និងនិយាយស្តីទន់ភ្លន់ដូចគ្នាទាំងអស់ពិបាកសម្រេច និងផ្តល់ពិន្ទុឱ្យពួកគាត់ទាំងពីរនាក់នេះណាស់» ។

ឆ្នាំ២០១២ នេះតារាចម្រៀងល្បីជាច្រើននាក់ បាននាំគ្នាឡើងច្រៀងនៅលើឆាកប្រគំតន្ត្រីជាមួយគ្នាទាំងនៅតាមខេត្ត និងរាជធានីភ្នំពេញ ខុសប្លែកពីឆ្នាំមុនៗនៅពេលមានការប្រគំតន្ត្រីមានតែតារាល្បី១ ឬក៏២នាក់ ឬក៏តារាប្រចាំផលិតកម្មដូចគ្នាប៉ុណ្ណោះ។ សម្រាប់ឆ្នាំថ្មីនេះ តារាល្បីនីមួយៗបានខំប្រឹងកើបលុយបានមិនតិចទេ រហូតដល់មានតារាខ្លះរកតែពេលសម្រាកគ្មាន។ ជាក់ស្តែងគឺជាកញ្ញាឱក សុគន្ធកញ្ញាតែម្តង ដោយថ្មីៗនេះនាងជាប់រវល់កើបលុយរហូតដល់មិនខ្វល់រឿងលើកពានអាណាចក្រតារាឡើយ ។ ជាពិសេសនោះរូបរាងរបស់នាងហាក់បីដូចជាខ្មៅ និងស្គមច្រើនជាងមុនទៀតផង ។ កញ្ញាឱក សុគន្ធកញ្ញា ឆ្នាំនេះទំនងជាកើបលុយបានរាប់ម៉ឺនដុល្លារ នៅក្នុងមួយខែៗ ព្រោះក្រៅពីយីអ៊ុនខ្ពស់ខាងអាជីពចម្រៀងហើយ នាងកំពុងតែលេចមុខជាមួយស្ប៉តពាណិជ្ជកម្មធំ២ គឺកូកាកូឡា និងសាប៊ូកក់សក់សាន់ស៊ីល ដែលធ្វើឱ្យកេរ្តិ៍ឈ្មោះរបស់នាងកាន់តែភ្លឺចែងចាំងជាងមុនបន្ថែមទៀត។

ចំណែកឯរឿងស្នេហាវិញឱក សុគន្ធកញ្ញា ហាក់បីដូចជារង្គោះរង្គើបន្តិចបន្តួច។ អ្នកគាំទ្រនាងឆ្ងល់ តើគូស្នេហ៍នេះអាចរៀបអាពាហ៍ពិពាហ៍បានទេ បើកញ្ញាឱក សុគន្ធកញ្ញា រវល់ច្រើនគ្មានពេលសម្រាប់លោករ៉េត ធីដូណា ដូច្នេះនោះ ។

ចំណែកឯកញ្ញា មាស សុខសោភា វិញ រយៈពេលជាច្រើនឆ្នាំមកហើយ ជាពិសេសពេលថ្មីៗនេះនាងបានលើកពានរង្វាន់ក្នុងវេទិកាអាណាចក្រតារានៅសាលមហោស្រពកោះពេជ្រដោយបានទទួលតំណែងជាតារាចម្រៀងស្រីវ័យក្មេង សំឡេងលេចធ្លោប្រចាំឆ្នាំ ។ មុននេះមាស សុខសោភា បានបដិសេធអំពីការចាកចេញពីផលិតកម្ម Town ទៅចូលទៅផលិតកម្ម M បន្ទាប់ពីមានវត្តមានកញ្ញាសុគន្ធនីសា ចូលមក។ ទោះបីជាយ៉ាងណាក្តី មួយរយៈពេលក្រោយនេះគេមិនឃើញមានបទចម្រៀងថ្មីៗរបស់នាងនៅក្នុងផលិតកម្ម Town ទេ ។ តើតារាស្រីរូបនេះចាកចេញពីផលិតកម្ម Town មែន ឬក៏យ៉ាងណា មានតែចាំមើលទៀតទេ ។

បើនិយាយពីលោកឆាយ វិរៈយុទ្ធ វិញ ឆ្នាំថ្មីនេះបានទទួលការគាំទ្រច្រើនគួរសមដែរ ចំពោះបទចម្រៀងរបស់លោក ដូចជាបទ មានសង្សារជាតារា, អរគុណអូនដែលស្នេហ៍បង និងបទច្រើនទៀតដែលបទនីមួយៗសុទ្ធតែទទួលបានការគាំទ្រ ។ នៅថ្ងៃទី១៣ និង១៤ មីនា លោកចេញទៅច្រៀងនៅខេត្តតាកែវ ។ អ្វីដែលពិសេសនោះគឺមិត្តអ្នកគាំទ្រលោកបានសរសើរមិនដាច់ពីមាត់ថា លោកសង្ហាជាងមុនទៀតផង៕

ដោយ ៖ ប្រុសកោះ

ផ្តល់សិទ្ធដោយ កោះសន្តិភាព

Read More..

Lady Gaga ចង់បានកូនច្រើន

កំពូលតារាចម្រៀង អាមេរិកាំងដ៏ល្បីល្បាញ ស្តាយប្លែកៗ Lady Gaga បានបង្ហាញពីគំនិតជាម្តាយក្នុងពេល សម្ភាសជាមួយ Oprah Winfrey។

តាមប្រភពព័ត៌មានពីទស្សនាវដ្តី People បានឲ្យដឹងនៅថ្ងៃទី១៦ ខែមីនា ឆ្នាំ២០១២ ថា កំពូលតារាចម្រៀងវ័យ ២៥ឆ្នាំ Lady Gaga បានប្រាប់ទៅ Oprah Winfrey ក្នុងពេលផ្តល់បទសម្ភាសក្នុងពេលថ្មីៗនេះថា នាងមិនត្រឹម តែចង់មានកូនទេ គឺនាងចង់មានកូនច្រើនទៀតផង ។

Lady Gaga បានប្រាប់ម្ចាស់កម្មវិធីវ័យ៥៨ឆ្នាំថា « ពិតណាស់ខ្ញុំចង់បានកូនច្រើនតែមិនមែនច្រើនហួសហេតុទេ ហើយក៏មិនមែនមួយដែរគឺប្រហែលបីនាក់ប៉ុណ្នោះ» ។

Gaga បន្ថែមថា កាលដែលនិយាយបែបនេះមានន័យថានាងចង់បានស្វាមី និងចង់មានគ្រួសារមួយ ដែលមានគ្នា ច្រើនតែមិនមែនឆាប់ៗនេះទេ៕

ប្រែសម្រួលៈ ទូច សុខលីដា

ផ្តល់សិទ្ធដោយ ដើមអម្ពិល

Read More..

Amber Roseភ្ជាប់ពាក្យ ជាមួយWiz Khalifa

បន្ទាប់ពីលេចឭពាក្យចចាម អារ៉ាមជាច្រើនខែជាច្រើន ឆ្នាំអំពីការទាក់ទងគ្នា រវាងតារាម៉ូដែល Amber Rose និង តារាចម្រៀង Rap Wiz Khalifa រួចមក ពេលនេះតារាទាំងពីរដួង បានភ្ជាប់ពាក្យជា ផ្លូវការហើយ។

តារាចម្រៀង Rap ម្ចាស់បទ Black and Yellow បានសរសេរនៅលើបណ្ដាញ ទំនាក់ទំនងសង្គម Twitter ដើម្បីឲ្យ fan របស់គេបានដឹងថាគេបានសារភាពសុំភ្ជាប់ពាក្យជាមួយមិត្តស្រីយូរឆ្នាំរបស់គេ។ Wiz ដែលមានឈ្មោះពិតថា Cameron Jibril Thomaz បានសរសេរទាំងសប្បាយចិត្តថា “នាងបានឆ្លើយយល់ព្រម”។

តារាម៉ូដែល Amber វ័យ ២៨ ឆ្នាំក៏មិនបង្អង់យូរដែរដោយនាងបានបង្ហោះរូបចិញ្ចៀនភ្ជាប់ពាក្យនោះដាក់លើគេហទំព័រ Twitter និង បានសរសេរថា “គាត់បានធ្វើឲ្យខ្ញុំក្លាយជានារីដ៏មានសុភមង្គលបំផុតក្នុងពិភពលោក។

គូស្នេហ៍មួយគូនេះបានទាក់ទងគ្នាក្រោយពេល Amber Rose បែកបាក់ពី Kanye West បានរយៈពេលខ្លី។ តារាចម្រៀង Rap Wiz Khalifa ថែមទាំងបានឆ្លាក់ឈ្មោះរបស់មិត្តស្រីរបស់គេ Amber Rose នៅលើម្រាមដៃរបស់គេបន្ទាប់ពីទាក់ទងគ្នាបានរយៈពេល ពីរបីខែ។

Amber Rose គឺជាតារាម៉ូដែល វិចិត្រករ តារាសម្ដែងសញ្ជាតិអាមេរិកវ័យ ២៨ ឆ្នាំ(២១ តុលា ឆ្នាំ ១៩៨៣)។ នៅAmber Levonchuck ។នាងគឺជាអ្នកបង្ហាញម៉ូត,ជាអ្នកសំដែងជាដើម។ ចំណែកឯ Wiz Khalifa គឺជាតារាចម្រៀងRap អាមេរិកវ័យ ២៤ ឆ្នាំ(កើតថ្ងៃទី ៨ ខែ កញ្ញាឆ្នាំ ១៩៨៧)។ Wiz ចេញអាល់ប៊ុមដំបូង Show and Prove របស់គេនៅក្នុងឆ្នាំ ២០០៦៕

បើបានចិញ្ចៀនភ្ជាប់ពាក្យធំបែបនេះ ប្រិយមិត្តមានអារម្មណ៍យ៉ាងណាដែរ? នេះមិនដឹងជាប៉ុន្មានការាត់ទេ?

ប្រភព៖ dailymail, zimbio & wikipedia

Read More..

2PMបង្រៀនភាសាកូរ៉េតាមទូរទស្សន៍ជប៉ុ

ក្រុមចម្រៀងកូរ៉េខាងត្បូង 2PM នឹងបង្ហាញវត្តមាន នៅក្នុងកម្មវិធីអប់រំបង្រៀន ភាសាកូរ៉េដែល ចាក់បញ្ចាំងនៅលើប៉ុស្តិ៍ NHK (ប្រព័ន្ធផ្សព្វផ្សាយធំមួយរបស់ប្រទេសជប៉ុន)។

យោងតាមផលិតកម្ម JYP Entertainment របស់ក្រុមចម្រៀងនេះបានឲ្យដឹងនៅថ្ងៃព្រហស្បតិ៍ម្សិលមិញថា 2PM នឹងធ្វើជាពិធីករក្នុងកម្មវិធី “រៀនភាសាកូរ៉េតាមរយៈទូរទស្សន៍” របស់ប៉ុស្តិ៍ទូរទស្សន៍ NHK ចាប់ពីថ្ងៃទី ២ ខែមេសា។ កម្មវិធី show រយៈពេល ២៥ នាទីនេះនឹងចាក់ផ្សាយរៀងរាល់ថ្ងៃចន្ទវេលាម៉ោង ១០ យប់។ ក្នុងអំឡុងពេល ៥នាទីម្ដង សមាជិកក្រុមនឹងពន្យល់ពាក្យនិង ឃ្លា ភាសាកូរ៉េសាមញ្ញៗ បន្ថែមលើគន្លឹះមានប្រយោជន៍មួយចំនួនទៀតដែលគេអាចប្រើប្រាស់បាននៅពេលធ្វើដំណើរទៅកាន់ប្រទេសកូរ៉េ។

នៅពេល 2PM បានចូលរួមក្នុងកម្មវិធីសន្និសីទស្ដីពីកម្មវិធីទូរទស្សន៍កាលពីថ្ងៃពុធនៅទីចាត់ការធំរបស់ NHK នៅក្នុងទីក្រុងតូក្យូ សមាជិកជនជាតិថៃរបស់ក្រុមចម្រៀង Nickhun បាននិយាយថា “វាប្រហែលជាប្លែកដែលឃើញខ្ញុំបង្រៀនភាសាកូរ៉េព្រោះខ្ញុំជាថៃ។ ប៉ុន្តែប្រសិនបើអ្នកសរសេរ និង ប្រើប្រាស់វាជាញឹកញាប់ ការរៀនភាសាកូរ៉េរបស់អ្នកនឹងរីកចម្រើន”។

ពេលសួរថា តើពាក្យកូរ៉េអ្វីដែល 2PM ចង់បង្រៀនទៅកាន់ fan Taec-yeon បាននិយាយថា “ខ្ញុំចង់ឲ្យពួកគេចងចាំពាក្យ “oppa” (ពាក្យដែលនារីកូរ៉េនិយាយសំដៅលើបុរសដែលមានអាយុច្រើនជាង) បើទោះជាពាក្យនេះជាពាក្យដែលនិយាយដោយនារីក៏ដោយ”។

ប្រភព៖ asianfanatics
រូបភាព៖ asianfanatics & niesa87himura

Read More..

2NE1 និង Will.I.Am បង្ហាញ បទចម្រៀងថ្មី របស់ខ្លួន នៅក្នុងក្លឹប

ថ្មីៗនេះ តែងតែមានព័ត៌មានថា ក្រុមចម្រៀងដ៏ល្បីល្បាញ ស្ទើរពាសពេញពិភពលោក 2NE1 បានសហការចម្រៀងថ្មីជាមួយ Will.I.Am សមាជិក black eyed peas ដែលធ្វើ ឲ្យប្រិយមិត្តជាច្រើន ទន្ទឹងរង់ចាំ ។

តាមព័ត៌មាន ពីកាសែតកូរ៉េ Allkpop បានឲ្យដឹង នៅថ្ងៃទី ០២ ខែមីនា ឆ្នាំ២០១២ នេះថា Will.I.Am ដែលជាតារា Rap អាមេរិក ដ៏ល្បីល្បាញនិង 2NE1ដែលកំពុងទទួល ការគាំទ្រយ៉ាងខ្លាំង ពីសំណាក់យុវវ័យនោះ បានបង្ហាញបទចម្រៀងថ្មី ដែលខ្លួន សហការគ្នា នៅក្នុងក្លឹបកំសាន្ត ដ៏ល្បីមួយ ក្នុងក្រុងស៊េអូល ដែលជាបទចម្រៀង បែបញាក់កន្ត្រាក់អារម្មណ៍ ធ្វើឲ្យប្រិយមិត្ត គាំទ្រមានចំណាប់អារម្មណ៍ជាខ្លាំង ។

គួរបញ្ជាក់ថា បទចម្រៀងថ្មីរបស់ 2NE1 ដែលខ្លួនបានធ្វើការជាមួយ Will.I.Am នឹងចេញលក់ ក្នុងពេលឆាប់ខាងមុខនេះ ៕

Read More..

ឡុង វីរៈយុទ្ធ មិនទាន់មាន ពេលគិតរឿង គូស្រករ

ភ្នំពេញ៖ តារាសម្តែង វ័យក្មេង រូបស្រស់សង្ហារ ដែលទស្សនិកជនស្គាល់ តាមរយៈការសម្តែង នៅក្នុងខ្សែភាពយន្តរឿង ”ភូមិខ្ញុំស្រស់ឆើតឆាយ” លោក ឡុង វីរៈយុទ្ធ (ហៅនាយភូ) បានបង្ហើបថា រូបលោកមិនទាន់មានគូកំណាន់ចិត្ត ឬក៏សង្សារនៅឡើយទេ ព្រោះថារវល់ជាមួយការសិក្សា និងការងារសិល្បៈច្រើនពេក គ្មានពេលគិតរឿងគូស្រករទេ។

លោក វីរៈយុទ្ធ តារាសម្តែង ដែលភាគច្រើន ចូលចិត្តសម្តែងជាតួក្រម៉ិចក្រមើម ធ្វើឲ្យទស្សនិកជនជាច្រើន ផ្ទុះសំណើចជាមួយការសម្តែងរបស់លោកនោះ បានប្រាប់ឲ្យដឹង នៅពេលដែលមានប្រិយមិត្តទូរស័ព្ទចូលរួមហើយ សួរពីរឿងបេះដូងរបស់លោក ថាពេលនេះមានម្ចាស់បេះដូងហើយឬនៅនោះ?
ទាក់ទងនឹងសំណួរនេះ បានធ្វើឲ្យបុរសសង្ហារដែលទស្សនិកជនភាគច្រើនតែងតែ ហៅលោកថា នាយភូ ឆ្លើយទាំងមុខក្រហមថា ”រហូតមកដល់ពេលនេះ ខ្ញុំមិនទាន់មានសង្សារ ឬក៏គូកំណាន់ចិត្តទេ ព្រោះរវល់ខ្លាំងពេក ពេលខ្លះស្ទើរតែគ្មានពេលសិក្សាផង មានពេលឯណាទៅគិតរឿងហ្នឹងនោះ”។

លោក ភូ បានបន្ថែមទៀតថា ពេលនេះលោកកំពុងតែរវល់ជាមួយការត្រៀមថតរឿង ព្រោះថា មានផលិតកម្មច្រើនណាស់បានទាក់ទងមកលោក ប៉ុន្តែក៏មានខ្សែភាពយន្តខ្លះ លោកក៏មិនបានទទួលដែរ ដោយសារតែគ្មានពេលថតឲ្យពួកគេ។ ម្យ៉ាងរឿងខ្លះ គឺត្រូវថតជាន់ថ្ងៃគ្នា ទើបធ្វើឲ្យលោកទទួលបានខ្លះ អត់ខ្លះបែបនេះ។ ដូចជានៅក្នុងខែមីនានេះ លោកក៏កំពុងតែត្រៀមថតរឿងថ្មីមួយទៀត គឺរឿង ”កំពូលស្នេហ៍៣នាក់” ក្រោយពីថតរឿងនេះចប់ គ្រោងនឹងដាក់បញ្ជាំងនៅក្នុងស្ថានីយទូរទស្សន៍។

គួររំលឹកផងដែរថា លោក ឡុង វីរៈយុទ្ធ គឺជាអតីតហ្វ្រេសស៊ីប៊យ ចំណាត់ថ្នាក់លេខ៤ តាំងពីឆ្នាំ២០០៧ ក្រោយមកលោក ក៏បានចាប់ផ្តើមសម្តែង ខ្សែភាពយន្តដោយគ្រោងតំណែង ជាតួឯកប្រុសនៅក្នុងខ្សែភាពយន្តរឿង «ភូមិខ្ញុំស្រស់ឆើតឆាយ, ចាញ់ចិត្តត្បិតស្រឡាញ់ និងរឿងមួយចំនួនទៀត» ហើយក៏ទស្សនិជនខ្លះ ក៏បានស្គាល់លោក តាមរយៈការថតស្ពតពាណិជ្ជកម្ម កាយវិការខារ៉ាអូខេ និងថតស្ពតសំអាងការជាច្រើនទៀតផងដែរ៕

ដកស្រង់ពី៖ dap-news

Read More..

ម៉ូសា ត្អូញត្អែរ ពីការលំបាក ក្នុងការទាញយក ប្រជាប្រិយភាព ពីមហាជន

ភ្នំពេញ៖ តារាចម្រៀងក្នុង ដំបូលប្រចាំផលិតកម្ម ដាយម៉ិន ញូស៊ិក (Diamond music) កញ្ញាម៉ូ សា (Mi Mosa) ដែកមាន ឈ្មោះពិតថា ហុង ស្រីមុំ បានមានឱកាសចូល ប្រឡូកក្នុងវិស័យសិល្បៈ អស់រយៈកាលជិត៤ឆ្នាំ មកហើយ ដោយដំបូងឡើយនាង ច្រៀងក្នុង ផលិតកម្ម"ស្វាងតារា" ហើយសព្វថ្ងៃផលិតកម្មទាំងពីរនេះ បានសហការគ្នា និងបានចេញអាល់ប៊ុមថ្មីៗជាបន្តបន្ទាប់ ។ ទោះបីជាយ៉ាងណាសម្រាប់កញ្ញាម៉ូសា នាងបាន បញ្ចេញទេពកោសល្យ និងថតបានបទចម្រៀងជាច្រើនបទ រួមមានបទ៖ កុំចាំគេដឹងទើបយើងបែកគ្នា, កំដរអូន ចាំគេត្រឡប់, My Prince និងបទបែប មនោសញ្ចេតនាជាច្រើនទៀត ក្នុងនោះកុំចាំគេដឹងទើបយើងបែកគ្នា នឹងបទកំដរអូនចាំគេត្រឡប់ កំពុងពេញនិយមជាងគេក្នុងស្រទាប់យុវវ័យ។

ជាមួយគ្នានេះឱកាសនៃការឡើងទៅកាន់ឆាកតន្ត្រី ប្រចាំស្ថានីយ៍ទូរទស្សន៍នានា ដូចជាស៊ីធីអិន បាយ័ន និងទូរទស្សន៍ប៉ុស្តិ៍លេខ៣ជាដើម ក៏មានវត្តមានជាហូរហែរ ។ ក៏ប៉ុន្តែវាមិនបានបំពេញនូវមហិច្ឆតា ធ្វើឲ្យនាង ស្ងប់ចិត្តក្នុងការចាប់ទាញយកប្រជាប្រិយភាពពីសំណាក់មហាជននោះឡើយ ពោលគឺនាងនៅតែត្អូញត្អែរ ពីការពិបាកដើម្បីទាញយកភាពល្បីល្បាញ ព្រោះនាងគិតថា នៅតែមានឱកាសតិចតួច ក្នុងការបង្ហាញខ្លួន នៅលើឆាកតន្រ្តី និងឈុតខារ៉ាអូខេ។

បុប្ផាមានដើមកំណើតមកពីទឹកដីខេត្តព្រះសីហនុ រូបនេះបានប្រាប់មជ្ឈមណ្ឌលព័ត៌មានដើមអម្ពិលឲ្យដឹងថា" ខ្ញុំគិតថា ខ្ញុំមានអារម្មណ៍ពិបាកបន្តិចក្នុងការប្រមូលការគាំទ្រ ព្រោះខ្ញុំជាតារាថ្មីថ្មោង ណាមួយមិនសូវដែល បង្ហាញមុខនៅតាមឆាកតន្រី្តឲ្យញឹកញាប់នោះឡើយ។ ប៉ុន្តែខ្ញុំគិតថារហូតមកដល់សព្វថ្ងៃនេះខ្ញុំទទួលបានជោគ ជ័យ ប្រហែលជា៦០ភាគរយ ព្រោះមានយុវវ័យស្គាល់ខ្ញុំច្រើន "។

ស្រីស្រស់រំដួលមាត់សមុទ្រដែលបានប្រឡូកសិល្បៈតាំងពីចុងឆ្នាំ២០០៩ រូបនេះនាងនៅតែមិនបានរាថយ ឬចុះចាញ់បាក់កម្លាំងចិត្តឈប់តស៊ូនោះទេ ពោលគឺនាងនៅតែបន្តខិតខំប្រឹងប្រែងទាំងយប់ទាំងថ្ងៃ ធ្វើយ៉ាង ណាឲ្យទសនិកជនស្គាល់នាងកាន់តែច្រើន មិនតែប៉ុណ្ណោះម៉ូសា មិនត្រឹមតែជាតារាចម្រៀងបែបយុវវ័យនោះទេ នាងក៏ជាពិធីការិនីនៃវិទ្យុ Cool FM 100.7 វិទ្យុយុវវ័យក្នុងកម្មវិធី"និយាយពីជនល្បីល្បាញ" ដែលមានផ្សាយចាប់ ពីម៉ោង១០ដល់ម៉ោង១២ រៀងរាល់ថ្ងៃចន្ទដល់ថ្ងៃសុក្រផងដែរ។ ម៉ូសា បន្តនិយាយថា "ក្រៅពីច្រៀង ខ្ញុំឆ្លៀតពេល ទំនេរធ្វើជាពិធីការិនីវិទ្យុ ដែលកម្មវិធីរបស់ខ្ញុំមានអ្នកគាំទ្រច្រើនគួរសម។ ចំណែកនៅឯផលិតកម្មឯណោះវិញ ពេលមានបទនិពន្ធថ្មីតម្រូវឲ្យខ្ញុំច្រៀង ទើបគេហៅឲ្យខ្ញុំទៅច្រៀង គ្រប់តារាទំាងអស់ គឺយើងមានបទស្មើៗគ្នា "។

អ្វីដែលម៉ូសា បានអះអាងខាងលើអាចបញ្ជាក់បានខ្លះៗថា នាងពិតជាខ្វាយខ្វល់ចំពោះការដណ្តើម យកប្រជា ប្រិយភាពពីសំណាក់ទស្សនិកជន ខណៈដែលមានតារាចម្រៀង តារាសម្តែងពន្លកថ្មីដុះឡើងយ៉ាងព្រោងព្រាត និងនាំគ្នាប្រកូតប្រជែងយ៉ាងស្វិតស្វាញដណ្តើមឈ្មោះក្នុងទីផ្សារសិល្បៈ ទោះបីជាពួកគេត្រូវជួបប្រទះនូវរឿងរ៉ាវ អាស្រូវណាមួយមកលើខ្លួនក៏ដោយ។ ចុះចំណែក ម៉ូសាវិញ នាងមានយុទ្ធសាស្រ្តអ្វីខ្លះដើម្បី ទាញយកការគាំទ្រ ពីមហាជន? តើនាងហ៊ានប្រឈមមុខចំពោះពាក្យចរចាមអារាមអាស្រូវណាមួយដែលអាចបោកបក់ មកលើ រូបនាងពេលនាងល្បីបានកម្រិតណា?

ស្រីស្រស់ម៉ូសា តារាចម្រៀងដែលនិយាយភាសាអង់គ្លេសបានល្អរូបនេះឆ្លើយយ៉ាងម៉ឹងម៉ាត់ថា " ខ្ញុំអត់ខ្លាចទេ ខ្ញុំស្គាល់ខ្លួនឯងច្បាស់ ខ្ញុំត្រូវតែរឹងប៉ឹង ខ្ញុំជឿជាក់ចំពោះខ្លួនឯងថា រឿងហ្នឹងមិនអាចកើតមានចំពោះខ្ញុំ ជាដាក់ ខាត"។ ប៉ុន្តែពេលមានសំណួរលើកឡើងពីបញ្ហាម្ចាស់បេះដូង តារាវ័យ២៤ឆ្នាំ ម៉ូសា ប្រាប់ថា "បើនិយាយទៅខ្ញុំ អត់ចង់កុហសខ្លូនឯង បើប្រាប់ថាអត់មានអ្នកស្រឡាញ់ក៏គេមិនជឿខ្ញុំដែរ។ ធម្មតាទេបង.....ខ្ញុំមានវ័យប៉ុណឹ្ណង ហើយ តែងតែមានអ្នកស្រឡាញ់ ប៉ុន្តែសំខាន់នៅត្រង់ថាខ្ញុំគិតពីបញ្ហានេះជាធំ ឬអត់ ព្រោះខ្ញុំកំពុងតែចាប់ អារម្មណ៍ខ្លាំងនិងខិតខំប្រឹងប្រែងយ៉ាងណាឲ្យការងារសិល្បៈសព្វថ្ងៃទទួលជោគជ័យខ្លាំងក្លាជាងនេះសិន។ ម្យ៉ាងទៀតនៅឆ្នាំក្រោយខ្ញុំកំពុងពិភាក្សាជាមួយមិត្តភក្តិ បើកកសិដ្ឋាន ចិញ្ចឹមជ្រូក និងចិញ្ចឹងមាន់ ដោយចូល ហ៊ុនគ្នា ហើយយើងនឹងដំណើរការវាឲ្យរលូនទៅមុខ ព្រោះជាបំណងប្រាថ្នារបស់ខ្ញុំ"។

សូមបញ្ជាក់ផងដែរថា ម៉ូសា ដែលមានឈ្មោះពិតហុង ស្រីមុំ មានស្រុកកំណើតនៅក្រុងព្រះសីហនុ ប៉ុន្តែនាង មករស់នៅក្នុងទីក្រុងភ្នំពេញតាំងពីតូចមកម្ល៉េះ។ ម៉ូសា មានឳពុកឈ្មោះហុង ងី ធ្វើជាមេភូមិ និងម្តាយឈ្មោះ ហ៊ុន លក្ម្ស៊ី ជាមេផ្ទះដែលមានបងប្អូន៦នាក់ស្រី៣ ប្រុស៣ ចំណែកនាងជាកូនទី២ ។ ម៉ូសាបញ្ចប់ការសិក្សាត្រឹម ថ្នាក់បាក់ឌុបក្នុងឆ្នាំ២០០៨ នៃវិទ្យាល័យជាស៊ីមសន្ធរម៉ុក និងក៏មានបំណងបន្តការសិក្សាបន្ថែមទៀត ប្រសិនបើនាងមានពេលវេលាគ្រប់គ្រាន់៕