ទូរស័ព្ទ LG Spectrum និង BlackBerry Curve 9370 មកដល់ហើយ

ទូរស័ព្ទ BlackBerry Curve 9370 និង LG Spectrum ឥឡូវនេះ បង្ហាញវត្តមាន នៅក្នុងក្រុមហ៊ុនផ្គត់ផ្គង់បណ្តាញអ៊ីនធឺណិតគ្មានខ្សែ Verizon Wireless ហើយ។

តាមព័ត៌មានពី Bgr បានឲ្យដឹងថា ទូរស័ព្ទ LG Spectrum ត្រូវបានបង្ហាញខ្លួនជាលើកដំបូង នៅក្នុងព្រឹតិ្តការណ៍ពិព័រណ៍គ្រឿងអេឡិចត្រូនិច ២០១២ កាលពីសប្តាហ៍មុន។ ដោយទូរស័ព្ទប្រភេទនេះ ដំណើរការដោយប្រព័ន្ឋប្រតិបត្តិការ Android Gingerbread មានអេក្រង់ទំហំ ៤,៥អ៊ីញ ប្រភេទ True HD IPS ដែលបង្ហាញរូបភាពបានពេញលេញល្អ មាន processor ប្រភេទ dual-core ល្បឿន1.5GHz និងមានកាមេរ៉ាទំហំ ៨ម៉េហ្គាភិសេល អាចថតវីដេអូទំហំ 1080p និងភ្ជាប់ដោយបណ្តាញបច្ចេកវិទ្យា Verizon’s 4G LTE។ ទូរស័ព្ទ LG Spectrum នេះ មានតម្លៃ ១៩៩,៩៩ដុល្លារ ជាមួយនឹងប័ណ្ណធានាគុណភាពពីក្រុមហ៊ុន Verizon រយៈពេល ២ឆ្នាំ។

ជាមួយគ្នានេះ ទូរស័ព្ទ BlackBerry Curve 9370 ក៏បានចេញលក់នៅក្នុងក្រុមហ៊ុន Verizon ផងដែរ។ ទូរស័ព្ទ ស្មាត់ហ្វូន BlackBerry Curve 9370 នេះ មានរាងស្តើងស្អាត បំពាក់ដោយប្រព័ន្ឋបច្ចេកវិទ្យាមើលទីតាំង GPS និងមានភ្ជាប់បច្ចេកវិទ្យា Wi-Fi ដែលមានកាមេរ៉ាទំហំ ៥ម៉េហ្គាភិចសែល និងដំណើរការកម្មវិធីដោយប្រព័ន្ឋប្រតិបត្តិការ RIM’s BlackBerry 7 ។

Share