ស្ត្រីនឹងមិនអាចយកឈ្នះចិត្តស្នេហ៍របស់អ្នកបានឡើយ បើអ្នកធ្វើខុសក្នុងរឿងមួយចំនួន ដូចខាងក្រោម...។១-អ្នកស្គាល់អវយវៈភេទរបស់គេ មិនសូវច្បាស់:
អវយវៈភេទរបស់បុរស ត្រូវបង្កើតឡើងមកដូចៗគ្នា ហើយបុរសភាគច្រើន មានចំណុចដែលធ្វើឲ្យកើតអារម្មណ៍ដូចគ្នា ។ ដូច្នេះ សាកល្បងទិញសៀវភៅអប់រំសិចល្អៗ មកសិក្សាមើល ពេលអ្នកស្គាល់ពីមូលដ្ឋានគ្រឹះផ្នែករាងកាយហើយ យកវាផ្សែផ្សំគ្នា ដោយការប៉ះពាល់ និងត្រួតពិនិត្យថា បរិវេណណាដែលធ្វើឲ្យគេមានអារម្មណ៍ ពេលប៉ះពាល់ ។
២-អ្នកសង្ឃឹមថា បុរសយល់ចិត្តអ្នក:
ការសង្ឃឹមឲ្យគូស្នេហ៍មកប៉ាន់ស្មាននូវសេចក្តីប្រាថ្នារបស់អ្នកបានគ្រប់យ៉ាង គឺជារឿងមិនត្រឹមត្រូវនោះទេ ។ បើគ្រាន់តែនរណាម្នាក់ស្គាល់អ្នក និងចង់ធ្វើឲ្យអ្នកមានសេចក្តីសុខ ក៏មិនមានន័យថា គេជាមនុស្សដ៏វិសេស ដែលដឹងអ្វីៗគ្រប់យ៉ាងឡើយ ។ ជាពិសេស បើនាងមិនបង្ហើបប្រាប់អ្វី សូម្បីតែបន្តិច ។ ដូច្នេះ គួរនិយាយចេញ ឲ្យគេដឹងពីតម្រូវការរបស់អ្នកកុំនៅគេងស្ងៀម រឹងកំព្រឹស ដូចគល់ឈើ ពេលនៅលើគ្រែឡើយ ។
៣-អ្នកបណ្តោយឲ្យរឿងគ្រប់យ៉ាង ជានាទីរបស់គេ:
ស្ត្រីស្ទើរគ្រប់រូប តែងគិតថា វាជាតួនាទីរបស់បុរស ក្នុងការចាប់ផ្តើមរឿងសិច ហើយវាក៏ជាតួនាទីរបស់គេ ក្នុងត្រូវធ្វើអ្វីៗគ្រប់យ៉ាង ។ ដូច្នេះ ស្ត្រីគួរទទួលខុសត្រូវ ក្នុងរឿងលើគ្រែខ្លះ ព្រោះវាមិនស្មើភាពគ្នាឡើយ ដែលអ្នកសង្ឃឹមឲ្យគេអ្វើគ្រប់យ៉ាង ក្នុងខណៈដែលអ្នកគេងធ្វើព្រងើយនោះ ។ គួរសាកល្បងធ្វើជាអ្នកដឹកនាំ ដោយការពន្យុះ ឬជំរុញគេខ្លះៗ ឬលោតឡើង អនុវត្តជំនួសគេខ្លះ អ្នកនឹងឈ្នះចិត្តគេយ៉ាងពិតប្រាកដ ។
៤-អ្នកខ្វាយខ្វល់រឿងខ្លួនឯង រហូតមិនអាចសប្បាយនឹងសិចបាន:
បុរសភាគច្រើន មិនយកចិត្តទុកដាក់រឿងរូបរាងរបស់ស្ត្រីប៉ុន្មានទេ ពេលឡើងគ្រែ ។ បើអ្នកឡើងគ្រែដោយកង្វល់រឿងរូបរាង វាមិនចម្លែកទេ ដែលអ្នកនឹងមិនរីករាយនឹងសិច ។ សិច គឺជារឿងដែលកើតឡើងពីខាងក្នុង មិនមែនខាងក្រៅឡើយ បើអ្នករវល់តែប្រឹងបំផតពោះគ្រប់ពេល ឬអៀនខ្មាស បិទបាំងចំណុចផ្សេងៗនៃរាងកាយ អ្នកប្រាកដជាមិនអាចបណ្តោយចិត្តតាមតណ្ហាបានឡើយ ។ ដូច្នេះ គួរគិតថា ខ្លួនឯងសិចស៊ីពេលនោះ អ្នកនឹងសិចស៊ីមិនខាន៕
0 comments:
Please add comment to express your opinion, and share it on Twitter or Facebook. Thank you in advance.