សេចក្តីប្រកាស របស់តុលាការខ្មែរក្រហម ចុះថ្ងៃទី១៣ ខែមករា ឆ្នាំ២០១២ បង្ហាញថា អង្គជំនុំជម្រះសាលាដំបូង បានសម្រេចអំពីពិរុទ្ធភាពលើលោក កាំង ហ្កេកអ៊ាវ ហៅ ឌុច អំពីបទឧក្រិដ្ឋប្រឆាំងនឹងមនុស្សជាតិ និងការបំពារបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវ ឆ្នាំ១៩៤៩ នៅក្នុងសាលក្រមដែលបានប្រកាសនៅថ្ងៃទី២៦ ខែកក្កដា ឆ្នាំ២០១០។
លោក កាំង ហ្គេកអ៊ាវ ហៅ ឌុច ត្រូវបានផ្ដន្ទាទោសឲ្យជាប់ពន្ធនាគាររយៈពេល ៣៥ឆ្នាំ។ ជនជាប់ចោទសហព្រះរាជអាជ្ញា និងដើមបណ្ដឹងរដ្ឋប្បវេណី ក្រុម១ ក្រុម២ និងក្រុម៣ បានដាក់បណ្ដឹងសារទុក្ខប្រឆាំងនឹងសាលាក្រមរបស់អង្គជំនុំជម្រះសាលាដំបូង។ សវនាការលើបណ្ដឹងសារទុក្ខបានប្រព្រឹត្តទៅនៅចំពោះមុខអង្គជំនុំជម្រះតុលាការកំពូល ពីថ្ងៃទី២៨ ដល់ថ្ងៃទី៣០ ខែមីនា ឆ្នាំ២០១១៕
source
0 comments:
Please add comment to express your opinion, and share it on Twitter or Facebook. Thank you in advance.