ភ្នំពេញ ៖ ក្រុមគ្រួសារយុវជនរងគ្រោះនៅតែមិនទាន់រកសពជនរងគ្រោះឃើញនៅឡើយរហូតមកដល់ថ្ងៃទី ៣០ ខែ មករា ឆ្នាំ ២០១២នេះ បន្ទាប់ពីយុវជនរងគ្រោះ និង មិត្តភក្ដិបាននាំគ្នាជិះម៉ូតូទឹកលេងនៅក្នុងទន្លេមេគង្គហើយចៃដន្យម៉ូតូក្រឡាប់លិចជនរងគ្រោះបាត់ចូលក្នុងទឹករួចបាត់ខ្លួនរហូត ក្រោយពេលកើតហេតុភ្លាមៗ ក្រុមគ្រួសារបានជួលទូកចាមមុជរាវរកយ៉ាងណាក្ដីក៏រកមិនឃើញ។
ហេតុការណ៍ភ្ញាក់ផ្អើលថាមានមនុស្សក្រឡាប់ម៉ូតូទឹកលង់ស្លាប់នេះ កើតឡើងនៅវេលាម៉ោង ១២ និង ២០នាទី ថ្ងៃទី ២៩ ខែមករា ឆ្នាំ ២០១២ នៅចំណុចមាត់ទន្លេមេគង្គក្រោយផ្ទះសំណាក់ឆាយហុកក្នុងក្រុមទី៤ ភូមិ កៀនឃ្លាំង សង្កាត់ព្រែកលៀប ខណ្ឌឬស្សីកែវ រាជធានីភ្នំពេញ។
យុវជនរងគ្រោះត្រូវបានគេស្គាល់ឈ្មោះ រាល ផេង ភេទប្រុសអាយុ២៨ឆ្នាំ ជាបុគ្គលិកអង្គការរ៉ាក់ មានទីលំនៅផ្ទះលេខ ០៩ ក្រុម ៣៩ ផ្លូវ ៣៣០ សង្កាត់ បឹងកេងកង៣ ខណ្ឌចំការមន។
បើតាមក្រុមគ្រួសារជនរងគ្រោះបានរៀបរាប់ឲ្យដឹងថា នៅព្រឹកថ្ងៃកើតហេតុ កូនប្រុស របស់គាត់ បានប្រាប់គាត់ថា មិនបាច់ទុកបាយឲ្យខ្ញុំទេព្រោះខ្ញុំទៅលេងផ្ទះមិត្តភក្ដិនៅព្រែកលាប១ថ្ងៃស្រាប់តែនៅរសៀលថ្ងៃទី ២៩ ខែមករា មិត្តភក្ដិរបស់កូនគាត់បានទូរស័ព្ទប្រាប់គាត់ថាកូនគាត់បានលង់ទឹកបាត់នៅក្នុងទន្លេមេគង្គស្លាប់តែម្ដង។ ពេលនោះគាត់ក៏ប្រញាប់ប្រញាល់មករកប៉ុន្តែមកដល់ព្រលប់ថ្ងៃទី ២៩ ខែមករានេះ រកសពកូនប្រុសរបស់គាត់មិនឃើញ។
មិត្ដភក្ដិជនរងគ្រោះឲ្យដឹងថា មុនពេលកើតហេតុ ក្រុមខ្លួនមានបក្ខពួកចំនួន៤ទៅ៥នាក់ បាននាំបបួលគ្នាជិះម៉ូតូទឹកលេងនៅក្នុងទន្លេមេគង្គដោយជិះម៉ូតូចំនួន១គ្រឿង មានគ្នា២នាក់ ពេលជិះមកដល់បានបន្តិចក៏បត់ចាក់គួរបណ្ដាលឲ្យម៉ូតូក្រឡាប់ធ្លាក់ជនរងគ្រោះលិចបាត់តែម្ដងដោយមិនឃើញងើបវិញឡើយ៕ប្រភព
0 comments:
Please add comment to express your opinion, and share it on Twitter or Facebook. Thank you in advance.