យោងតាមការសិក្សាថ្មីមួយដែលធ្វើឡើងដោយសាកលវិទ្យាល័យ Autonomous នៃទីក្រុងម៉ាឌ្រីដ ប្រទេសអេស្ប៉ាញបានបង្ហាញថា ការបរិភោគអាហារដែលចម្អិនដោយការចៀន ឬបំពងគឺមិនអាក្រក់ចំពោះសុខភាពនោះឡើយ ប្រសិនបើអ្នកចម្អិនជាមួយប្រេងអូលីវ។ នេះជាការលើកឡើងរបស់អ្នកជំនាញ ចុះផ្សាយក្នុងសារព័ត៌មាន BBC។
ប្រេង អូលីវ
ការសិក្សានេះផ្អែកទៅលើការស្ទាបស្ទង់ លើរបបអាហារប្រចាំថ្ងៃរបស់មនុស្សពេញវ័យ ៤០.៧៥៧នាក់។ អ្នកចូលរួមក្នុងការសិក្សានេះ ត្រូវបានឲ្យបកស្រាយពីប្រភេទអាហារដែលខ្លួនបរិភោគ និងវិធីចម្អិន។ នៅដំណាក់កាលចាប់ផ្ដើមដំបូង នៃការសិក្សាដែលមានរយៈពេល ១១ឆ្នាំនេះ គ្មានអ្នកចូលរួមណាម្នាក់ដែលមានសញ្ញាណពាក់ព័ន្ធនឹងរោគបេះដូងនោះឡើយ ប៉ុន្តែនៅពេលបញ្ចប់ការសិក្សាមនុស្ស ៦០៦នាក់ជួបនឹងបញ្ហាបេះដូង និងមាន ១.១៣៤បានស្លាប់។
ក្រោយការវិភាគល្អិតល្អន់ ក្រុមអ្នកស្រាវជ្រាវមិនបានរកឃើញពីទំនាក់ទំនងណាមួយពាក់ព័ន្ធនឹងអាហារចៀនបំពងនោះឡើយ ប៉ុន្តែពួកគេបានទាញការសន្និដ្ឋានទៅលើប្រេងដែលត្រូវយកមកចម្អិនអាហារទាំងនោះ។
ទន្ទឹមនឹងការទាញការសន្និដ្ឋានថ្មីនេះ លោកVictoria Taylor ប្រធានជាន់ខ្ពស់ផ្នែកអាហារចំពោះសុខភាពបេះដូង នៃសមាគមបេះដូងចក្រភពអង់គ្លេសបានលើកឡើងថា មុននឹងជឿជាក់លើការសន្និដ្ឋាននេះ ត្រូវគិតថា អាហាររបស់ជាតិសាសន៍នីមួយៗគឺខុសប្លែកគ្នា។ ដូច្នេះ យើងមិនអាចទាញជារួមបាននោះឡើយ។
តែទោះជាយ៉ាងណា លោកបានបន្ថែមថា ការទទួលទានអាហារដែលមានតុល្យភាព ដោយបរិភោគបន្លែផ្លែឈើឲ្យបានច្រើន និងអាហារដែលមានជាតិខ្លាញ់តិច ជាប្រការល្អចំពោះសុខភាពបេះដូង។
អាហារដែលសម្បូរទៅដោយជាតិខ្លាញ់ នឹងបង្កើនសម្ពាធឈាម និងកូឡេស្តេរ៉ូល ដែលជាមូលហេតុបង្កគ្រោះថ្នាក់ដ៏ធ្ងន់ធ្ងរដល់បេះដូង៕
ប្រភព៖ BBC
រូបភាព៖ blogspot
ប្រភព៖ BBC
រូបភាព៖ blogspot
0 comments:
Please add comment to express your opinion, and share it on Twitter or Facebook. Thank you in advance.