យោងទៅតាមប្រភពព័ត៌មានអេ ភី ចេញផ្សាយកាលពីថ្ងៃព្រហស្បតិ៍ទី២ កុម្ភៈ ឆ្នាំ២០១២ បានឱ្យដឹងថា ៖ លោកប្រធានាធិបតីហ្វ៊ីលីពីនអាគីបានសារភាពពីទំនាក់ទំនងស្នេហាលួចណាត់ជួបជាមួយពិធីការិនីទូរទស្សន៍ជនជាតិកូរ៉េ បម្រើការក្នុងប្រទេសហ្វ៊ីលីពីន គឺនាងហ្គ្រេសលី ក្នុងអំឡុងពេលដែលលោកធ្វើដំណើរទស្សនកិច្ចទៅកាន់ទីក្រុងQuezon នៅភាគខាងជើងនៃកោះ Luzon ប្រទេសហ្វ៊ីលីពីន ដើម្បីចាប់ផ្តើមរបៀបវារៈប្រជុំជាមួយមន្ត្រីរដ្ឋាភិបាលកាលពីថ្ងៃពុធ ទី១ កុម្ភៈ ឆ្នាំ២០១២ ។
ទោះបីជាលោកបានសារភាពថា បានណាត់ជួបជាមួយពិធីការិនីទូរទស្សន៍វ័យ៣០ឆ្នាំរូបនេះក្តី តែលោកមិនបានឆ្លើយទៅនឹងសំណួររបស់អ្នកយកព័ត៌មានពីទំនាក់ទំនងរវាងលោក និងនាងឱ្យបានដឹងលំអិតនោះទេ ។ ពាក្យចចាមអារ៉ាមជាច្រើនបាននិយាយថា ប្រធានាធិបតីដែលវ័យ៥៣ឆ្នាំ រូបនេះ បានចាប់ចិត្តស្រឡាញ់នាងហ្គ្រេសលីនៅពេលដែលលោកជួបនាងលើកដំបូងចាប់តាំងពីខែកក្កដា ឆ្នាំ២០១១ នៅពេលដែលលោកចូលរួមក្នុងពិធីបើកសម្ពាធរោងចក្រថាមពលអគ្គិសនីដែលកសាងដោយក្រុមហ៊ុន
កូរ៉េ ។
កូរ៉េ ។
ក្រោយពីពិធីសម្ពោធបានចប់សព្វគ្រប់លោកអាគីណូបានលើកសរសើរពីសម្រស់របស់នាងប្រាប់សហសេវិករបស់លោកថា៖ ភ្ញៀវដែលចូលរួមនៅទីនេះគឺស្រស់ស្អាតទាំងអស់ ក៏បុន្តែពិធីការិនីទូរទស្សន៍ គឺជាស្ត្រីដែលស្អាតជាងគេបំផុត ។ ប្រភពព័ត៌មានអេភីដដែលនោះបានឱ្យដឹងបន្ថែមទៀតថា នាងហ្គ្រេសលីក៏បានសារភាពដោយត្រង់ៗថា អ្វីដែលលោកប្រធានាធិបតីនិយាយ គឺជាការពិត ។
គួររំលឹកដែរថា នាងហ្គ្រេសលីកើតនៅក្នុងប្រទេសកូរ៉េ ក៏ប៉ុន្តែនៅពេលដែលនាងមានអាយុ១០ឆ្នាំ នាងបានមករស់នៅជាមួយក្រុមគ្រួសាររបស់នាងក្នុងប្រទេសហ្វ៊ីលីពីនដោយសារតែឪពុករបស់នាង គឺជាអ្នកជំនួញ ។ នាងគឺជាពិធីការិនីទូរទស្សន៍ GMA ហើយក៏ជាអ្នកដឹកនាំកម្មវិធីវិទ្យុផ្សាយសំឡេងផងដែរ ៕
0 comments:
Please add comment to express your opinion, and share it on Twitter or Facebook. Thank you in advance.