ជាក់ស្ដែងកាលពីចុងសប្ដាហ៍កន្លងទៅ ទស្សនិកជនយ៉ាងច្រើនបានប្រជ្រៀតគ្នាទិញសំបុត្រចូលទស្សនាខ្សែភាពយន្តទាំងពីរនេះ។ ក្រោយពីទស្សនា ទស្សនិកជនជាច្រើនបានកោតសរសើរ និងជជែកគ្នាមិនដាច់ពីមាត់អំពីខ្លឹមសារដ៏ល្អទាំងពីររឿងនេះ។
រឿង “កុមារី ២៥ឆ្នាំ” ជារឿងបែបកំប្លុកកំប្លែង ក្រមិចក្រមើម ដែលធ្វើឲ្យ អ្នកទស្សនាទប់សំណើចមិនបានតាំងពីដើមរឿងរហូតដល់ចប់។ ខុសប្លែកពីកុមារី២៥ឆ្នាំ រឿង “ឃ្លាតទៅសែនឆ្ងាយ” ជាខ្សែរឿងដែលរៀបរាប់ពីជីវិតពិតរបស់ស្ត្រីចំណាស់ម្នាក់ ក្នុងរបបវាលពិឃាដដ៏ខ្មៅងងឹត។ គ្រួសារមួយដែលធ្លាប់រស់នៅក្នុងជីវភាពដ៏ល្អប្រសើរបែបអ្នកមាននៅទីក្រុងភ្នំពេញ ត្រូវបានគេជម្លៀសចេញទៅរស់នៅតាមទីជនបទដាច់ស្រយាលក្នុងជីវភាពក្រលំបាក ខុសគ្នាដូចមេឃ និងដី។
សមាជិកគ្រួសារទាំងអស់ត្រូវបានសម្លាប់ម្ដងមួយៗ ខណៈស្ត្រីជាម្ដាយត្រូវប្រឈមគ្រប់រសជាតិជីវិតដើម្បីភាពរស់រានមានជីវិតរបស់កូន។ បើទោះជាត្រូវបាត់បង់កូនៗសំណព្វចិត្ត ប្ដីជាទីស្រឡាញ់ និងឪពុកជាទីគោរពក៏ដោយ ក៏ស្ត្រីជាម្ដាយប្រឹងប្រែងរស់ដើម្បីកូនតូចៗពីរនាក់ និងចង់មើលឃើញពីសេចក្ដីវិនាសនៃរបបខ្មៅងងឹតនោះ។ ទឹកភ្នែកដែលស្ដែងចេញពីក្ដីអាណិត និងសោកសង្រេង បានហូរចេញពីគ្រប់ក្រសែភ្នែកអ្នកទស្សនាមិនថា ជនជាតិខ្មែរ ឬបរទេសនោះទេ។
ដើម្បីកុំឲ្យខ្សែភាពយន្តដ៏អស្ចារ្យទាំងពីរខាងលើរំលងពីខ្សែចក្ខុរបស់អ្នក សូមកុំភ្លេចទៅទស្សនានៅរោងភាពយន្ត The Cineplex។
ក្រៅពីភាពយន្តខ្មែរទាំងពីរខាងលើ ខ្សែភាពយន្តបរទេសល្បីៗដូចជា Ra.One Mission impossible និង Immortals កំពុងចាក់បញ្ចាំងបម្រើអារម្មណ៍ប្រិយមិត្តផងដែរ។ ហើយនៅពេលដ៏ខ្លីខាងមុខរោងភាពយន្ត The Ceneplex មានកិត្តិយសនាំយកខ្សែភាពយន្តល្បីៗពីររឿងដែលជាប់ចំណាត់ថ្នាក់លេខ ១ និងលេខ ១០ ក្នុងតារាង Box Office គឺរឿង The Grey និង Haywire មកចាក់ជូនប្រិយមិត្តបានទស្សនា។
សូមមើលតារាងខាងក្រោមដើម្បីដឹងពីពេលវេលាចាក់បញ្ចាំងរឿង។
ឈ្មោះរឿង | ពេលវេលាចាក់បញ្ចាំង |
កុមារី ២៥ ឆ្នាំ (2D) | ០៩: ២០ ១១: ៤០ ១៤: ០០ ១៤: ២៥ ១៦: ២០ ១៦: ៤៥ ១៨: ៤០ ២១: ០០ |
Ra.One (3D) | ៩: ២០ ១៩: ១០ |
ឃ្លាតទៅសែនឆ្ងាយ | ៩: ២០ ១៤: ០០ ១៦: ១០ ១៨: ២០ ២០: ៣០ |
Mission Impossible (2D) | ១១: ៣០ |
Immortals (3D) | ១២: ១៥ |
សូមកុំឲ្យខកខានឲ្យសោះចូលរួមទស្សនាទាំងអស់គ្នា!
0 comments:
Please add comment to express your opinion, and share it on Twitter or Facebook. Thank you in advance.