យោងទៅតាមភ្នាក់ងាររបស់តារាចម្រៀង Lee Hyori បានបង្ហើបឱ្យដឹងថា ៖ កំពូលតារាចម្រៀងដ៏សិចស៊ី Lee Hyori កំពុងត្រៀមខ្លួនវិលត្រឡប់ឈានជើងចូលប្រឡូកក្នុងពិភពសិល្បៈវិញ បន្ទាប់ពីនាងអវត្តមានមួយរយៈពេលកន្លងមក ។ ប្រភពព័ត៌មានដដែលនេះបានបន្តឱ្យដឹងទៀតថា តារាចម្រៀងវ័យ៣៣រូបនេះ គ្រោងនឹងវិលត្រឡប់ចូលប្រឡូកក្នុងវិស័យសិល្បៈវិញនៅក្នុងរដូវក្តៅ ឬរដូវស្លឹកឈើជ្រុះខាងមុខនេះ។ ការសម្រេចចិត្តវិលចូលក្នុងរង្វង់សិល្បៈសាជាថ្មីវិញនេះ គឺនាងចង់ស្តារកិត្តិយសឡើងវិញបន្ទាប់ពីរូបនាងមានការជាប់ពាក់ព័ន្ធនឹងបទចោទប្រកាន់លួចកម្មសិទ្ធិបញ្ញារបស់អ្នកដទៃដែលធ្វើឱ្យការខិតខំប្រឹងប្រែងរបស់នាងកាលពីពេលកន្លងមកត្រូវសាបសូន្យអស់រលីង ។
ជាមួយនឹងការវិលត្រឡប់មកវិញនេះតារាចម្រៀងដែលរកប្រាក់ចំណូលបានច្រើនជាងគេបំផុតក្នុងឆ្នាំ២០០៦បាននិយាយថា ៖ ខ្ញុំកំពុងតែខិតខំប្រឹងប្រែងធ្វើការងារជាមួយនឹងអាល់ប៊ុមថ្មីរបស់ខ្ញុំដោយសម្រិតសម្រាំងនូវបទចម្រៀងដ៏ពីរោះៗ ដើម្បីទាក់ទាញយកការគាំទ្រត្រឡប់មកវិញ ។ គួររំលឹកដែរថា នាង Lee Hyori គឺជាតារាចម្រៀងកូរ៉េមួយរូបដ៏ល្បីក្នុងចន្លោះឆ្នាំ១៩៩៨-២០០២ ក៏ប៉ុន្តែកេរ្តិ៍ឈ្មោះរបស់នាងត្រូវរសាត់ចេញពីក្រសែភ្នែកទស្សនិកជនបន្តិចម្តងៗនៅពេលដែលនាងត្រូវរងការចោទប្រកាន់ពីបទលួចចម្លងកម្មសិទ្ធិបញ្ញារបស់អ្នកដទៃ ៕
0 comments:
Please add comment to express your opinion, and share it on Twitter or Facebook. Thank you in advance.