ដំនឹងល្អស្តីអំពីទូរស័ព្ទដ៏របស់ Sony គឺ Xperia S ហាក់ដូចជាមានកាន់តែច្រើនហើយចំនុចដែលស្ថិតនៅលើចំនងជើងគឺបានបង្កប់នូវលក្ខណៈពិសេសខុសពីគេបានទៅហើយ។ ប្រឆាំងស្នាមប្រលាក់និង បញ្ជូលថ្មកាន់តែលឿន គឺជាព៌តមានដែលបានមកពី XperiaBlog ហើយវានឹងធ្វើឲ្យទូរស័ព្ទមានលក្ខណៈប្លែក។
ប្រឆាំងនឹងស្នាមប្រលាក់គឺនឹងធ្វើឲ្យទូរស័ព្ទកាន់តែថ្មីជានិច្ចដោយវាមិនធ្វើឲ្យមានធូលី ឬជាតិមកនៅជាប់នឹងសំបកទូរស័ព្ទឡើយ។ មិនថាតែ ដីឬធូលីនោះទេ បើសិនជាយើងយកប៊ិចមកគូសវាសលេង នោះស្នាមប្រលាក់ទាំងនោះនឹង ត្រូវជំរះយ៉ាងស្អាតដោយគ្រាន់តែយកដៃមកលុបយ៉ាងសមញ្ញ(តែមិនធានាថាដៃមិនប្រលាក់នោះទេ)។
សមត្ថភាពកាន់តែពិសេសនោះគឺបញ្ជូលថាមពលថ្មលឿនជាងមុន។ ក្នុងរយៈពេល១០នាទីនៃការសាកថ្ម គឺអាចយកវាទៅនិយាយបានរហូតដល់១ម៉ោងឯណោះ។ វានឹងប្រើពេលតែ៣០នាទដើម្បីសាកថ្ម ឲ្យបានគ្រប់៨០% (គឺលឿនជាងទូរស័ព្ទធម្មតា) តែរយៈពេលនឹងកើនបន្ទាប់ពី៨០% (បានន័យថាពេលអាចនឹងយូរជាងមុនពេលដែលវាពេញ៨០%)។
មើលទៅមុខងារទាំងពីរនេះពិតជាគួឲ្យចាប់អារម្មណ៍ពិសេសគឺរឿងសាកថ្មតែម្តង ព្រោះយើងអាចប្រើពេលតិចជាងមុនក្នុងការសាកថ្មទូរស័ព្ទ ហើយភាពកំចាត់ស្នាមប្រលាក់គឺប្រហែលជាមិនចាំបាច់ឲ្យអ្នករាល់គ្នាទៅផ្លាស្ទិកដើម្បីកាពារទៀតផងក៏មិនដឹង។
0 comments:
Please add comment to express your opinion, and share it on Twitter or Facebook. Thank you in advance.