សេចក្ដីប្រាថ្នាចង់ក្លាយជាពិធីការិនីពេញសិទ្ធិប្រចាំស្ថានីយទូរទស្សន៍របស់កញ្ញា រស់ សាវ៉ាតបាទី ឥឡូវនេះបានសម្រេចដូចបំណងហើយ។ នាងបញ្ជាក់ថា ប្រាក់ចំណូលបានកើនឡើងនៅពេលនេះ។
បើនិយាយពីពិធីការិនីវ័យក្មេង និង មានរូបសម្ផស្សស្រស់ស្អាត កញ្ញា រស់ សាវ៉ាតបាទី ជាពិធីការិនីវ័យក្មេងមួយរូប ព្រោះមកទល់នឹងពេលនេះនាងទើបមានអាយុ២០ឆ្នាំតែប៉ុណ្ណោះ ហើយរូបសម្រសវិញក៏មិនចាញ់តារាផ្សេងទៀតប៉ុន្មានដែរ។
ទាក់ទិនទៅនឹងការក្លាយទៅជាពិធីការិនីពេញសិទ្ធិមួយរូប និងការរកចំណូលកើនជាងមុននេះ បាទី បានបញ្ជាក់ថា “ខ្ញុំបានធ្វើជាពិធីការិនីមានរយៈពេលយូរមកហើយដែរ ប៉ុន្តែគ្រាន់តែធ្វើក្រៅម៉ោងតែប៉ុណ្ណោះ។ មកទល់នឹងពេលនេះខ្ញុំបានក្លាយទៅជាពិធីការិនីពេញសិទ្ធិមួយរូបប្រចាំស្ថានីយទូរទស្សន៍អាស៊ីអាគ្នេយ៍។ ខ្ញុំគិតថាបំណងប្រាថ្នារបស់ខ្ញុំបានសម្រេចដូចអ្វីដែលខ្ញុំបានប៉ង។ ម្យ៉ាងទៀតចំណូលទទួលបានក៏មានភាពខុសប្លែកពីមុនផងដែរ”។
បាទី បានបន្ថែមទៀតថា ក្នុងពេលនាងធ្វើជាពិធីការិនីក្រៅម៉ោងនៅតាមស្ថានីយទូរទស្សន៍ដទៃទៀតឱកាសធ្វើជាពិធីការិនីនៅតាមកម្មវិធីផ្សេងៗមិនសូវជាមានប៉ុន្មានទេ។ ប៉ុន្តែពេលបានបង្ហាញមុខនៅអាស៊ីអាគ្នេយ៍ធ្វើឲ្យចំណូលរបស់នាងកើនជាងមុន តាមរយៈធ្វើជាពិធីការិនីនៅតាមកម្មវិធីផ្សេងៗ ជាពិសេសនៅតាមបណ្ដាខេត្ត។
នៅអាស៊ីអាគ្នេយ៍ កញ្ញា រស់ សាវ៉ាតបាទី កាន់កម្មវិធីបី គឺ កម្មវិធី “កាយវប្បកម្ម សម្ផស្សនារី និងកម្មវិធីកម្សាន្ត (International song best of the best)”។
ទោះជាយ៉ាងណាក៏ដោយតារារូបនេះបានសង្កត់ធ្ងន់ថា ការក្លាយទៅជាពិធីការិនីប្រចាំស្ថានីយទូរទស្សន៍អាស៊ីអាគ្នេយ៍មិនមែនជាការងាយស្រួលនោះទេ ព្រោះត្រូវឆ្លងកាត់ការលំបាកច្រើន។ ដំបូងគេជ្រើសរើសតាមរយៈការដាក់ប្រវត្តិរូប បន្ទាប់មកគឺជួបជាមួយគណៈកម្មការវាយតម្លៃជាច្រើនរូប។ អ្វីដែលពិបាកជាងគេគឺការបង្ហាញនៅមុខកាមេរ៉ា ព្រោះគេចង់ដឹងពីសំឡេង កាយវិការ ទឹកមុខ និងសកម្មភាពផ្សេងៗទៀត។ ការជាប់ជាពិធីការិនីជាការប្រឹងប្រែងរបស់នាងផ្ទាល់គ្មានអ្នកណាម្នាក់ជួយជ្រោមជ្រែងពីក្រោយឡើយ។
តារារូបនេះបានប្រាប់បន្ថែមទៀតថា ការក្លាយជាពិធីការិនីពេញសិទ្ធិបែបនេះ ជាប្រការមួយធ្វើឲ្យអាជីពជាពិធីការិនីរបស់នាងរីកចម្រើនទៅមុខ។ នាងមានជំនឿថា ទៅថ្ងៃខាងមុខនឹងក្លាយទៅជាពិធីការិនីល្បីមួយរូបក្នុងពិភពសិល្បៈ។
ក្រៅពីការងារជាពិធីការិនីពេញសិទ្ធិនៅអាស៊ីអាគ្នេយ៍ កញ្ញា រស់ សាវ៉ាតបាទី ជាពិធីការិនីក្រៅម៉ោងនៅស្ថានីយទូរទស្សន៍ប៉ុស្ថិ៍លេខ៥ ក្នុងកម្មវិធីជំហានតារា។
បាទី កំពុងសិក្សាឆ្នាំទី៤ នៅសាកលវិទ្យាល័យ ជាតិគ្រប់គ្រង ផ្នែកអក្សរសាស្ត្រ អង់គ្លេស ក្រៅពីនេះទៀតនាងក៏ជាកីឡាការិនី យូដូម្នាក់មានទេពកោសល្យ និងធ្លាប់ទទួលបានពានរង្វាន់ផ្សេងៗផងដែរ៕
បាទី កំពុងសិក្សាឆ្នាំទី៤ នៅសាកលវិទ្យាល័យ ជាតិគ្រប់គ្រង ផ្នែកអក្សរសាស្ត្រ អង់គ្លេស ក្រៅពីនេះទៀតនាងក៏ជាកីឡាការិនី យូដូម្នាក់មានទេពកោសល្យ និងធ្លាប់ទទួលបានពានរង្វាន់ផ្សេងៗផងដែរ៕
0 comments:
Please add comment to express your opinion, and share it on Twitter or Facebook. Thank you in advance.