ក្រុងញូវយ៉ក : តាមការស្រាវជ្រាវថ្មី បុរសៗទាំងឡាយ ដែលវះកាត់ក្រពេញឈ្មោលដោយ មិនដកចេញនូវសរសៃប្រសាទ អាចអនុញ្ញាតឲ្យពួកគេមានលទ្ធភាព រួមភេទដល់កំពូលបាន។
ក្រុមអ្នកស្រាវជ្រាវសាកលវិទ្យាល័យខនណែល បាននិយាយថា អាយុកាលបុរស និងចំនួនសរសៃប្រសាទដែលគេមិនយកចេញនោះ វានឹងនៅតែជួយឲ្យការរួមរ័កដល់ចំណុចកំពូលផងដែរ បន្ទាប់ពីធ្វើការវះកាត់មក។
ក្រុមអ្នកស្រាវជ្រាវបានសិក្សាទៅលើបុរសចំនួន ៤០៨ នាក់ ដែលបានធ្វើការវះកាត់លើក្រពេញឈ្មោលដោយមិនដកចេញនូវសរសៃប្រសាទ។ អ្នកដែលមានសរសៃប្រសាទនៃក្រពេញឈ្មោលនៅទាំងសងខាង អាចរក្សាសមត្ថភាពផ្លូវភេទបាន ៩១ បើទោះជាពួកគេវះកាត់ក្រពេញឈ្មោលហើយក្ដី។ ចំពោះអ្នកវះកាត់យកសរសៃប្រសាទចេញតែម្ខាង មានសមត្ថភាពរួមរ័ក្សដល់ចំណុចកំពូលត្រឹមតែ៨២ភាគរយ។ រីឯបុរសដែលលែងមានសរសៃប្រសាទក្រពេញឈ្មោលវិញ គឺមានអត្រាដល់ចំណុចកំពូល៦២ ភាគរយ ក្រោយពីវះកាត់រួច។
ក្រោយពីវះកាត់ អ្នកដែលនៅសល់សរសៃប្រសាទទាំងសងខាង អាចឈានដល់ចំណុចកំពូលបានយ៉ាងស្កប់ស្កល់ចិត្ត ហើយមួយភាគតូចមានអាការឈឺចាប់ពេលដល់ចំណុចកំពូល៕
0 comments:
Please add comment to express your opinion, and share it on Twitter or Facebook. Thank you in advance.