ក្មេងប្រុសរស់រានជីវិតជាមួយបេះដូងពាក់កណ្តាល និងលយចេញខាងក្រៅប្រអប់ទ្រូង

ក្មេងប្រុស Ryan រស់នៅរដ្ឋ Pennsylvania ប្រទេសអាមេរិកបានផ្ទុកនូវជំងឺដ៏ចំឡែកម្យ៉ាងជា
ហេតុធ្វើអោយបេះដូងរបស់ក្មេងប្រុសនោះអាចរីកចំរើនបានតែពាក់កណ្តាលនៃផ្នែកខាង
ឆ្វេងប៉ុណ្ណោះនិងស្ថិតនៅខាងក្រៅនៃរាងកាយ។ ក្មេងប្រុសនោះបានចាប់កំណើតឡើងជា
មួយនឹងបេះដូងត្រូវបានស្រោបដោយសន្ទះដ៏ស្តើងផ្នែកខាងក្រៅនៃប្រអប់ទ្រូង និងឱកាស
រស់រានមានជីវិតមានសង្ឃឹមតិចតួចបំផុត។ 

Ryan មុនពេលវះកាត់(ឆ្វេង) និងក្រោយពេលវះកាត់ (ស្តាំ)

ស្រ្តីឈ្មោះ Leighann Marquiss ម្តាយរបស់ Ryan បានអោយដឹងថា ក្រុមគ្រូពេទ្យបានពិនិត្យ
ឃើញនូវជំងឺនេះគឺតាំងពីពេលដែលគាត់ពរពោះទារកបានរយៈពេល ១២ សប្តាហ៍មកម្ល៉េះ។
ហើយក្រុមគ្រូពេទ្យទាំងនោះបានប្រាប់អោយគាត់យកទារកនោះចេញ ប៉ុន្តែរូបគាត់ផ្ទាល់ក៏
ដូចជាស្វាមីមិនយល់ស្របនោះឡើយ រួចក៏សំរេចចិត្តត្រូវតែបង្កើតទារកនោះ។ លទ្ធផលគឺ
នៅពេលដែលទារក Ryan ចាប់កំណើតឡើងគឺបានផ្ទុកនូវជំងឺមួយមានឈ្មោះថា ectopia 
cordis ដែលធ្វើអោយបេះដូងរបស់ Ryan បានចេញមកនៅខាងក្រៅនៃរាងកាយ និងស្រប
ពេលជាមួយគ្នានោះ Ryan ក៏មានផ្ទុកនូវជំងឺ hypoplastic នៅបេះដូងផ្នែកខាងស្តាំទៀតផង។
ដែលមានន័យថាបេះដូងមួយចំណែកខាងឆ្វេងមានការរីកចំរើនជាធម្មតា។ យោងតាមការ
ធ្វើស្ថិតិកំរិតនៃការផ្ទុកនូវជំងឺ ectopia cordis នេះគឺមានបរិមាណ ៨/១.០០០.០០០ ទារកនិង
៩០% ទារកនឹងបាត់បង់ជីវិតដោយសារជំងឺនេះ។

Ryan និងបងស្រី

ស្តី្រ Leighann Marquiss អាយុ ៣៤ឆ្នាំ​ បានអោយដឹងថា" ពេលដែលខ្ញុំពរផ្ទៃនៅក្នុងសប្តាហ៍
ទី ១២ ក្រុមគ្រូពេទ្យបានផ្តល់យោបល់អោយពួកខ្ញុំយកទារកនោះចេញ ដោយពួកគេបាន
និយាយថាទារក Ryan របស់យើងខ្ញុំនឹងមានការបាកជាខ្លាំងក្នុងការរស់នៅបន្ទាប់ពីចាប់កំ
ណើតឡើង។ ប៉ុន្តែពួកខ្ញុំចង់អោយគ្រប់យ៉ាងកើតឡើងតាមធម្មជាតិដូច្នេះហើយទើបមិនធ្វើ
តាមការប្រាប់នោះ។ រយៈពេលពីរបីថ្ងៃក្រោយមកបន្ទាប់ពី Ryan បានចាប់កំណើតឡើងក្រុម
គ្រូពេទ្យបាននិយាយជាមួយពួកខ្ញុំថា ពិតជាកម្រមានទារកណាដែលមានបេះដូងផ្ទុកនូវជំងឺ
ដ៏ច្រើនប្រភេទដូច Ryan និងអាចរស់រាននិងរឹងមាំដូច្នេះណាស់"។

ក្រុមគ្រូពេទ្យនៅក្នុងមជ្ឈមណ្ឌលថែទាំសុខភាពកុមារជាតិនៅ Washington សហរដ្ឋអាមេរិក
បានធ្វើការវះកាត់និងជួយសង្រ្គោះជីវិត Ryan ។ Ryan ត្រូវឆ្លងកាត់នូវដំណាក់កាលនៃការ
វះកាត់ជាច្រើនលើកដើម្បីអោយបេះដូងចំណែកខាងស្តាំអាចមានចលនាឡើងវិញ។ ទន្ទឹម
នឹងនោះក្រុមគ្រូពេទ្យថែមទាំងបានបណ្តុះផ្សាំស្បែកបន្ថែមលើផ្នែកខាងក្រៅបេះដូងផងដែរ
ដើម្បីកុំរបួសក្លាយ។

សាស្ត្រាចារ្យ Mary Donofrio អគ្គនាយករបស់កម្មវិធីវះកាត់បេះដូងនៅឯមជ្ឈមណ្ឌលថែទាំ
សុខភាពកុមារជាតិបានអោយដឹងថា៖" បេះដូចរបស់ទារកបានលយចេញមកខាងក្រៅនៅ
ចន្លោះប្រអប់ទ្រូងនិងត្រូវបានស្រោបការពារដោយស្បែកមានកំរាស់ស្តើងប៉ុណ្ណោះ។ ជា
ធម្មតាវានឹងមានការឆ្លងរោគ និងជះឥទ្ធិពលដល់អាយុជីវិតរបស់ទារក។ ប៉ុន្តែប្រសិនបើមិន
មានការឆ្លងរោគទេនោះ ការដែលមានចលនាធម្មតាតែមួយផ្នែកដូច្នេះនោះ Ryan ត្រូវតែ
ធ្វើការវះកាត់បើកបេះដូងដើម្បីអោយចរន្តឈាមអាចដំណើរការឡើងវិញ។ ខ្ញុំបាននិយាយ
ជាមួយក្រុមគ្រួសារនោះតាំងពីដំបូងថាប្រសិនបើទារកនោះអាចរស់រានមានជីវិតបានមែន
នោះវាគឺជាអព្ភូតហេតុដ៏អស្ចារ្យ"។

Ryan និងក្រុមគ្រួសារ

បច្ចុប្បន្ន Ryan កំពុងរស់នៅយ៉ាងមានសុភមង្គលជាមួយក្រុមគ្រួសារ, ហើយការដែលមានជី
វិតរស់រានរបស់ Ryan នេះពិតជារឿងមួយដ៏អស្ចារ្យនិងមិនអាចនឹកសា្មនដល់ឡើយ។ ស្រ្តី
Marquiss អោយដឹងថា៖ " Ryan មានភាពក្លាហានណាស់, ការរស់រានមានជីវិតនឹងមានសុខ
ភាពរឹងមាំរបស់ Ryan បានធ្វើអោយក្រុមគ្រួសារនិងគ្រូពេទ្យមានការភ្ញាក់ផ្អើលយ៉ាងខ្លាំង។ 
បច្ចុប្បន្នស្ថានភាពសុខភាពរបស់ Ryan កំពុងតែឆ្ពោះទៅរកភាពប្រសើរឡើងវិញ ប៉ុន្តែ Ryan
នៅតែបន្តឆ្លងកាត់ដំណាក់កាលធ្វើការវះកាត់ប្រអប់ទ្រូងនិងផ្សាំបេះដូងជាបន្តទៅទៀតនៅ
រយៈពេលដ៏ខ្លីខាងមុខនេះ។ បច្ចុប្បន្ន Ryan អាចលេងកីឡាបានជាមួយការប្រើប្រាស់នូវអាវ
ការពារប្រអប់ទ្រប់ដ៏ពិសេស។ ខ្ញុំដឹងថា Ryan នឹងមិនអាចក្លាយជាកីឡាករម្នាក់បាននោះទេ
ប៉ុន្តែយ៉ាងហោចណាស់ក៏ Ryan អាចរត់លេងបានដូចមិត្តភក្តិរបស់គេដទៃទៀតដែលមាន
អាយុស្រករគ្នាផងដែរ។ រៀងរាល់ថ្ងៃរបស់ Ryan សុទ្ធតែមានតំលៃណាស់ ហើយពួកខ្ញុំតែង
តែមានការប្រុងប្រយ័ត្នគ្រប់វិនាទីនិងនៅក្បែរ Ryan ជានិច្ច"៕

Share