នៅថ្ងៃទី១៦ខែកុម្ភៈនេះ ព្រឹត្តិការណ៍ដែលគ្រប់គ្នាទន្ទឹងរង់ចាំ ក៏ជាព្រឹត្តិការណ៍ដែលមានអ្នកទស្សន៍ទាយទុកមុន និងមានអ្នករិះគន់រឺគាំទ្រ
ប្រទាំង ប្រទើសគ្នាតាំងពីដំណើរការដំបូងមកម៉្លេះនោះ នឹងចេញរូបរាងពិតហើយ។តើតារារូបណា នឹងទទួលបានពានប្រជាប្រិយភាព ដែលដាក់ពិន្ទុដោយយុវវ័យផ្ទាល់ ហើយតើតារារូប ណានិងបានទទួលពានទេពកោសល្យដែលចេញឡើងដោយគណៈកម្មការជំនាញ?តើតារាខ្មែរ ត្រៀមលក្ខណៈហើយរឺនៅសម្រាប់ ការចូលរួមជាមួយព្រឹត្តិការណ៍កម្រិតខ្ពស់មិនធ្លាប់មានក្នុងប្រវត្តិសាស្ត្រនៃអាជីពរបស់ពួកគេ?តើគេនឹងសិក្សាបានអ្វីខ្លះពីឆ្នាំដំបូងនៃអាណាចក្រតារា?នៅពេលដែលសិល្បករគ្រប់គ្នាចាប់ផ្ដើមនិយាយពីរឿងនេះ គេក៏បានផ្ដោតលើរឿងមួយទៀតថា តើពានអាណាចក្រ តារាទំាំង ៣៦ សម្រាប់ សិល្បករ៣៦រូប រឺមួយមានសិល្បកររូបណាអាចទទួលបានពានច្រើនលើសពីមួយ?
ពាក្យចចាមអារ៉ាមនានាបានជ្រៀតចូលទៅក្នុងមជ្ឈដ្ឋានសិល្បករ អាជីព និងអ្នកគាំទ្រវិស័យនេះ ប៉ុន្តែដូចកញ្ញាឈី រដ្ឋា អ្នកសម្របសម្រួលគម្រោងអាណាចក្រ តារាបានជម្រាបជូនរួចហើយថា នៅមុនពេលអ្វីៗត្រូវបង្ហាញតាមកញ្ចក់ទូរទស្សន៍បាយ័ន ការទស្សន៍ទាយ រឺព័ត៌មានគ្មានប្រភពទាំងឡាយ នៅតែមានតម្លៃត្រឹមតែជាពាក្យចចាមអារ៉ាមតែប៉ុណ្ណោះ។
ជំនួសមុខថ្នាក់ដឹកនាំនិងបុគ្គលិកគ្រប់ ជាន់ថ្នាក់នៃក្រុមហ៊ុនSabay ខ្ញុំសូមអំពាវនាវដល់សាធារណជនដែលចង់ឃើញការរីកចម្រើនថ្មីសម្រាប់វិស័យមួយដែលយ៉ាងហោចណាស់បានជួយបន្ធូរភាពតានតឹងរបស់អ្នកគ្រប់គ្នានៅក្នុងគ្រាមួយចំនួននៃជីវិតរស់នៅ ដោយចូលទៅកាន់កម្មវិធីអាណាចក្រតារា រួមជាមួយសិល្បករខ្មែរ ហើយលើកទឹកចិត្ត និងពង្រឹងសេចក្ដីក្លាហានអោយដល់ពួកគេ សម្រាប់ទទួលយកការពិត និងបទពិសោធន៍ជា លក្ខណៈអាជីពដែលអាចទាញបង្ខិតសិល្បៈសម័យខ្មែរឆ្ពោះសន្សឹម ៗទៅរកសកលភាវូបនីយកម្មដោយចាប់ ផ្តើមពីសមាហរណកម្មជាមួយសិល្បៈក្នុងតំបន់ មុនពេលឈានឆ្ពោះទៅកាន់និន្នាការសាកលលោក។
ចូលរួមទស្សនាផ្ទាល់នៅសាលមហោស្រពកោះ ពេជ្រ ដោយគ្រាន់តែCallមកកាន់លេខ០១០២២៨០០០សម្រាប់ព័ត៌មានលំអិត។ប្រភព
0 comments:
Please add comment to express your opinion, and share it on Twitter or Facebook. Thank you in advance.