ក្នុងជីវភាពប្រចាំថ្ងៃ ជួនកាលមាននូវទម្លាប់មួយចំនួនដែលប្រសិនមិនចាប់អារម្មណ៍ អាចបង្កគ្រោះថ្នាក់ដល់សុខភាព ។ខ្វេះច្រមុះ
ពេលអង្គុយទំនេរ ពុំមានកិច្ចការអ្វីធ្វើ, មនុស្សជាច្រើនតែងតែខ្វេះច្រមុះ និងចាត់ទុកថានេះជាវិធីអនាម័យឱ្យច្រមុះ ។ ប៉ុន្តែតាមពួកវេជ្ជបណ្ឌិតជំនាញផ្នែកត្រចៀក, ច្រមុះ, បំពង់ក ក្រៅពីការបាត់អនាម័យ, ការខ្វេះច្រមុះអាចបំផ្លាញរោមច្រមុះ, ធ្វើឱ្យ រហែកស្រទាប់ស្អិត បណ្តាលឱ្យហូរឈាម ។ ព្រោះស្រទាប់ស្អិតនៅច្រមុះទន់និងស្តើងបំផុត និងមានសរសៃឈាមច្រើន ។ គ្រោះថ្នាក់ជាងនេះ មេរោគនឹងទៅតាមម្រាមដៃចូលក្នុងរន្ធច្រមុះ ធ្វើឱ្យច្រមុះត្រូវរលាករ៉ាំរ៉ៃ, ស្ទះរន្ធច្រមុះ, ក្រហមច្រមុះ, ខ្ទង់ច្រមុះហើមក្រហមយូរថ្ងៃមិនជា...។
ខាំក្រចកដៃ
ទម្លាប់នេះពុំត្រឹមតែជួបប្រទះនៅកុមារតូចៗប៉ុណ្ណោះទេ តែមនុស្សធំជាច្រើនក៏មានទម្លាប់ខាំក្រចកដៃដែរ ។
លទ្ធផលគឺ ក្រចកត្រូវរសេមរសាម, កៀកជាមួយសាច់ជ្រុល, បណ្តាលឱ្យហើម ឈឺក្រចកដៃនិងត្រូវឆ្លងមេរោគ ។ ខាំក្រចកដៃជាប្រចាំនៅអាចធ្វើឱ្យប្រែប្រួលទម្រង់ម្រាមដៃ ។
ក្រចកដៃនៅផ្ទុកបាក់តេរី ពងអតិសុខុមប្រាណជាច្រើន ហេតុនេះការខាំក្រចកនៅដៃ បណ្តាលឱ្យយើងឆ្លងព្រូន។ ក្រៅពីនេះខាំក្រចកដៃនៅធ្វើឱ្យគ្រោះថ្នាក់ដល់ធ្មេញនិងធ្វើឱ្យរួយ សន្លាក់សៀតផ្កា ។ រឿងនោះជះឥទ្ធិពលដល់សមត្ថភាពទំពា និងវិធីបញ្ចេញសំឡេង ។ ដើម្បីរារាំង ត្រូវកាត់សម្អាតក្រចកដៃជាប្រចាំក៏ជាវិធីមួយដើម្បីរំលឹកអ្នកមិន ឱ្យបំផ្លាញក្រចកដៃ ។
ដករោមច្រមុះ
នេះជាទម្លាប់របស់ក្រុមបុរស ។ អ្នកជំនាញការទូន្មានថា ដាច់ខាតមិនត្រូវដករោមច្រមុះ ព្រោះរោមច្រមុះមានសមត្ថកិច្ចទប់ស្កាត់ធូលី, បាក់តេរី, ធ្វើឱ្យក្តៅបរិយាកាសពេលដកដង្ហើម ។ ក្រៅពីនេះការកាត់សម្អាតរោមច្រមុះ ងាយធ្វើឱ្យរបួសច្រមុះ, រលាត់ហូរឈាម ។ វិធីល្អបំផុតគឺត្រូវលាងច្រមុះ រាល់ថ្ងៃដោយកន្សែងទន់ ចៀសវាងត្រដុសខ្លាំងៗឬជ្រៅហួស ៕
0 comments:
Please add comment to express your opinion, and share it on Twitter or Facebook. Thank you in advance.