បើតាមអ្នកផលិតករ Jon Landau គម្រោងធំដែលអ្នកដឹកនាំរឿង James Cameron មានសម្រាប់ថតវគ្គបន្ត “Avatar” ២វគ្គ ប្រហែលជាត្រូវពន្យារពេលដល់ឆ្នាំ ២០១៦ និង ២០១៧។
មុននេះ លោក James Cameron បានឱ្យដឹងនៅកម្មវិធីប្រគល់ពានរង្វាន់ Producers Guild of America ថានឹងមាន “Avatar” វគ្គ២ និង៣ ចេញបន្តបន្ទាប់ក្នុងឆ្នាំ២០១៤ និង២០១៥។ តែឥឡូវប្រិយមិត្ត ពិសេសអ្នកគាំទ្រ ខ្សែភាពយន្តរកចំណូលបានដល់ទៅជាងពីរពាន់លានដុល្លារនេះត្រូវរង់ចាំកាន់តែយូរទៀតហើយ។ មើលទៅអាចចាំបានទេ?
តាមការពិតទៅ Jon Landau មិនបានបញ្ជាក់ឱ្យច្បាស់ពីដំណឹងនេះទេ គ្រាន់តែពេលដាក់បញ្ចាំងឈុតខ្លីៗរឿង“Titanic” ជាលក្ខណៈ 3D នៅ Los Angeles កាលពីពេលថ្មីៗនេះ លោកត្រូវគេហទំព័រអ្នកគាំទ្រ Bleeding Cool ដកស្រង់ពាក្យសម្ដីថា វគ្គទី២នឹងចេញ៤ឆ្នាំបន្ទាប់ទៀត។
បើពិតជាត្រូវពន្យារដល់ឆ្នាំ២០១៦មែននោះ វានឹងត្រូវជា៧ឆ្នាំហើយ ដែលវគ្គទី១ចេញវាយលុករោងភាពយន្តតាមបណ្ដាប្រទេសជាច្រើនលើពិភពលោក ហើយក្លាយជាភាពយន្តរកចំណូលបានច្រើនជាងគេ ពោលគឺវ៉ាដាច់ទាំង “Titanic” ទៀត។
បើគិតដល់ថាត្រូវចាំរាងយូរបន្តិច ប្រហែលជាពិបាក តែបើគិតឱ្យដល់ហេតុផលល្អវិញ ការពន្យារពេលនេះអាចនឹងល្អសម្រាប់ James Cameron ព្រោះលោកចង់ថតទិដ្ឋភាពក្រោមទឹកឱ្យបានច្រើន ពិសេសទិដ្ឋភាពនៅមហាសមុទ្រ Pandora ដែលព័ទ្ធជុំវិញដោយកោះ និងទឹកសមុទ្រពណ៌ខៀវ៕
James Cameron & Jon Landau
0 comments:
Please add comment to express your opinion, and share it on Twitter or Facebook. Thank you in advance.