ថ្មីៗនេះគេហទំព័រ 9to5Mac បានចេញផ្សាយថា ទូរស័ព្ទ iPhone ជំនាន់ក្រោយតៀមខ្លួនរួចជាស្រេចក្នុងការផលិត ហើយប្រហែលជានឹងចេញលក់នៅរដូវក្ដៅឆ្នាំនេះហើយ។
យោងតាមរបាយការណ៍ដែលគួរឲ្យទុកចិត្តមួយចេញពីក្រុមហ៊ុន Foxconn នៅប្រទេសចិនបានឲ្យដឹងថាទូរស័ព្ទ iPhone ជំនាន់ក្រោយនឹងមានឈ្មោះ iPhone 5 ហើយគំរូផលិតផលផ្សេងៗគ្នាកំពុងផ្សាយពាសពេញអ៊ីនធឺណិត តែពិបាកនឹងសន្និដ្ឋានណាស់ថាគំរូមួយណាជាគំរូពិត។ ជាមួយគ្នានេះដែរមានពាក្យចចាមអារ៉ាមខ្លះលើកឡើងថាiPhone 5 នឹងមានអេក្រង់ទំហំ 4អ៊ីញ ឬធំជាងនេះ ហើយរូបរាងគឺប្លែកពី iPhone 4 និង 4S ទាំងស្រុង។
សូមបញ្ជាក់ថាគំរូផលិតផល iPhone 5 ដែលបានបង្ហោះលើអ៊ីនធឺណិតកន្លងមកគឺមិនមែនជារូបរាងពិតរបស់ iPhone 5 ទេប៉ុន្តែ 9to5Mac បានបញ្ជាក់ថារូបរាងពិតរបស់ទូរស័ព្ទ iPhone ជំនាន់ក្រោយនឹងបង្ហាញខ្លួននៅរដូវក្ដៅនេះ។
សប្បាយចិត្តទេប្រិយមិត្ត ពេលឮថា iPhone 5 ជិតចេញ?
រូបភាព៖ iphone5newser.com
0 comments:
Please add comment to express your opinion, and share it on Twitter or Facebook. Thank you in advance.