ជើងហោះហើរ​ អាមេរិករាប់រយ គ្រឿងលុបចោល ការហោះហើរ ដោយសារព្រិល ធ្លាក់ខ្លាំង

ឈីកាហ្គោ ៖ ជើងហោះហើរអាមេរិករាប់រយគ្រឿង លុបចោលការហោះហើរ ទៅ និងមកនៅអាកាសយានដ្ឋាន ឈីកាហ្គោ កាលពីថ្ងៃសុក្រ ដោយសារព្យុះព្រិលធ្លាក់ នៅតំបន់នោះ ។

យោងតាមគេហទំព័រ Channel News Asia បានឱ្យដឹងនៅថ្ងៃទី២១ ខែមករា ឆ្នាំ២០១២ ថា កាលពីថ្ងៃសុក្រ យន្តហោះ៣៧០គ្រឿង បានលុបចោល ការហោះហើរ នៅអាកាសយានដ្ឋានអន្តរជាតិ Chicago's O'Hare ជាអាកាសយានដ្ឋាន ដែលមានការហោះហើរច្រើនបំផុត នៅសហរដ្ឋអាមេរិក បន្ទាប់ពីអាកាសយានដ្ឋាន អាត្លង់តា និងអាកាសយានដ្ឋានអន្តរជាតិ Midway ។

ជើងហោះហើរ៧០គ្រឿង មានគម្រោងចេញដំណើរពីអាកាសយានដ្ឋាន Midway ក៏បានលុចោលដែរ នេះបើតាមការបញ្ជាក់ពីក្រសួងអាកាសចរណ៍ ។

សេវាត្រួតពិនិត្យអាកាសធាតុជាតិ បាននិយាយថា ព្យុះដ៏ធំមកពីភាគកណ្តាលសហរដ្ឋអាមេរិក និងបក់បោកប៉ះចំតំបន់ឈីកាហ្គោ មានទាំងភ្លៀង ព្រិលទៀតផង ចាប់ពីថ្ងៃសុក្រដល់ថ្ងៃសៅរ៍ ។

គេសង្ឃឹមថា ព្យុះនឹងបក់ផុតពី ឈីកាហ្គោ នៅយប់ថ្ងៃសុក្រ ឆ្ពោះទៅឆ្នេរសមុទ្រខាងកើត នឹងមានឥទ្ធិពលដល់ញូវយ៉ក និងតំបន់ខ្លះនៃទីក្រុងវ៉ាស៊ីនតោន ៕​ ប្រភព

Share