ថ្មីៗនេះគេហទំព័រ Bgr បានចុះផ្សាយថា iPhone 5 នឹងមានរាងស្ដើងជាងមុន ហើយអាចប្រើបានទាំងប្រព័ន្ធ 3G និង4G LTE ។
បើតាមសំដីរបស់លោកស្រី Katy Huberty អ្នកវិភាគឲ្យស្ថាប័នហិរញ្ញវត្ថុ Morgan Stanley បានឲ្យដឹងថាទូរស័ព្ទ iPhoneជំនាន់ក្រោយរបស់ក្រុមហ៊ុន Apple ឬ“iPhone 5” នឹងមានកម្រាស់ស្ដើងជាងទូរស័ព្ទ iPhone 4 និង iPhone 4S ហើយថែមទាំងភ្ជាប់មកជាមួយ chipset ប្រភេទ quad-mode ដែលអាចប្រើបានទាំងប្រព័ន្ធ 3G និង 4G LTEទៀតផង។ លោកស្រីបានបន្តថាជំនួញរបស់ក្រុមហ៊ុន Apple នឹងបន្តលូតលាស់ថ្វីបើ ទីផ្សារទូរស័ព្ទដែលមានតម្លៃខ្ពស់មានដំណើរការយឺតយ៉ាងណាក៏ដោយ។
គួររំលឹកថា កាលពីខែមុនSabayបានចុះផ្សាយម្ដងហើយថា Apple កំពុងរៀបចំចេញ iPhone ដែលមានរូបរាងថ្មីទាំងស្រុងជាមួយនឹងសម្បកសារធាតុអាលុយមីញ៉ូមសុទ្ធនៅឆ្នាំ 2012។ ទោះជាយ៉ាងណាប្រភពមិនបានទទួលព័ត៌មានលម្អិតច្បាស់ជាងនេះនៅឡើយ ទេ ណាមួយក្រុមហ៊ុន Apple ក៏មិនមានបញ្ជាក់ជុំវិញព័ត៌មាននេះដែរ។ តែបើចង់ដឹងថា iPhone 5 មានរូបរាងពិតប្រាកដយ៉ាងណានោះសូមប្រិយមិត្តបន្តតាមដានជាមួយ Sabay ទាំងអស់គ្នា។
រូបភាព៖ www.ibtimes.com
0 comments:
Please add comment to express your opinion, and share it on Twitter or Facebook. Thank you in advance.