ប្រិយមិត្តប្រហែលជាធ្លាប់ដឹងហើយថា បច្ចុប្បន្ននេះប្រព័ន្ធប្រតិបត្តិការ Windows របស់ Microsoft អាចប្រើប្រាស់បាននៅលើ Chip របស់ Intel និង AMD ចំណែកឯ ARM ដែលកំពុងមានចំណែកធំនៅក្នុងទីផ្សារបច្ចេកវិទ្យាមិនទាន់អាចប្រើ Windows បាននៅឡើយទេ។ ប៉ុន្តែថ្មីៗនេះ Microsoft បានធ្វើការបង្ហាញមួយដែល Windows 8 ពិតជាដំណើរការបានយ៉ាងរលូននៅលើ ARM Chip ដូច្នេះសំណួរសួរថាហេតុអ្វីចាំបាច់ Microsoft ចង់ធ្វើឲ្យ Windows 8 ដំណើរការលើ ARM Chip?
មូលហេតុចម្បងដែល Windows 8 គួរដំណើរការលើ ARM Chip បានដូចជា ការប្រើប្រាស់ ស្ថាបត្យកម្ម ARM ចំណាយតិចជាងការប្រើស្ថាបត្យកម្មរបស់ Intel។ ជាក់ស្តែង Device ដែលប្រើ Windows 8 កាលពីការដាក់បង្ហាញនៅព្រឹត្តិការណ៍ CES ឆ្នាំនេះ គួរតែមានតម្លៃថោកជាងនេះបើប្រើ ARM វិញ។
ប្រភពមួយបានឲ្យដឹងថា បច្ចុប្បន្ននេះ Intel កំពុងព្យាយាមជំរុញឲ្យ Ultrabook ទទួលបានការប្រើប្រាស់ច្រើនដោយឈរលើហេតុផលថា Ultrabook មានកម្រាស់កាន់តែស្តើង ល្បឿនកាន់តែលឿន ថ្មប្រើបានកាន់តែយូរ ប៉ុន្តែបើសាកប្រើ Windows 8 លើ ARM វិញនោះនឹងមានតម្លៃថោកជាង តែមានអត្ថប្រយោជន៍ដូច Ultabook ដែរ។
ទោះបីជា Windows លើ ARM អាចចូលដល់ទីផ្សារក្រោយ Intel ក៏ដោយ មានប្រភពខ្លះបញ្ជាក់ថាអាចនឹងចេញនៅពេលជាមួយគ្នា។ ជាពិសេស Windows 8 ត្រូវបានរាយការណ៍ថាអាចដំណើរការស្រួលនៅលើ Chip របស់Qualcomm និង Nvidia ដែលជាក្រុមហ៊ុនធំៗផ្គត់ផ្គង់ ARM Chip ទៅហើយ។
ប៉ុន្តែទោះWindows 8 អាចដំណើរការលើ ARM បានក៏ដោយIntel នៅតែមានប្រៀបដដែលព្រោះកម្មវិធីការិយាល័យដ៏សំខាន់របស់ Microsoft គឺ Microsoft Office មិនអាចប្រើបាននៅលើ ARM chip នោះទេ។ ស្របពេលដែលមានការអះអាងនេះ Microsoft បានបញ្ជាក់ថា នៅពេលដែល Windows 8 ចេញជាផ្លូវការ ក្រុមហ៊ុនរបស់ខ្លួននឹងមានបណ្ណាល័យមួយសម្រាប់រក្សាទុកកម្មវិធីសំខាន់ៗដែលអាចប្រើនៅលើស្ថាបត្យកម្មច្រើន។
តើប្រិយមិត្តគិតថានេះអាចជាយុទ្ធសាស្ត្រថ្មីដើម្បីពង្រីកទីផ្សារ Windows ប្រឆាំងនឹង Android ដែរឬទេ ព្រោះ Android សុទ្ធតែដំណើរការលើស្ថាបត្យកម្ម ARM?
0 comments:
Please add comment to express your opinion, and share it on Twitter or Facebook. Thank you in advance.