ក្រុងឡាសវេហ្កាស : ការសិក្សាថ្មីដែលបានតាមដានមនុស្ស៥៣នាក់ អាយុពី១៥ ទៅ៦១ឆ្នាំ បានឲ្យដឹងថា ការធ្វើច្រមុះអាចធ្វើឲ្យមនុស្សវ័យចំណាស់មើលទៅក្មេងជាងអាយុ។
ជាទូទៅ អ្នកដែលឆ្លងកាត់ការវះកាត់កែសម្ផស្ស តែងមានអារម្មណ៍រីករាយជាងមុន ធ្វើឲ្យពួកគេទំនងជាមើលទៅក្មេងជាងវ័យ ប៉ុន្តែការស្រាវជ្រាវថ្មីបានរកឃើញថា ការកែច្រមុះអាចលើកសម្រស់ផ្ទៃមុខ ធ្វើឲ្យមានភាពស៊ីគ្នានៅលើផ្ទៃមុខ ធ្វើឲ្យមនុស្សក្មេងជាងវ័យ១,៥ឆ្នាំ។
លោក អាលី សេភើរ (Ali Sepehr) វេជ្ជបណ្ឌិតជំនាញផ្នែកវះកាត់ផ្ទៃមុខ បានឲ្យដឹងថា៖ «ទន្ទឹមនឹងធ្វើឲ្យមនុស្សស្អាតជាងមុន ការកែច្រមុះថែមទាំងហុចផលធ្វើឲ្យពួកគេក្មេងជាងវ័យទៀតផង»។
យ៉ាងណាមិញ លោកបានកត់សម្គាល់ថា៖ «មនុស្សធ្វើការកែច្រមុះគឺដើម្បីឲ្យមុខកាន់តែស្អាត មិនមែនហេតុផលឲ្យមើលទៅក្មេងជាងវ័យនោះទេ»។
នៅសហរដ្ឋអាមេរិក ការវះកាត់កែច្រមុះអាចមានតម្លៃត្រឹម២-៣ពាន់ រហូតដល់ជាង២ម៉ឺនដុល្លារ ហើយវាទាមទារពេល១-២សប្ដាហ៍ទើបជាសះ។
លោកបានណែនាំពីឥទ្ធិពលធ្វើឲ្យក្មេងជាងវ័យនេះ ច្រើនសម្គាល់ឃើញនៅផ្ទៃមុខមនុស្សចាស់ដែលកែច្រមុះ ជាជាងមនុស្សដែលស្ថិតក្នុងវ័យក្មេង៕
0 comments:
Please add comment to express your opinion, and share it on Twitter or Facebook. Thank you in advance.