ទស្សនាវដ្តីសុខភាពរបស់អង់គ្លេស បានឲ្យដឹងថា អ្នកស្រាវជ្រាវនៃការិយាល័យស្រាវជ្រាវជំងឺមហារីក អន្តរជាតិ នៅទីក្រុងលីយ៉ុង ប្រទេសបារាំង បានរកឃើញក្នុងការសិក្សាទៅលើអ្នកជំងឺមហារីកសួត ចំនួន ២.១៤១ នាក់ ប្រៀបធៀបជាមួយនឹងអ្នកដែលមានសុខភាពល្អ ចំនួន ២.១៦៨ នាក់ ថា អ្នកដែលចូលចិត្តទទួលទានបន្លែ ដូចជា ស្ពៃក្តោប ប្រូកខូលី និងមើមស្ពៃខ្លះ អាចរួចផុតពីមហារីកសួតបាន ។ ទោះជានៅមិនអាចដឹងពីមូលហេតុបាន ប៉ុន្តែពួកបន្លែទាំងនេះ មានសារធាតុដែលមានគុណសម្បត្តិការពារសួត ពីជំងឺមហារីកក្នុងបរិមាណច្រើន ។អ្នកស្រាវជ្រាវជឿជាក់ថា អាចបណ្តាលឲ្យមកពីហ្សែន ២ យ៉ាង ក្នុងរាងកាយ ជាមូលហេតុ ។ ហ្សែនទាំង ២ នឹងបង្កើតអង់ហ្ស៊ីមកម្ចាត់សារធាតុគីមី ពីបន្លែទាំងនោះ ។ តែអ្នកដែលមានហ្សែនទាំង ២ លែងដំណើរការប៉ុណ្ណោះ ទើបអាចទទួលបានគុណប្រយោជន៍ពីបន្លែ ក្នុងការបង្ការជំងឺមហារីកខ្ពស់បំផុតដល់ទៅ ៧២ ភាគរយ ។ ចំណែកអ្នកដែលមានហ្សែនណាមួយនៅដំណើរការ នឹងបានទទួលគុណប្រយោជន៍ពីបន្លែ ត្រឹមតែ ៣៣ ទៅ ៣៧ ប៉ុណ្ណោះ ។ ប៉ុន្តែទោះជាយ៉ាងណា ក្រៅពីស្ពៃក្តោប អ្នកក៏គួរទទួលទានបន្លែដទៃផងដែរ ព្រោះបន្លែគ្រប់ប្រភេទ សុទ្ធតែមានប្រយោជន៍ចំពោះសុខភាពដូចគ្នា ៕
0 comments:
Please add comment to express your opinion, and share it on Twitter or Facebook. Thank you in advance.