តាមព័ត៌មានបានអោយដឹងថា ក្រុមឆរបោកនេះ គឺធ្វើសកម្មភាព ដូចជាស្គាល់យើង ហើយបបួលស៊ីផឹក រួចដាក់ថ្នាំ រឺក៏ចូលលួចរបស់របរ នៅក្នុងរថយន្ត ។ បន្ទាប់ពីសមត្ថកិច្ចចាប់ ក្រុមឆរបោក បាន២នាក់ហើយ ក៏មានបក្ខពួក៤នាក់ទៀត ក៏ត្រូវសមត្ថកិច្ចចាប់ឃាត់ខ្លួនភ្លាមៗផងដែរ ។
នៅចំពោះមុខក្រុមសារព័ត៌មាន ជនល្មើស២នាក់ ឈ្មោះ រូហ្សា និង ជា ចាន់សុភាព អាយុ ២២ឆ្នាំ បានសារភាពប្រាប់ថា ខ្លួនបានប្រព្រឹត្តអំពើបែបនេះ ជាច្រើនលើក ច្រើនសារហើយ ទើបតែពេលនេះជាប់អន្ទាក់សមត្ថកិច្ច ។
អ្វីដែលគួរអោយចាប់អារម្មណ៌នោះ នៅពេលសមត្ថកិច្ចកំពុងចាប់ឃាត់ខ្លួន ជនល្មើស ស្រាប់តែបុរសម្នាក់ ធ្លាប់ចាញ់បោក ក្រុមនោះ ជិះរថយន្តកាត់ឃើញ ក៏បានចុះមកប្តឹងសមត្ថកិច្ចភ្លាមៗតែម្តង ។
តាមសម្តីបុរសដែល ធ្លាប់ចាញ់បោក ឈ្មោះ ម៉ម យាន្ត បាននិយាយថា កាលពីចុងខែ ធ្នូ ឆ្នាំំ២០១១ រូបគាត់ចាញ់បោកក្រុមនេះអស់លុយ ប្រមាណ ៤០០០ដុល្លារ រួមនឹងទូរស័ព្ទ អាយហ្វូន ១គ្រឿងផងដែរ ។
0 comments:
Please add comment to express your opinion, and share it on Twitter or Facebook. Thank you in advance.