24hPlus

Huawei បង្ហាញModem តូចបំផុតលើលោក!

ថ្មីៗនេះក្រុមហ៊ុន Huawei បានបង្ហាញ Modem ស៊េរីថ្មី HiMini E369 ដែលមានរូបតូចបំផុតលើពិភពលោករបស់ខ្លួននៅសមាជទូរស័ព្ទពិភពលោក (MWC) 2012 ។ នេះដោយយោងទៅតាមគេហទំព័រ itechnews។

e369-120228115823

Modem ស៊េរីថ្មីនេះមានកម្រាស់ ៨ម.ម, ប្រើបានជាមួយប្រព័ន្ធ WCDMA/HSPA+ និង GSM/EDGE ជាមួយនឹងល្បឿន 21Mbps, ប្រើស្តង់ដារ USB connector, plug-and-play និងមាន៨ពណ៏សម្រាប់ជ្រើសរើសដូចជា៖ លឿង, ផ្កាឈូក, ត្រួយចេក, ផ្ទៃមេឃ, ស, ទឹកប៊ិច, ក្រហម និងប្រផេះ។

អ្វីដែលគួរឲ្យសោកស្ដាយនោះគឺប្រភពខាងលើមិនបានប្រាប់ពីតម្លៃនិងកាលបរិច្ឆេទចេញលក់ជាសាកលនោះទេ៕

Read More..

MWC ២០១២៖ LG ឧទ្ទេសនាមឧបករណ៍សាកថ្មឥតខ្សែ WCD-800

នៅក្នុងកម្មវិធីតាំងពិព័រណ៌ MWC ដែលធ្វើឡើងនៅឯ Barcelona ឆ្នាំនេះ LG បានដាក់តាំង
បង្ហាញនូវសមិទ្ធិផលថ្មីមួយ ទៀតរបស់ខ្លួនគឺឧបករណ៍ សាកថ្មឥតខ្សែឈ្មោះថា WCD-800
ដែលមានដំណើរការ តាមរបៀបគ្នានឹងបច្ចេកវិទ្យា Touchstone របស់ Palm ដែរ គឺមិនចាំ
បាច់ប្រើប្រាស់ខ្សែដោតជា មួយទូរស័ព្ទនៅពេល សាកថ្មនោះឡើយ។

ឧបករណ៍សាកថ្មនេះអាចដំណើរការបានជាមួយបណ្តាទូរស័ព្ទ smartphone គ្រប់ប្រភេទ
ដែល LG ឧទ្ទេសនាមនៅក្នុងកម្មវិធីតាំងពិព័រណ៌ MWC លើកនេះផងដែរ ដែលអាចដំណើរ
ការបានទាំងក្នុងរបបជា portrait និង landscape និងថែមទាំងអាចដំណើរការបានតាមស្តង់
ដា Qi របស់ Wireless Power Consortium ទៀតផង។

WCD-800 មានទំហំ ៧៥,៨មីលីម៉ែត្រ និងអាចដំណើរបានល្អជាងបើធៀបជាមួយកំណែមុន
គឺ WCD-700 ។ WCD-800 នឹងត្រូវបានដាក់លក់ដំបូងក្នុងប្រទេសកូរ៉េខាងត្បូងមុននឹងនាំទៅ
កាន់ទីផ្សារអាមេរិកខាងជើងនិងទីផ្សារផ្សេងៗទៀតនៅពាក់កណ្តាលឆ្នាំ ២០១២ នេះ៕
ប្រភព៖ pocket-lint

Read More..

Apple ក្រុមហ៊ុនទទួលការកោតសរសើរបំផុតលើលោក

គេហទំព័រ BGR បានឲ្យដឹងកាលពីថ្ងៃម្សិលមិញនេះថា ក្រុមហ៊ុន Apple បានជាប់ឈ្មោះជាកំពូលគេនៅក្នុងបញ្ជីក្រុមហ៊ុនដែលមានការកោតសរសើរបំផុតលើលោក ដូចការរំពឹងទុក។

នេះជាការបោះពុម្ភផ្សាយមួយរបស់ Furtune ដោយបានលើកឡើងថា “នេះនៅតែជាឆ្នាំដ៏សំខាន់មួយសម្រាប់ Apple”។ ការទទួលមរណភាពរបស់ Steve Jobs បានធ្វើឲ្យអនាគតរបស់ Apple មានភាពស្រពេចស្រពិល ប៉ុន្តែនៅក្រោមការដឹកនាំរបស់ Tim Cook ក្រុមហ៊ុនApple នៅតែជួបរឿងល្អៗដដែល។ ក្រុមហ៊ុនមានមូលដ្ឋាននៅ Cupertino មួយនេះបានរីកចម្រើនយ៉ាងខ្លាំង ដោយបានបង្កើតទុនក្នុងទីផ្សាររហូតដល់ ៥០០ ពាន់លានដុល្លារ ដែលបានធ្វើឲ្យ Apple ក្លាយជាក្រុមហ៊ុនមានតម្លៃបំផុតលើលោក។

ក្រុមហ៊ុនផ្សេងៗដែលជាប់លេខនៅក្នុងចំណោមតំណែងទាំងរួមមាន Google, Amazon, Coca-Cola, IBM, FedEx, Berkshire Hathaway, Starbucks, Procter & Gamble និង Southwest Airlines។

ពិតជាមិនធម្មតាមែន ទោះ Steve Jobs ទទួលអនិច្ចកម្មក៏ Apple នៅតែខ្លាំង។ ប៉ុន្តែគួរបញ្ជាក់ផងដែរថា ទូរស័ព្ទ iPhone 4S ដែលជាទូរស័ព្ទស៊េរីចុងក្រោយរបស់ Apple មិនបានទទួលពានរង្វាន់អ្វីនៅក្នុងព្រឹត្តិការណ៍សមាជទូរស័ព្ទពិភពលោកឡើយ៕

Read More..

Kodak លក់ Online Galleryឲ្យShutterfly

ក្រុមហ៊ុន Eastman Kodak ដែលបានដាក់ពាក្យសុំការការពារក្ស័យធនកាលពីខែមករាកន្លងទៅថ្មីៗនេះបានថ្លែងកាលពីថ្ងៃព្រហស្បតិ៍ម្សិលមិញនេះថា ខ្លួនយល់ព្រមលក់ជំនួញសេវាកម្មរូបថតOnline Gallery ឲ្យក្រុមហ៊ុន Shutterfly ក្នុងតម្លៃ ២៣,៨លានដុល្លារអាមេរិកហើយ។ នេះដោយយោងតាមគេហទំព័រ bangkokpost ដែលបានចុះផ្សាយកាលពីព្រឹកមិញនេះ។

photo_1330646562791-1-0

Kodakបានឲ្យដឹងថាគណនេយ្យ Kodak Gallery និងរូបភាពនៅប្រទេសកាណាដានិងសហរដ្ឋអាមេរិកទាំងអស់នឹងត្រូវផ្ទេរទៅឲ្យ Shutterfly ដើម្បីអនុញ្ញាតឲ្យអ្នកប្រើប្រាស់ទាំងអស់អាចរក្សាទុក និងចែករំលែករូបភាពរបស់ខ្លួននៅលើអ៊ីនធឺណិតបាន។ ចំណែកអ្នកប្រើប្រាស់ទាំងឡាយណាដែលមិនចង់ឲ្យរូបរបស់ពួកគេផ្ទេរចូលទៅ Shutterfly នោះពួកគេអាចទាញយករូបទាំងនោះដោយឥតគិតថ្លៃទុកក្នុងកុំព្យូទ័រ ឬDVD បាន។

យោងតាមក្រុមហ៊ុន Kodak បានឲ្យដឹងថារហូតមកទល់ពេលនេះ Kodak Gallery មានចំនួនអ្នកចុះឈ្មោះប្រើប្រាស់សរុប ៧៥លាននាក់ ហើយក្រុមហ៊ុននឹងដាក់ពាក្យសុំការអនុញ្ញាតលក់សេវាកម្មនេះទៅតុលាការការពារការក្ស័យធនអាមេរិកនៅចុងខែមិនាខាងមុខនេះ។

គួរបញ្ជាក់ផងដែរថា កាលពីខែមុនក្រុមហ៊ុន Eastman Kodak បានប្រកាសបញ្ឈប់ការផលិតកាមេរ៉ាឌីជីថលដើម្បីផ្ដោតទៅលើផលិតផលបោះពុម្ព(printing products) វិញ៕

Read More..

ទូរស័ព្ទ IPhone ដែលថ្លៃជាងគេបំផុតនៅលើពិភពលោក

តើប្រិយមិត្តបានដឹងទេថា ទូរស័ព្ទ Iphone ដែលកំពុងពេញ និយមពាសពេញ ពិភពលោកយើងនេះ អាចមានតំលៃរហូត ទៅដល់រាប់លាន ដុល្លា ? សូមប្រិយមិត្តមើលរូបភាពខាងក្រោម ៖

Goldstriker iPhone 4G Diamond Edition – ១៩,៤៦០ ដុល្លា

Peter Aloisson’s iPhone Princess Plus – ១៧៦,៤០០ ដុល្លា

Peter Aloisson’s Kings Button iPhone – ២,៤ លានដុល្លា

Goldstriker iPhone 3GS Supreme – ៣,២ លាន ដុល្លា

Stuart Hughes iPhone 4S Diamond Rose Edition – ៨ លាន ដុល្លា

Read More..

Google នឹងផ្តល់ប្រាក់រង្វាន់ចំនួន ១លានដុល្លាអាមេរិក ចំពោះអ្នកដែលអាច hack Google Chrome បាន

ថ្មីៗនេះទស្សនាវដ្តី Forbes ទើបតែបានបង្ហើបនូវ ដំណឹងដ៏គួរអោយ ចាប់អារម្មណ៍បំផុតមួយ
និងប្រាកដណាស់ថា នឹងធ្វើអោយអ្នកពិភព បច្ចេកវិទ្យាមានការភ្ញាក់ ផ្អើលយ៉ាងខ្លាំងជាក់ជា
មិនខាននោះឡើយ ជាពិសេសបំផុតនោះ គឺបណ្តាអ្នកជំនាញខាង Hack ទាំងឡាយនៅទូ
ទាំងពិភពលោកយើង នេះខណៈពេលដែល ក្រុមហ៊ុន"យក្ស" Google ប្រកាសជូនដំណឹងថា
ខ្លួននឹងប្រគល់រង្វាន់ជា ទឹកប្រាក់ចំនួន ១លានដុល្លាអាមេរិកទៅអោយបុគ្គលណាដែលអាច
Hack Browser Google Chrome របស់ខ្លួនបាន។

ដូចដែលអ្នកប្រើប្រាស់បានដឹងរួចមកហើយថា ចាប់តាំងពីពេលដែលចាប់កកើតមានឡើង
ជាលើកដំបូងរហូតមកដល់បច្ចុប្បន្ននេះ កំណែ Google Chrome នៅតែជាកំណែមួយដែល
មានសុវត្ថិភាពល្អបំផុតនិងមិនដែលជួបប្រទះនូវបញ្ហាណាមួយដែលទាក់ទងនឹងប្រព័ន្ធសុវត្ថិ
ភាពនោះឡើយ គឺផ្ទុយស្រឡះពី Safari, Internet Explorer និង Firefox ដែលសុទ្ធតែធ្លាប់ជា
អ្នករងគ្រោះពីសំណាក់ពួក hacker ផ្សេងៗនោះ។

ដើម្បីជាការបកស្រាយចំពោះមូលហេតុដែលថាហេតុអ្វីបានជា Google ហ៊ានប្រគល់រង្វាន់ជា
ទឹកប្រាក់ឡើងរហូតដល់ ១លានដុល្លាអាមេរិកសំរាប់ពួក Hacker ណាដែលអាច Hack កម្មវិធី
Browser របស់ខ្លួនបាននោះ, ក្រុមហ៊ុន Google បានអោយដឹងថា " ចំពោះការដែលប្រគល់
រង្វាន់ជាទឹកប្រាក់មានចំនួនដ៏ច្រើនមហាសាលនេះទៅអោយបណ្តាបុគ្គលណាដែលអាចរក
ឃើញនូវកំហុស(ក្នុង Browser) គឺជាកត្តាចាំបាច់បំផុត, ប្រការនេះមិនត្រឹមតែជួយអោយក្រុម
យើងខ្ញុំអាចរកឃើញនូវកំហុសឆ្គងទាំងឡាយដែលកើតមានឡើងនៅក្នុងប្រព័ន្ធការពារសុវត្ថិ
ភាពប៉ុណ្ណោះនោះទេ តែថែមទាំងជួយអោយយើងខ្ញុំអាចធ្វើការអភិវឌ្ឍន៍និងបង្កើតឡើងនូវ
កម្មវិធីថ្មីៗជាច្រើនបន្ថែមទៀត ដែលអាចជួយអោយសមិទ្ធិផលរបស់យើងខ្ញុំកាន់តែមាន
សុវត្ថិភាពខ្លាំងឡើងនៅក្នុងពេលអនាគតទៀតផង"៕

បញ្ចប់ផ្នែក IT ប៉ុន្មានឆ្នាំហើយសាកល្បងមើលក្រែងលោបាន ១លានដុល្លាចាយណា !!!
ប្រភព៖ Forbes

Read More..

Facebook ពង្រីកការផ្សាយពាណិជ្ជកម្ម!

ក្រុមហ៊ុនបណ្ដាញ ទំនាក់ទំនងសង្គម Facebook បានប្រកាសកាលពីថ្ងៃ ពុធកន្លងទៅ នៅក្នុងសន្និសីទទីផ្សារ របស់ក្រុមហ៊ុនថា ការផ្សាយ ពាណិជ្ជកម្មពិសេស (Premium ads) នឹងឃើញនៅលើកម្មវិធីទូរស័ព្ទ និងលើ Logout screen លើកុំព្យូទ័រ ដែលនេះអាចនិយាយបានថា ជាការពង្រីកការផ្សាយពាណិជ្ជកម្មរបស់ Facebook ឲ្យបានកាន់តែច្រើនជាងមុន។

ការផ្សាយពាណិជ្ជកម្ម ដែលបង្ហាញនៅលើ News feeds របស់ទូរស័ព្ទ នឹងចេញក្នុងពេលឆាប់ៗនេះ រីឯការបង្ហាញនៅលើ Logout Screen របស់កុំព្យូទ័រនឹងចេញនៅមេសា។ បើរំលឹកទៅពីពេលមុនវិញ អ្នកប្រើប្រាស់ Facebook អាចឃើញការផ្សាយពាណិជ្ជកម្មតែនៅលើចំហៀងម្ខាងនៃទំព័រ និងនៅក្នុង News feed របស់កុំព្យូទ័រប៉ុណ្ណោះ។

គួរបញ្ជាក់ផងដែរថា ដំណើរឆ្ពោះទៅមុខនេះ គឺដោយសារតែ Facebook ជិតចូលខ្លួនទៅក្នុងទីផ្សារភាគហ៊ុនជាផ្លូវការហើយ ដូច្នេះចាំបាច់ត្រូវពង្រឹងពាណិជ្ជកម្មរបស់ខ្លួន ណាមួយ Twitter ក៏ទើបតែប្រកាសថានឹងបង្ហាញការផ្សាយពាណិជ្ជកម្មលើកម្មវិធីទូរស័ព្ទដែរ។

តើប្រិយមិត្តយល់ថា ការបង្ហាញពាណិជ្ជកម្មនៅលើទូរស័ព្ទជាការល្អ ឬជាការរំខាន?

Read More..

ថ្ងៃទី១៥ ខែមិនា Facebook បញ្ឈប់ដំណើរការ ?

Mark Zuckerberg អ្នកគ្រប់គ្រងគេហទំព័រទំនាក់ទំនាងសង្គម Facebook បានឲ្យដឹងថា
ចាប់ពីថ្ងៃទី ១៥ ខែមិនា ឆ្នាំ២០១២នេះ អ្នកប្រើប្រាស់ និងមិនអាចប្រើគណនី Facebook
របស់ខ្លួនបានទៀតឡើយ។

មូលហេតុដែល Mark Zuckerberg បង្ហើបឲ្យដឹងគឺ “Facebook បានផុតពីការត្រួតពីនិត្យ
ហើយការគ្រប់គ្រងវា បានបំផ្លាញជីវិតរបស់ខ្ញុំ។ ដូច្នេះ ខ្ញុំត្រូវតែបញ្ឈប់រឿងដ៏អាក្រក់នេះ។"
ប្រសិនបើវាកើតឡើងមែន មានន័យថា អ្នកញៀន Facebook និងត្រូវកែសម្រួលជីវិតរបស់
ខ្លួន ដែលគ្មានបណ្តាញសង្គមនេះ យ៉ាងហោចណាស់ក៏ ១ឆ្នាំឡើងទៅ។ Zuckerberg បាន
អះអាងថា "ប្រសិនបើ គ្មាន Facebook គេនិងត្រូវតែចេញក្រៅដើម្បីស្វែងរកមិត្តភ័ក្តពិតៗ នោះគឺជារឿងល្អ។"

លោក Avrat Humarthi អនុប្រធាន ផ្ទៃក្នុង បច្ចេកទេស របស់ Facebook បានឲ្យដឹងថា
បន្ទាប់ពីថ្ងៃទី១៥ ខែមិនា គេហទំព័រនេះ និងត្រូវឃាត់ទាំងស្រុង។ ប្រសិនបើអ្នកចង់រក្សា
រូបភាពរបស់ខ្លួន អ្នកគួរតែរក្សាវានៅកន្លែងណាមួយដែល មិនមែនតាមអ៊ីនធឺណែតនោះទេ។

បច្ចុប្បន្ននេះ Facebook គឺជាក្រុមហ៊ុនមួយក្នុងចំណោមក្រុមហ៊ុនមាន ជាងគេបំផុតនៅលើ
ពិភពលោក ដែលមានតំលៃសេដ្ឋកិច្ចប្រហែល ៧.៩០០០ លានដុល្លា។ ក៏ប៉ុន្តែ Zuckerberg
មិនបារម្មណ៍រឿងនេះទេ អ្វីដែលគាត់ខ្វល់នោះគឺជីវិតនៅក្រោយវា។
ទោះបីជាយ៉ាងណា យើងក៏មិនទាន់ដឹងថា រឿងនេះពិតប្រាកដមែនឬអត់ ប៉ុន្តែយើងគួរតែ
ត្រៀមខ្លួនទុកជាមុន។

ប្រភព៖ weeklyworldnews

Read More..

Apple នឹងបង្ហាញជាផ្លូវការវត្តមាន iPad ជំនាន់ថ្មីនៅថ្ងៃទី ៧ ខែមីនាខាងមុខនេះ

ដំណឹងដែលអ្នកប្រើប្រាស់សមិទ្ធិផលរបស់ Apple ទន្ទឹងរង់ចាំបំផុតនៅក្នុងរយៈកាលកន្លង
មក ទីបំផុតបានចេញជាផ្លូវការហើយ។ កាលពីថ្ងៃម្សិលម៉ិញ Apple បានធ្វើការប្រកាសជា
ផ្លូវការមួយស្តីអំពីពេលវេលានិងទីតាំងដាក់បង្ហាញវត្តមានសមិទ្ធិផលថ្មីរបស់ខ្លួន ដែលនឹង
ធ្វើឡើងនៅវេលាម៉ោង ១០ ព្រឹកថ្ងៃទី ៧ ខែមីនា ខាងមុខនេះ( ម៉ោងក្នុងតំបន់) ដែលត្រូវ
នឹងម៉ោង ១ យប់ថ្ងៃទី ៨ មីនាម៉ោងក្នុងប្រទេសកម្ពុជា។ សំបុត្រអញ្ជើញចូលរួមក្នុងកម្មវិធី
ព្រឹត្តិការណ៍ដ៏អស្ចារ្យមួយនេះក៏ត្រូវបាន Apple ធ្វើការចែកចាយរួចរាល់ផងដែរ ចំណែកទី
តាំងនឹងប្រារព្ធធ្វើឡើងនៅឯ Yerba Buena Center for the Arts ក្នុងទីក្រុង San Francisco
ប្រទេសអាមេរិក។ ហើយថ្វីត្បិតតែពួកគេមិនបានបញ្ជាក់ថានឹងធ្វើការឧទ្ទេសនាមបង្ហាញ
នូវសមិទ្ធិផលអ្វី ប៉ុន្តែបើមើលលើរូបភាពដែលដាក់បង្ហាញនោះគេអាចដឹងបានភា្លមថាគឺជា
សមិទ្ធិផលឧបករណ៍ Tablet iPad ជំនាន់ថ្មីដែលអាចជា iPad 3, iPad HD រឺក៏ iPad 2S ...។

ក៏ដូចការឧទ្ទេសនាមបង្ហាញវត្តមានសព្វមួយដងនាពេលកន្លងមកផងដែរ សំបុត្រអញ្ជើញ
របស់ Apple តែងតែមានផ្ទុកមកជាមួយនូវឯកសារពត៌មានជាច្រើន។ "something you
really have to see" នៅក្នុងរូបភាពបានឆ្លុះបង្ហាញអោយឃើញកាន់តែច្បាស់ គឺ Apple ចង់
ផ្តោតទៅលើ iPad នេះតែម្តង ប៉ុន្តែក៏អាចបង្ហាញទៅដល់ Apple tivi ដែលជាសមិទ្ធិផលមួយ
ធ្លាប់បាន Apple សន្យាថានឹងនាំមកជូនអ្នកប្រើប្រាស់នៅក្នុងពេលអនាគតដ៏ខ្លីខាងមុខនេះ
ផងដែរ។ Apple TV (iTV) ជំនាន់ថ្មីគឺជាឧបករណ៍ទូរទស្សន៍មួយជាមួយអេក្រង់មានទំហំដ៏
ធំនិងអាចបញ្ជារបានដោយ Siri, ប្រើប្រាស់ iPhone, iPad សំរាប់ remote ជាដើម។

ចំណែក "And touch" វិញ ក៏ប្រហែលជា Apple ចង់បង្ហាញថា iPad ថ្មីនេះនឹងដាក់ជំនួសមក
វិញនូវ Sensor ជា Touch screen រឺក៏មុខងារ Touch screen ណាមួយជំនួសអោយប៊ូតុង
Home ដែលធ្លាប់តែមាននៅលើឧបករណ៍របស់ខ្លួនផងដែរ។

ដោយឡែកចំពោះពត៌មានស្តីអំពី iPad ជំនាន់ថ្មីនេះគឺបានផ្តោតការយកចិត្តទុកសំខាន់លើ
អេក្រង់មាន resolution រហូតដល់ ២០៤៨x ១៥៣៦៦ pixel ដែលស្មើនឹង ៤ដង resolution
មាននៅលើកំណែ iPad 2 បច្ចុប្បន្ន។ កំណែថ្មីនេះនឹងប្រើប្រាស់ Chip ប្រភេទ Quad core
A6 (ក៏អាចជា A5X), ថ្មមានចំណុះធំជាងមុន មានបំពាក់បច្ចេកវិទ្យា 4G LTE និង resolution
របស់កាមេរ៉ាខាងក្រោយក៏មានទំហំកាន់តែធំជាងមុនផងដែរ។ ចំណែកឯរូបរាងរចនារបស់
iPad ថ្មីនេះនៅរក្សាដដែលដូច iPad 2 បច្ចុប្បន្នដែរ៕

Read More..

iPad 2 ក្រៅស្រុកធ្លាក់ថ្លៃ ក្នុងស្រុកស្រពិចស្រពិល

កាលពីពេលថ្មីៗនេះ នៅលើ Best Buy ដែលជាគេហទំព័រពេញ និយមមួយសម្រាប់អ្នក ដែលចូលចិត្តទិញទំនិញតាម ប្រព័ន្ធអនឡាញ បានប្រកាសលក់បញ្ចុះតម្លៃ ៥០ ដុល្លារអាមេរិកសម្រាប់ iPad 2 គ្រប់ស៊េរីទាំងអស់។

ក្រុមហ៊ុន iOne ដែលជាក្រុមហ៊ុននាំចូលផលិតផល Apple ចែកចាយលក់ផ្ដាច់មុខនៅក្នុងប្រទេសកម្ពុជាលើការលក់ផលិតផល iPad 2 ថានឹងមានការប្រែប្រួលដែរឬយ៉ាងណា។

កញ្ញា លាភ បុគ្គលិកសម្របសម្រួលផ្នែកលក់នៅក្រុមហ៊ុន iOne បានប្រាប់ថា ពេលនេះក្រុមហ៊ុននៅមិនទាន់មានវិធានការណ៍លើការលក់ផលិតផល iPad 2 ថានឹងមានការប្រែប្រួលយ៉ាងណានោះទេ។ យ៉ាងណាក៏ដោយកញ្ញាបញ្ជាក់ថា គ្រប់អតិថិជនដែលជាវផលិតផលប្រើប្រាស់នៅក្រុមហ៊ុនរបស់កញ្ញា តែងទទួលការផ្ដល់ជូនគ្រឿងឧបករណ៍បន្ថែមទៀតជាពិសេសផងដែរ។

តាមប្រភពដែលបានចុះផ្សាយដដែលក៏បានឲ្យដឹងដែរថា ការលក់បញ្ចុះតម្លៃខាងលើប្រហែលជាការលក់លាងឃ្លាំង ខណៈមានព័ត៌មានលេចឮថា iPad 3 ត្រៀមខ្លួននឹងចេញលក់លើទីផ្សារនាពេលដ៏ខ្លីខាងមុខនេះ។

ប្រភពរូបថត៖ cultofmac

Read More..

iPad 3 ជិតបង្ហាញខ្លួន iPad 2 កាន់តែលក់ដាច់

Apple មានផែនការ បើកកិច្ចប្រជុំមួយ នៅថ្ងៃទី៧ ខែមីនា ដើម្បីពិភាក្សាពី ការបង្ហាញវត្តមាន iPad ជំនាន់ថ្មីរបស់ខ្លួន។

iPad 3 ត្រូវបានគេរំពឹងថា នឹងអាចមានសមត្ថិភាព បង្ហាញរូបភាលើអេក្រង់ទំហំ 2,048 x 1,536 ភិកសែល ជា មួយនឹង processor ដែលមានល្បឿន លឿនជាងមុន ប្រភេទ quad-core Apple A6 មានបច្ចេកវិទ្យា 4G LTE កាមេរ៉ាវិវឌ្ឍន៍ទំនើបជាងមុន រួមទាំងការរចនាម៉ូតថ្មី។ ក្នុងនោះផងដែរ វាមិនមានអ្វីគួរឲ្យឆ្ងល់នោះទេ ដែល iPad ថ្មី នឹងត្រូវគេធ្វើកំណែប្រែឲ្យកាន់តែទំនើបនោះ ប៉ុន្តែក៏មិនប្រាកដថា គ្រប់គ្នាសុទ្ឋតែចង់បានរបស់ថ្មី និងអស្ចារ្យ នោះដែរ។ ដើម្បីកុំឲ្យអតិថិជន មានការសោកស្តាយដោយរង់ចាំការវិវឌ្ឍថ្មីរបស់ iPad ថ្មី វិធីល្អបំផុត ក្រុមហ៊ុន បានបញ្ជុះតម្លៃ ៥០ដុល្លារទៅលើប្រភេទ iPad2 គ្រប់ម៉ូដែលទាំងអស់។

ទោះបីជាយ៉ាងណា តាមពិតទៅការទិញ iPad2 នៅពេលបញ្ចុះតម្លៃ ៥០ដុល្លារ ដូចជាប្រថុយបន្តិចហើយ ព្រោះ បើតាមព័ត៌មានមួយចំនួនបានឲ្យដឹងថា Apple នឹងបន្តលក់បញ្ចុះតម្លៃ ១០០ដុល្លារ បន្ថែមទៀត ចំពោះ iPad 3 ជំនាន់ថ្មី ដែលត្រៀមខ្លួនចរាចរណ៍លើទីផ្សារនៅខែក្រោយនេះ៕

Photo by DAP-NEWS

Photo by DAP-NEWS

Read More..

iPad 3 ថ្លៃជាង iPad 2 ប្រហែល ៧០ ទៅ ៨០ ដុល្លាអាមេរិក

iPad 3 ត្រូវបានគេជឿជាក់ថានឹងចាប់ផ្តើមបង្ហាញវត្តមាននៅសប្តាហ៍ខាងមុខគឺនៅថ្ងៃទី ៧
ខែមិនា ខាងមុខនេះហើយ។ និងបើយោងតាមប្រភពពត៌មានជាច្រើនបានអោយដឹងថា
iPad 3 នឹងមានតំលៃថ្លៃជាងប្រហែលពី ៧០ ទៅ ៨០ ដុល្លាអាមេរិកធៀបជាមួយ iPad 2។

នៅលើទំព័រ MacRumors កាលពីម្សិលម៉ិញបានធ្វើការចុះផ្សាយនូវឯកសារសំងាត់មួយដែល
ត្រូវបានគេដឹងថាដកស្រង់ចេញពីទំព័រ Sina Weibo របស់ចិន និងនៅក្នុងឯកសារនោះទៀត
សោតបានធ្វើការបង្ហាញពីតារាងប្រៀបធៀបគ្នារវាងតំលៃនៃកំណែ iPad 2 និង iPad 3 របស់
Apple ។

ប្រសិនបើតារាងតំលៃនេះជាតំលៃពិតប្រាកដមែននោះ នោះ iPad 3 នឹងត្រូវបានដាក់លក់
ក្នុងតំលៃ ៥៧៩ដុល្លាអាមេរិកសំរាប់កំណែ ១៦GB WiFi គឺកើនពី ៤៩៩ដុល្លាអាមេរិករបស់
iPad 2 ។ រាល់កំណែ iPad WiFi ៣២GB, ៦៤GB មានតំលៃ ៦៧៩ដុល្លាអាមេរិក និង ៧៧៩
ដុល្លាអាមេរិក។ ប្រការនេះបានន័យថា iPad 3 ថ្លៃជាង ៧០ ដុល្លាអាមេរិកបើធៀបជាមួយ
iPad 2 ។

ស្របពេលជាមួយគ្នានោះដែរ iPad 3 3G មានតំលៃចាប់ពី ៦៩៩ដុល្លាអាមេរិក ,៧៩៩ដុល្លា
អាមេរិក និង ៨៩៩ដុល្លាអាមេរិក សំរាប់កំណែ ១៦GB, ៣២GB និង ៦៤GB ។

ថ្វីត្បិតតែ Apple មិនទាន់បានធ្វើការបញ្ជាក់ម្តងណានៅឡើយស្តីអំពីពេលវេលានៃការដាក់
បង្ហាញវត្តមាន iPad 3 របស់ខ្លួន ប៉ុន្តែមានប្រភពជាច្រើនបានលើកឡើងថា tablet ជំនាន់ថ្មី
របស់ Apple នឹងត្រូវបានបង្ហាញវត្តមាននៅថ្ងៃទី ៧ ខែមីនា ខាងមុខនេះ។ និងក៏ប្រហែល
ជា iPad 3 កំពុងតែស្ថិតនៅលើដងផ្លូវទៅកាន់ប្រទេសអាមេរិកទៀតផង នេះបើយោងតាម
ប្រភពពីសំណុំឯកសារពន្ធគយនៅឯព្រលានយន្តហោះអន្តរជាតិ Chengdu ក្នុងប្រទេសចិន
ដែលត្រូវបានលេចឡើងនៅលើទំព័រ Apple.pro ដែលបានបង្ហាញអោយដឹងថាក្រុមហ៊ុន
ផលិតតាមការកុម្ម៉ង់របស់ Apple គឺ Foxconn កំពុងតែបញ្ជូនផលិតទៅកាន់ឆាកអន្តរជាតិ។

ការបញ្ជូនផលិតផលនេះត្រូវបានអោយដឹងថាត្រូវបានធ្វើការត្រួតពិនិត្យសុវត្ថិភាពយ៉ាងល្អិត
ល្អន់បំផុត និងបើតាមគំរោងដែលបានដាក់ចេញ ផលិតផលទាំងនោះនឹងត្រូវបញ្ជូនទៅកាន់
ទីក្រុងចំនួន ៣ គឺ Chicago, New York និង Los Angeles អោយដល់នៅថ្ងៃទី ៩ ខែមីនាខាង
មុខនេះ។ ហើយតាមរយៈសកម្មភាពខាងលើនោះប្រហែលជា Apple បានត្រៀមខ្លួនរួចជា
ស្រេចហើយដើម្បីត្រៀមបង្ហាញវត្តមាន iPad 3 នៅក្នុងសប្តាហ៍ខាងមុននេះ។

ទន្ទឹមនឹងនោះដើម្បីជាការទទួលស្វាគមន៍វត្តមាន iPad 3 ហាងលក់ផលិតផលធំបំផុតឈ្មោះ
ថា Best Buy បានធ្វើការបញ្ចុះតំលៃចំនួន ៥០ដុល្លាអាមេរិកសំរាប់រាល់កំណែ iPad 2 ទាំង
អស់ដែលក្នុងនោះកំណែ iPad 2 Wi-Fi បញ្ចុះពី ៥០០ដុល្លាអាមេរិកមកត្រឹម ៤៥០ ដុល្លាអា
មេរិក កំណែ iPad 2 3G ៦៤GB បញ្ចុះពី ៨៣០ដុល្លាអាមេរិក មកត្រឹម ៧៨០ដុល្លាអាមេរិក។

អ្នកតំណាងរបស់ Best Buy បានបដិសេធមិនធ្វើការអត្ថាធិប្បាយពន្យល់ពីមូលហេតុដែល
ខ្លួនធ្វើការបញ្ចុះតំលៃរបស់ iPad 2 នោះទេ ប៉ុន្តែពិភពអ្នកបច្ចេកវិទ្យាមានជំនឿថានេះគឺជា
ចលនាសំអាតឃ្លាំងទំនិញរបស់ខ្លួននៅមុនពេល iPad 3 ត្រូវបានបង្ហាញវត្តមាន៕

ប្រភព៖ PCMag

Read More..

iPad 2 ធ្លាក់ថ្លៃមានន័យថា iPad 3 ជិតចេញ?

featured

ថ្មីៗនេះគេហទំព័រលក់ទំនិញអនឡាន Best Buy បានលក់បញ្ចុះតម្លៃ៥០ដុល្លារ លើ iPad 2 គ្រប់ស៊េរីទាំងអស់។ ដូចនេះអតិថិជនដែលចង់ទិញ iPad 2 ដែលមានតម្លៃធូរថ្លៃអាចចូលទៅកាន់ Best Buy បាន។ នេះដោយយោងតាមគេហទំព័រ geeky-gadgets ដែលបានចុះផ្សាយកាលពីម្សិលមិញ។

bestbuy_ipad2

ប្រភពខាងលើបានឲ្យដឹងថាព័ត៌មាននេះមិនមែនជាការលក់បញ្ចុះតម្លៃតែមួយមុខទេ ប៉ុន្តែទំនងជាការលក់លាងឃ្លាំងដើម្បីស្វាគមន៍ iPad 3 ដែលនឹងអាចចេញលក់នៅខែក្រោយច្រើនជាង។ មានពាក្យចចាមអារ៉ាមខ្លះបានលើកឡើងថាiPad ស៊េរីក្រោយនេះនឹងប្រកាសនៅថ្ងៃទី៧ ខែមិនាខាងមុខនេះដោយភ្ជាប់មកជាមួយអេក្រង់ច្បាស់ត្រជាក់ភ្នែកប្រភេទ retina display, កាមេរ៉ាច្បាស់ជាងមុន និងប្រើ CPU ប្រភេទ A5X ឬ A6។

ក្រុមហ៊ុន Apple មិនបានចេញមុខមកបញ្ជាក់លើពាក្យចចាមអារ៉ាមខាងលើនេះទេ។ អីចឹងមានតែបន្តតាមដានជាមួយ Sabay នៅខែមិនាខាងមុខនេះទាំងអស់គ្នា៕

Read More..

Nokiaប្រកាស Lumia 610 និង Lumia 900!

ក្នុងឱកាសសមាជ ទូរស័ព្ទពិភពលោក ក្រុមហ៊ុន Nokia បានប្រកាសទូរស័ព្ទ ជាច្រើន ជាក់ស្តែងទូរស័ព្ទ Windows Phone ក៏បានបង្ហាញខ្លួនដែរ គឺ Lumia 610 និង Lumia 900។ នេះដោយយោងតាមគេហទំព័រ GSMArena ដែលបានចុះផ្សាយកាលពីថ្ងៃម្សិលមិញ។

ទូរស័ព្ទ Nokia Lumia 610 ដំណើរការ ដោយប្រព័ន្ធប្រតិបត្តិការ Windows Phone 7.5, មាន Processor Single-core Snapdragon S1 ល្បឿន 800 MHz, RAM 256MB និងអង្គចងចាំខាងក្នុង 8GB។ ទូរស័ព្ទនេះមានអេក្រង់ WVGA TFT LCD ទំហំ ៣,៧ អ៊ីញ មានវិមាត្រ ១១៩ ម.ម x ៦២ ម.ម x ១២ ម.ម និងមានទម្ងន់ ១៣១,៥ ក្រាម។ Lumia 610 មានកាមេរ៉ាទំហំ 5MP ដែលមាន auto-focus និង LED Flash, មាន Wi-Fi, Bluetooth 2.1, GPS, Headphone jack ៣,៥ ម.ម, microUSB port និងមានថ្ម 1300mAh។

Nokia Lumia 610 មានពណ៌ស ក្រហម ខៀវ និងខ្មៅ និងគ្រោងចេញលក់នៅត្រីមាសទី ២ ឆ្នាំនេះ ក្នុងតម្លៃ ១៨៩ អឺរ៉ូ ប្រហាក់ប្រហែលនឹង ២៥០ ដុល្លារអាមេរិក។

ងាកមកមើល Lumia 900 វិញ នឹងចេញលក់ជាសាកលក្នុងឆ្នាំនេះ។ លោក Elop បានឲ្យដឹងថា ទូរស័ព្ទ Windows Phone លំដាប់ខ្ពស់មួយនេះនឹងចេញលក់នៅកាណាដា ជាមួយ Rogers ដោយមាន LTE Vesrsion និង DCHSPA ដែលមានល្បឿនលឿនជាង HSPA+ ធម្មតារហូតដល់ទៅ ២ ដង។

Lumia 900 នឹងចេញលក់នៅត្រីមាសទី ២ ឆ្នាំនេះ ដោយមានពណ៌ស ខៀវ និងខ្មៅ ហើយលក់ក្នុងតម្លៃ ៤៨០ អឺរ៉ូ ប្រហាក់ប្រហែល ៦៤០ ដុល្លារ។

ម៉េចដែរ ប្រិយមិត្តពេញចិត្តមួយណា? Lumia 610 ឬ Lumia 900?

Read More..

Huawei ប្រកាសsmartphone លឿនជាងគេលើលោក!

កាលពីថ្ងៃអាទិត្យ កន្លងទៅនេះក្រុមហ៊ុន Huawei បានប្រកាស smartphone លឿនជាងគេ លើលោកដែលមានឈ្មោះថា Ascend D quad និងគ្រួសាររបស់ Ascend ២ស៊េរីបន្ថែមទៀតដូចជា Ascend D quad XL និង Ascend D1 នៅសមាជទូរស័ព្ទពិភពលោក MWC (២០១២)។ នេះដោយយោងតាមគេហទំព័រ bgr។

ក្រុមហ៊ុនបានហៅ Ascend D quad ស៊េរីថ្មីរបស់ខ្លួនថាជា smarthphone លឿនជាងគេបំផុតលើពិភពលោកដោយសារតែ Ascend D បានភ្ជាប់មកជាមួយ CPU K3V2 quad-core ល្បឿន1.5GHz។ លក្ខណៈពិសេសបន្ថែមមានដូចជា៖ អេក្រង់ទំហំ ៤,៥អ៊ីញ 720p HD,, កាមេរ៉ាខាងក្រោយទំហំ 8-megapixel និងមុខទំហំ 1.3-megapixel, ថ្មប្រភេទ 1800mAh និងប្រើប្រព័ន្ធប្រតិបត្តិការ Ice Cream Sandwich ( Android 4.0)។

ចំណែក Ascend D quad XLមានលក្ខណៈសម្បត្តិដូច Ascend D quad ដែរតែខុសត្រង់ថា D quad XL ភ្ជាប់មកជាមួយថ្មប្រភេទ 2,500 mAh កាន់បានយូរជាង។ Ascend D1 ជា smartphone ចុងក្រោយដែលបានប្រកាសនៅ MWC ដោយភ្ជាប់មកជាមួយ CPU ប្រភេទ dual-core ល្បឿន 1.5 GHz ប្រើថ្មប្រភេទ 1,670 mAh ។

ខ្សែស្រឡាយ Ascend D quad ទាំង២ ស៊េរីខាងលើនេះនឹងមានដាក់លក់នៅ ចិន, អូស្ត្រាលី, អឺរ៉ុប, អាស៊ីប៉ាស៊ីហ្វិក, អាមេរិកខាងជើង, អាមេរិកខាងត្បូង និង មជ្ឈិមបូព៌ា នៅត្រីមាសទី២ ឆ្នាំ២០១២។ ចំណែក Ascend D1វិញនឹងមានដាក់លក់នៅខែមេសា។ ក្រុមហ៊ុនមិនបានប្រាប់ពីតម្លៃនិងព័ត៌មានលម្អិតនោះទេ៕

Read More..

កាមេរ៉ា 41MP របស់ 808 PureViewច្បាស់ប៉ុណ្ណាទៅ?

Featured

ទូរស័ព្ទ Nokia 808 PureView ដែលមានកាមេរ៉ា 41 MP បានធ្វើឲ្យសមាជ ទូរស័ព្ទពិភពលោក ឆ្នាំនេះរំជើបរំជួលយ៉ាងខ្លាំង ហើយមានមនុស្សជាច្រើនដែល ចង់ដឹងពីសមត្ថភាពពិតរបស់ កាមេរ៉ាទូរស័ព្ទនេះ។

ខាងក្រោមនេះមាន រូបភាពចំនួន ៤ និងវីដេអូឃ្លីប Full HD 1080p ចំនួន ២ដែលថតដោយ កាមេរ៉ាទំហំ 41MP របស់ Nokia 808 PureView។

មើលរូបភាពដើម សូមចុចទីនេះ

មើលរូបភាពដើម សូមចុចទីនេះ

មើលរូបភាពដើម សូមចុចទីនេះ

មើលរូបភាពដើម សូមចុចទីនេះ

បន្ទាប់មកសូមមើលវីដេអូវិញម្តង!

ប្រភព៖ GSMArena
រូបភាព៖ press.nokia.com

Read More..

Vespa ជំនាន់ថ្មីរំលឹកជំនាន់ចាស់

Vespa ជាឈ្មោះម៉ូតូ ដែលមិត្តយុវវ័យ នៅសម័យទសវត្សរ៍៨០ធ្លាប់ឮ និងមានឃើញបើកបរនៅលើដងផ្លូវទាំងឡាយក្នុង ទីក្រុងភ្នំពេញ។ ក្រោយពេលបាត់ឈ្មោះ មួយរយៈពេលនេះ Vespa ម៉ូដែលថ្មីៗ ប្រកបដោយភាពឡូយឆាយ រួមជាមួយការបំពាក់បច្ចេកវិទ្យា កាន់តែទំនើបៗ បានបង្ហាញវត្តមានសាជាថ្មី ដើម្បីរំលឹកអនុស្សាវរីយ៍ចាស់ និងចូលរួមប្រជែងទីផ្សារម៉ូតូក្នុងប្រទេសកម្ពុជា។

មានលក់នៅក្រុមហ៊ុន Neshuraqu (Cambodia) Co.,LTD

VESPA LX-125ie ម៉ូដែលថ្មីនេះគឺជាផលិតផលចេញពីរោងចក្រ PIAGGIO របស់ប្រទេសអ៊ីតាលីដែលត្រូវបានគេរចនាឡើងយ៉ាងស្រស់ស្អាត អាចបំពេញតាមតម្រូវចិត្តរបស់យុវវ័យសម័យថ្មីដែលនិយមម៉ូតូលេខអូតូ។ VESPA LX-125ie ជាប្រភេទម៉ូតូអូតូ ប្រើប៊ិច ស៊ីឡាំង ១២៤សង់ទីម៉ែត្រគូប និងកម្លាំង១២៥សេសេ ច្រាន ៤ តង់ដែលផ្ដល់សន្ទុះបើកបរបានលឿន។

តួខ្លួនផលិតឡើងដោយដែកថែបយ៉ាងរឹងមាំ រីឯចង្កៀងមុខត្រូវគេរចនាឡើងរាងមូលស្រោបដោយកញ្ចក់ព័ទ្ធស៊ុមដោយដែកក្រូមេ និងមានអំពូលភ្លើងពីរគ្រាប់ជាមួយចានគ្រីស្តាល់។ ចំណែកប្រអប់ដាក់សម្ភារៈគឺធំទូលាយអាចផ្ទុកសម្ភារៈតូចធំបានតាមតម្រូវការ ជាពិសេសអាចផ្ទុកមួកសុវត្ថិភាពបានថែមទៀតផង។ កុងទ័រត្រូវគេបំពាក់មកជាមួយបច្ចេកវិទ្យាថ្មីអាចឲ្យគេដឹងពីកំហុសឆ្គងកើតឡើងចំពោះគ្រឿងម៉ាស៊ីន និងមានភ្ជាប់នាឡិកាប្រាប់ពេលវេលាដ៏ទំនើបផងដែរ។

VESPA LX-125ie ប្រព័ន្ធសោប្រើ Chip និងប្រើលេខកូដដែលនេះអាចបង្កើនទំនុកចិត្តពីរឿងចោរកម្ម ឬការបាត់បង់ដោយប្រការណាមួយ។ វាក៏ត្រូវបានផលិតឡើងស្របតាមស្តង់ដា Euro 3 ដែលអាចជួយកាត់បន្ថយជាតិផ្សែងពុលការពារបរិស្ថានបានផងដែរ។

VESPA LX-125ie មានច្រើនពណ៌ច្រើនជម្រើស។ សម្រាប់តម្លៃវិញម៉ូដែលនេះគឺ ៣១៥០ ដុល្លារអាមេរិក ក្នុងមួយគ្រឿង៕

យ៉ាងម៉េចដែរតម្លៃនេះ សមជាមួយរូបរាងនិងប្រសិទ្ធភាពរបស់វាដែរឬទេ!

Read More..

Dellប្រកាសឈប់ផលិតកុំព្យូទ័រហើយ

ប៉ុន្មាននាទីមុននេះ គេហទំព័រNeowin.net បានចេញផ្សាយថា Michael Dell អគ្គនាយកក្រុមហ៊ុនផលិតម៉ាស៊ីនកុំព្យូទ័រ Dell បានចេញសេចក្ដី ប្រកាសជាសាធារណៈចំពោះ មុខសាធារណជននៅទីក្រុងឡុងដ៍ដូច្នេះ “មិនយូរទេ យើងឈប់ផលិតកុំព្យូទ័រ លក់ហើយ តែDellនៅជាក្រុមហ៊ុនIT”។

កំណែទម្រង់ដ៏ធំភ្លាមៗនេះ ត្រូវបានថ្នាក់ដឹកនាំដដែលបកស្រាយថា ដោយសារអាជីវកម្មកុំព្យូទ័រ ជាចំណែកមួយដ៏ខ្សោយបំផុតក្នុងចំណោមបណ្ដាសេវាកម្មទាំងអស់របស់Dell។ ជាក់ស្ដែងតួលេខនៃការលក់បានធ្លាក់ចុះចំនួន ២%បើធៀបនឹងឆ្នាំ កន្លងទៅ(២០១១-២០១០)។

Mini_10_Alpine_White_floating_610x365-600x359

ការអំពាវនាវជាផ្លូវការនេះត្រូវបានលេចចេញជារូបរាងបន្ទាប់ពីប្រមាណ ៦ខែមុននេះក៏ធ្លាប់បានសរសេរលើWall Google+ របស់ខ្លួនក្នុងន័យបញ្ជាក់ពីការថមថយសក្ដានុពលរបស់Computer Dell បែបនេះថា “Dell សល់តែដង្ហើមចង្រិតប៉ុណ្ណោះ…”។

ទន្ទឹមនឹងការប្រកាសបញ្ចប់ចរន្តផលិតកុំព្យូទ័រDell ក្រោមការចាត់ចែងរបស់ដៃចង្កូតរបស់ក្រុមហ៊ុនដដែលនេះ ស្រាប់តែHP ស្រែកក្ដែងៗថា ខ្លួននឹងកែប្រែហេដ្ឋារចនាសម្ព័ន្ធរបស់ខ្លួនឡើងវិញដើម្បីក្ដាប់យកទីផ្សារកុំព្យូទ័រ ខណៈដែលDell បានបង្ហើបពីការខាតបង់របស់HP រហូតដល់ ២៥% គិតត្រឹមចុងត្រីមាស ២០១១។

គួររំលឹកផងដែរថា ប្រមាណជាងកន្លះឆ្នាំមុននេះ HP ក៏បានប្រកាសឈប់ផលិតកុំព្យូទ័រដូចDell ពេលនេះអ៊ីចឹង ប៉ុន្តែក្រោយមកស្រាប់តែប្រកាសយុទ្ធសាស្ត្រថ្មី ដើម្បីស្ដាស្ថានភាពទៅវិញ។

ប្រសិនបើDell ឈប់ផលិតកុំព្យូទ័រមែន តើចំណែកទីផ្សារកុំព្យូទ័រពិតជាត្រូវធ្លាក់ទៅHP ទាំងស្រុងមែនឬ? តើមានមូលហេតុអ្វីឈរពីក្រោយការប្រកាសអវត្តមានប្រកួតប្រជែងលើទីផ្សារកុំព្យូទ័រ?

Read More..

Sony ប្រកាស Xperia P និង U ក្នុងពេលតែមួយ

នៅក្នុងព្រឹត្តិការណ៍សមាជទូរស័ព្ទពិភពលោកថ្ងៃដំបូង ដែលត្រូវថ្ងៃទី ២៧ នេះ ក្រុមហ៊ុន Sony បានបញ្ចេញទូរស័ព្ទស៊េរីថ្មីរបស់ខ្លួនចំនួន ២ ស៊េរីគឺទូរស័ព្ទ Sony Xperia P និង Xperia U សម្រាប់ប្រកួតប្រជែងទីផ្សារទូរស័ព្ទពិភពលោកក្នុងឆ្នាំថ្មីនេះ។ នេះដោយយោងតាមគេហទំព័រ BGR។

ទូរស័ព្ទស៊េរីថ្មី Sony Xperia U មានលក្ខណៈពិសេសមួយចំនួនដូចជា អេក្រង់ Reality ទំហំ ៣,៥ អ៊ីញ, Dual-core processor ល្បឿន, និងកាមេរ៉ាទំហំ 5 MP ដែលមានសមត្ថភាពចាប់យករូបភាពទាំង 2D និង 3D។

រីឯ Sony Xperia P វិញមានកាមេរ៉ា White Magic ទំហំ ៤ អ៊ីញ ដែល Sony អះអាងថាអាចផ្ដល់ពន្លឺភ្លឺជាងអេក្រង់ធម្មតារហូតដល់ទៅ ២ ដង និងអាចមើលបានយ៉ាងច្បាស់ទៅស្ថិតនៅក្រោមពន្លឺថ្ងៃដោយផ្ទាល់ក៏ដោយ។ ចំពោះលក្ខណៈពិសេសផ្សេងៗទៀតរបស់ Xperia P មានដូចជា Dual-core processor ល្បឿន 1GHz កាមេរ៉ា 8 MP អាចថត Video HD បាន, មាន NFC, HDMI-out និងប្រអប់អាលុយមីញ៉ូម។

ក្រុមហ៊ុន Sony បានអះអាងថា ទូរស័ព្ទទាំងពីរនេះនឹងបាន Upgrade ទៅ Android 4.0 បន្ទាប់ពីពិធីសម្ពោធនេះ។

គួរបញ្ជាក់ផងដែរថា ក្នុងចំណោមទូរស័ព្ទ Xperia របស់ក្រុមហ៊ុន Sony ទូរស័ព្ទ Sony Xperia S មានកាមេរ៉ារហូតដល់ 12 MP រីឯទូរស័ព្ទស៊េរីថ្មីនេះមានកាមេរ៉ាតែ 5 MP និង 8 MPប៉ុណ្ណោះ។

តើ Sony មានសង្ឃឹមថាអាចប្រើទូរស័ព្ទទាំងពីរនេះដើម្បីដណ្ដើមយកចំណែកទីផ្សារពីកណ្ដាប់ដៃរបស់ក្រុមហ៊ុនធំៗដូចជា Apple និង Samsung បានដែរឬទេ?

រូបភាព៖ Androidguys.com

Read More..

Galaxy Beam៖ Projectorលើទូរស័ព្ទដៃ

កាលពីថ្ងៃអាទិត្យម្សិលមិញនេះក្រុមហ៊ុន Samsung បានបង្ហាញគ្រួសារ Galaxy ស៊េរីថ្មីមួយទៀតដែលមានឈ្មោះថា Samsung Galaxy Beam ជា smartphone ដំបូងដែលបានភ្ជាប់មកជាមួយ projector សម្រាប់បង្ហាញរូបភាពទៅលើផ្ទាំងសំពត់ស។ នេះដោយយោងទៅតាមគេហទំព័រ androidguys។

GALAXY_beam_Product_Image__3__gallery_post

GALAXY_beam_Product_Image__6__gallery_post

Galaxy Beam ថ្មីនេះជាកំណែប្រែថ្មីចេញពី Galaxy Beam ដែលបានចេញលក់កាលពី ៣ឆ្នាំមុន តែបានបន្ថែមនូវលក្ខណៈសម្បត្តិជាច្រើនដែលធ្វើឲ្យ smartphone ស៊េរីថ្មីនេះកាន់តែទំនើបមួយកម្រិតទៀត។

លក្ខណៈសម្បត្តិរបស់ Galaxy Beam មានដូចជា៖

- អេក្រង់ទំហំ ៤អ៊ីញ resolution 480 x 800 WVGA display
- CPU dual-core ទំហំ 1GHz
- RAM ទំហំ 1GB
- កាមេរ៉ាក្រោយទំហំ 5MP និងមុខទំហំ 1.3MP
- ប្រើប្រព័ន្ធប្រតិបត្តិការ Gingerbread (Android 2.3)
- ប្រើ BlueTooth ជំនាន់ 3.0
- ប្រើ MicroUSB, USB 2.0, រន្ធដោតកាស headset jackទំហំ ៣,៥ ម.ម
- ទំហំផ្ទុកទិន្នន័យ8GB តែមានរន្ធ MicroSD សម្រាប់បន្ថែមទំហំដល់ 32GB
- ថ្មប្រភេទ2000 mAh battery
- Projector ប្រភេទ15 lumen អាចបង្ហាញរូបភាពគុណភាព HD ៥០ អ៊ីញ wide 720p

GALAXY_beam_Product_Image__2__gallery_post

GALAXY_beam_Product_Image__4__gallery_post

VRG_7368_gallery_post

ប្រភពខាងលើមិនបានប្រាប់ពីតម្លៃ និងកាលបរិច្ឆេទចេញលក់នៅឡើយទេ តែបានបញ្ជាក់ថានឹងចេញលក់ក្នុងពេលឆាប់ៗនេះហើយ៕

រូបភាព៖ www.theverge.com

Read More..

© 2012 AngCo.Co. All Rights Reserved. | ព័ត៌មានអន្តរជាតិ | ចោរកម្ម និង ឃាតកម្ម | ផ្លែឈើ និង ភេស្ជៈ | អាហារ និង ម្ហូបខ្មែរ | សារាចរ

Powered by AngCo.Co