ខេត្តបាត់ដំបង: លទ្ធផលបណ្តោះអាសន្ន គណបក្សសមរង្ស៊ីបាត់អស់៥សំឡេង។ គណបក្សប្រជាជនកម្ពុជា ខេត្តបាត់ដំបង បានឈ្នះគណបក្សសមរង្សី នៅក្នុងការបោះឆ្នោតជ្រើសតាំងសមាជិកព្រឹទ្ធសភា នៅវិទ្យាល័យសម្ដេចឪ ក្រុងបាត់ដំបង កាលពីរសៀលថ្ងៃទី២៩ ខែមករា ឆ្នាំ២០១២។
ការបោះឆ្នោតជ្រើសតាំងសមាជិកព្រឹទ្ធសភា នៅខេត្តបាត់ដំបង ធ្វើនៅវិទ្យាល័យសម្ដេចឪ ក្រុងបាត់ដំបង ដោយមានសមាជិកបោះឆ្នោតចំនួនសរុប ៧៦៨ នាក់។
ការបោះឆ្នោតជ្រើសតាំងសមាជិកព្រឹទ្ធសភា នៅខេត្តបាត់ដំបង ធ្វើនៅវិទ្យាល័យសម្ដេចឪ ក្រុងបាត់ដំបង ដោយមានសមាជិកបោះឆ្នោតចំនួនសរុប ៧៦៨ នាក់។
លទ្ធផលសន្លឹកឆ្នោតបណ្ដោះអាសន្ននៅការិយាល័យបោះឆ្នោត ខេត្តបាត់ដំបង គឺគណបក្សប្រជាជនកម្ពុជាទទួលបាន៥៦២ សំឡេង និងគណបក្សសមរង្ស៊ី មាន២០៦សំឡង។
ខេត្តបាត់ដំបង ស្ថិតក្នុងភូមិភាគទី៤ ដែលមានខេត្តបាត់ដំបង បន្ទាយមានជ័យ ឧត្តរមានជ័យ សៀមរាប និងប៉ៃលិន សរុបមានចំនួន១០អាសនៈ សម្រាប់ការបោះឆ្នោតព្រឹទ្ធសភាពេលនេះ។
លទ្ធផលបណ្តោះអាសន្ននៅពេលបោះឆ្នោត នៅខេត្តបាត់ដំបង នៅថ្ងៃទី២៩ ខែមករា ឆ្នាំ២០១២ គឺគណបក្សសមរង្ស៊ី បាត់អស់ ៥សំឡេង ក្នុងចំណោម២១១សំឡេង។
មន្ត្រីគណបក្សសមរង្ស៊ី ចាត់ទុកថា ការបាត់សំឡេងឆ្នោតនោះដោយសារតែគណបក្សប្រជាជនកម្ពុជាបានទិញទឹកចិត្តសមាជិកក្រុមប្រឹក្សាឃុំសង្កាត់របស់គណបក្សសមរង្សី នៅខេត្តបាត់ដំបង ហើយគណបក្សសមរង្សីក៏បានប្ដឹងទៅគណៈកម្មាធិការជាតិរៀបចំការបោះឆ្នោតហើយដែរ៕ source
0 comments:
Please add comment to express your opinion, and share it on Twitter or Facebook. Thank you in advance.