ពិព័រណ៍ពាណិជ្ជកម្មថៃដើមឆ្នាំ ២០១២ មានអ្នកទិញ ច្រើនជាងអ្នកមើល

ជាងរៀងរាល់លើក ពិព័រពាណិជ្ជកម្មថៃ តែងត្រូវបាន អ្នកនៅភ្នំពេញចាប់អារម្មណ៍ ដោយសារ
តែផលិតផលភាគច្រើន របស់ប្រទេសនេះ មានគុណភាពល្អ និងត្រូវបាន ប្រជាជនខ្មែរនិយម
ប្រើប្រាស់ បើទោះជាប្រទេសនេះធ្លាប់ និងកំពុងមានបញ្ហាព្រំដែនយ៉ាងធ្ងន់ធ្ងរជាមួយកម្ពុជា។

នៅដើមឆ្នាំនេះ ពិធីតាំងពិព័រណ៍ ពាណិជ្ជកម្មថៃ ត្រូវបានធ្វើឡើង ចាប់ពីថ្ងៃទី ១៦ កុម្ភៈ ដល់
ថ្ងៃទី ១៩ កុម្ភៈ ឆ្នាំ ២០១២ នៅមជ្ឈមណ្ឌល តាំងពិព័រណ៍កោះពេជ្រ រាជធានីភ្នំពេញ។ ក្រុម
ហ៊ុនដែលចូលរួមធ្វើការ ពិព័រណ៍ផលិតផលលើកនេះត្រូវបានគេចែកចេញជា ៦ប្រភេទ រួម
ទាំងអស់គឺមានចំនួនប្រមាណជា ២២១ក្រុមហ៊ុន ក្នុងនោះមានក្រុមហ៊ុន និងផលិតផលជា
ច្រើនដែលកំពុងត្រូវបានគាំទ្រប្រើប្រាស់នៅកម្ពុជា ដូចជាផលិតផលថ្នាំដុសធ្មេញ colgate 
សំបកកង់ម៉ូតូ deestone និងភេសជ្ចៈ m150 ។ល។

ចាប់តាំងពីពេលបើកទ្វារនៅវេលាម៉ោង​ ០៩ព្រឹក យើងឃើញមានមនុស្សជាច្រើនបាននាំ
គ្នាជាក្រុមៗចូលមកទិញ ឬទស្សនាកំសាន្ដការតាំងពិព័រណ៍នេះ ប៉ុន្ដែតាមការសង្កេតមើល 
យើងជឿថា មនុស្សភាគច្រើនបានទិញរបស់របរប្រើប្រាស់ ច្រើនជាងមនុស្សមកទស្សនា
ប្រការនេះបានបង្ហាញថា ប្រជាជនខ្មែរនៅតែចូលចិត្តប្រើប្រាស់ផលិតផលរបស់ប្រទេសថៃ
ដូចកាលពីមុន៕

ជ្រុងមួយនៃពិធីពិព័រណ៍ផលិតផលថៃ

បុគ្គលិកម្នាក់កំពុងបង្ហាញអំពីសិល្បៈឆ្លាក់ផ្លែឈើ ដោយប្រើកាំបិតរបស់ក្រុមហ៊ុនខ្លួន

ម៉ូតូរាប់មិនអស់ដែលត្រូវបានផ្ញើរនៅក្បែរមជ្ឈមណ្ឌលតាំងពិព័រណ៍

Share