iPad 3 មានទំហំថ្ម ធំជាងមុន

យោងតាមព័ត៌មានពី RepairLabs បានឲ្យដឹងថា iPad3 ដែលជាផលផលជំនាន់ថ្មី របស់ Apple នឹងមានរូបរាង ថ្មធំជាងមុន និងបំពាក់កាមេរ៉ាប្រភេទថ្មី។

យោងតាមគេហទំព័រដដែលបានឲ្យដឹងទៀតថា បន្ទាប់ពីធ្វើការត្រួតពិនិត្យលើសំបក iPad3 ផ្នែកខាងមុខ និង ប្រៀបធៀបជាមួយ iPad2 មក គេកត់សម្គាល់ឃើញថា លក្ខណៈសំបកមានរូបរាងខុសគ្នា ។ ផ្នែកខាង មុខនេះដដែល បានបង្ហាញទៀតថា iPad 3 មានបញ្ចូលនូវកញ្ចប់ថាមពលថ្មធំជាងមុន។

iPad3 នេះ ត្រូវបានគេរំពឹងថា នឹងមានកាមេរ៉ាខុសប្លែកពីមុន ហើយបើតាមការត្រួតពិនិត្រសំបកនេះទៅ ឃើញ ថា បន្ទះអេក្រង់បង្ហាញរូបភាព ក៏ប្រហែលជាផ្លាស់ប្តូរថ្មីផងដែរ។

បើយោងតាមការត្រួតពិនិត្យ យើងអាចទាញការសន្និដ្ឋានបានថា iPad ជំនាន់ថ្មីមួយនេះ អាចនឹងមានកម្រាស់ក្រាស់ជាងមុនបន្តិចបនួច តែយ៉ាងណាក៏ដោយ រឿងនេះមិនទាន់បានបញ្ជាក់ច្បាស់លាស់នោះទេ វាអាចនឹងមានការផ្លាស់ប្តូរ បន្ទាប់ពីធ្វើការត្រួតពិនិត្យ សំបកផ្នែកខាងមុខរួចរាល់អស់។ គួរបញ្ជាក់ថា Apple ត្រូវបានគេ រំពឹងថា នឹងបង្ហាញវត្តមាន iPad3 ក្នុងអំឡុងខែក្រោយនេះហើយ៕

Share