រាជធានីភ្នំពេញ ៖ បុរសស្រវឹងម្នាក់អាយុប្រហែល២៧ឆ្នាំ បានបោះពួយម៉ូតូសង់កូរ៉េពណ៌ក្រហម ទៅបុករថយន្តដឹកសាំងមួយគ្រឿង កំពុងឈប់ស្ងៀមនៅតាមចិញ្ចើមផ្លូវបណ្តាលឱ្យសន្លប់បាត់មាត់ឈឹង ឯរថយន្តដឹកប្រេងសាំងក៏បើករត់បាត់ស្រមោល ។ ហេតុការណ៍នេះកើតឡើងកាលពីវេលាម៉ោង៤និង៣០នាទីរសៀលថ្ងៃទី២២ មករា ២០១២ តាមបណ្តោយផ្លូវភ្នំពេញ-ហាណូយ សង្កាត់ឃ្មួញ ខណ្ឌសែនសុខ ។
យោងតាមសម្តីសាក្សីដែលឃើញហេតុការណ៍នេះបានឱ្យដឹងថា មុនពេលកើតហេតុមានរថយន្តរដឹកប្រេងសាំងមួយគ្រឿងបានឈប់នៅតាមបណ្តោយផ្លូវភ្នំពេញ-ហាណូយ ដើម្បីបត់ជើងតូច ខណៈនោះក៏មានម៉ូតូសង់កូរ៉េពណ៌ ក្រហម មួយគ្រឿងបើកបរដោយបុរសស្រវឹងម្នាក់មិនស្គាល់អត្តសញ្ញាណ បានបោះពួយយ៉ាងលឿនពីត្បូងទៅជើងទៅបុកគូទរថយន្តខាងលើ បណ្តាលឱ្យម្ចាស់ម៉ូតូសន្លប់បាត់មាត់ឈឹងប្រហែលជាង១៥នាទី ឯម្ចាស់រថយន្តឃើញដូចនេះក៏បានបើករថយន្តរត់គេចបាត់ស្រមោលដែរ។
ឃើញសន្លប់បាត់មាត់ឈឹងដូចនេះប្រជាពលរដ្ឋនៅជិតៗនោះក៏ជួយសង្គ្រោះដើម្បីឱ្យដឹងខ្លួន។ ១៥នាទីក្រោយមកជនរងគ្រោះបានដឹងខ្លួន ហើយលើកម៉ូតូជិះទៅបាត់៕ ប្រភព
0 comments:
Please add comment to express your opinion, and share it on Twitter or Facebook. Thank you in advance.