១០០នាក់កំពុងបាត់ខ្លួនក្នុងគ្រោះថ្នាក់លិចសាឡាង នៅ Papua New Guinea

សាឡាងមួយគ្រឿងដឹកអ្នកដំណើរជាង ៣០០នាក់បានលិចនៅសមុទ្រ Papua New Guinea 
នៅក្នុងថ្ងៃនេះ បានបណ្ដាលអោយមនុស្សយ៉ាងតិច ១០០នាក់ត្រូវបាត់ខ្លួន។

ទីតាំងរបស់ Papua New Guinea

តំណាងទីភ្នាក់ងារសុវត្ថិភាពលើដែនសមុទ្រអូស្ដ្រាលីបានអោយដឹងថា បន្ទាប់ពីសាឡាងលិច
ពួកគេបានជួយសង្គ្រោះជនរងគ្រោះពីសមុទ្រ។

យោងតាមទំព័រ AFP ដកស្រង់សំដីអ្នកតំណាងខាងលើ អោយដឹងថា ៖ នៅវេលាម៉ោង ១២ 
និង ៣០នាទី(ម៉ោងនៅភ្នំពេញ) មានកប៉ាល់ចំនួន ៨គ្រឿង ស្ថិតនៅក្នុងតំបន់សាឡាងលិច 
កប៉ាល់ចំនួន ៥ក្នុងចំណោមនោះបានជួយសង្គ្រោះមនុស្សដែលបានលិច និងនៅមានជីវិត។

ជនរងគ្រោះដែលត្រូវបានកប៉ាល់ទាំង ៥នោះជួយសង្គ្រោះ គឺមានចំនួន ២១៩ នាក់ ដូច្នេះ 
បច្ចុប្បន្ននៅសល់ជនរងគ្រោះ ១០០នាក់ទៀតកំពុងបាត់ខ្លួននៅលើសមុទ្រ។

សាឡាង​ Rabaul Queen មុនពេលលិច

ដោយឡែក សាឡាងមួយដែលមានឈ្មោះថា Rabaul Queen ដឹកអ្នកដំណើរចំនួន ៣៥០នាក់
ដែលភាគច្រើនជានិស្សិតនោះ ក៏បានដាច់ទំនាក់ទំនងកាលពីព្រឹកប្រលឹមនេះ បន្ទាប់ពីបាន
ចេញដំណើរបានប្រហែល ៨០គម។

នាយករដ្ឋមន្ដ្រីអូស្ដ្រាលី លោក Julia Gillard ​បានអោយដឹងថា ប្រទេសនេះបានទទួលការស្នើរ
អោយជួយ ហើយក្រុមអ្នកជួយសង្គ្រោះក៏បានទៅកាន់កន្លែងកើតហេតុ។

សាឡាងនេះបានជួបនឹងគ្រោះថ្នាក់ខណៈដែលកំពុងធ្វើដំណើរពី Lae ទៅកាន់ Kimbe ៕

Share