ក្រុង ឡុងដ៍ៈ តមៃ្លមាសបានកើនឡើងនៅទីក្រុងឡុងដ៍ដោយសារក្តីបារម្ភអំពី វិបត្តិបំណុលអឺរ៉ុបជំរុញឲ្យមានតម្រូវការលោហៈដ៏មានតម្លៃ នេះ ជាទ្រព្យសុវត្ថិភាព។
រូបិយប័ណ្ណអឺរ៉ូគឺមានកម្រិតទាបរយៈ ពេល១៦ខែ បើធៀបទៅនឹងដុល្លារអាមេរិក បន្ទាប់ពីភ្នាក់ងារ វាយតម្លៃចំណាត់ថ្នាក់ Standard & Poor ទម្លាក់ចំណាត់ថ្នាក់ឥណទានបារំាង និងប្រទេសចាយប្រាក់អឺរ៉ូចំនួន៨ផ្សេងទៀត។ តម្រូវការមាស កាលពីថ្ងៃទី១៣ ខែមករា ពីឥណ្ឌា ជាអ្នកទិញបំផុតរបស់ពិភពលោក មានលក្ខណៈខ្លាំងបំផុត គិតចាប់តាំងពីចុងខែធ្នូ។ នេះបើតាម UBS។ មាសគីឡូសម្រាប់ការទិញ លក់ភ្លាមៗបានកើនឡើង ៦,០៧ដុល្លារ ឬ ០,៤ភាគរយរហូតដល់១ ៦៤៥,០៧ដុល្លារក្នុងមួយអោន (២៨,៣៥ក្រាម) នៅទីក្រុងឡុងដ៍កាលពីថ្ងៃចន្ទ។ តម្លៃមាសបានកើនឡើង១,៣ភាគរយ កាលពីសប្តាហ៍មុន ដែលនេះជាការកើនឡើងលើកទីពីរបន្តបន្ទាប់គ្នា។ មាសសម្រាប់ការទិញនៅខែកុម្ភៈកើនឡើង ០,៩ភាគរយនៅតម្លៃ ១ ៦៤៥,២០ នៅទីក្រុងញូវយ៉ក។
លោក Edel Tully អ្នកវិភាគនៅក្រុមហ៊ុន UBS នៅទីក្រុងឡុងដ៍បានសរសេរនៅក្នុងរបាយការណ៍មួយនៅថ្ងៃចន្ទថា៖ «មាសមានប្រតិកម្មទៅនឹងដំណើរវត្តរបស់អឺរ៉ូនេះនៅក្នុងផ្លូវ ត្រឹមត្រូវ»៕
0 comments:
Please add comment to express your opinion, and share it on Twitter or Facebook. Thank you in advance.