24hPlus

ភ្នំពេញ ៖ មន្ទីរសុខាភិបាលរាជធានី ភ្នំពេញបានដឹកនាំក្រុមគ្រូពេទ្យស្មគ្រចិត្ដមួយក្រុមចុះផ្សព្វផ្សាយដល់ប្រជាពលរដ្ឋឱ្យយល់ដឹងអំពីគ្រោះថ្នាក់នៃការហូបចុកប្រចាំថ្ងៃនិងក្នុងការរស់នៅប្រកបដោយផាសុកភាពដែលពិធីនេះបានប្រព្រឹត្ដទៅនៅមុខវត្ដបទុមវតីខណ្ឌដូនពេញកាលពីព្រឹកថ្ងៃទី១៤មករាម្សិលមិញនេះ និង ដោយមានការចូលរួមពីលោករដ្ឋមន្ដ្រី ក្រសួងសុខាភិបាល ម៉ម ប៉ុនហេង និង លោក សុខ សុគន្ធ ប្រធានមន្ទីរសុខាភិ បាលរាជធានីភ្នំពេញ ព្រមទាំងប្រជាពល រដ្ឋប្រមាណជាងមួយរយនាក់ផងដែរ ។

តាមការបញ្ជាក់ឱ្យដឹងពីលោក សុខ សុគន្ធ ប្រធានមន្ទីរសុខាភិបាលរាជ ធានីភ្នំពេញថា គោលបំណងដែលយើង ដឹកនាំក្រុមគ្រូពេទ្យស្ម័គ្រចិត្ដចុះមក ពិនិត្យព្យាបាលជំងឺប្រជាពលរដ្ឋនេះ គឺយើងផ្សព្វផ្សាយឱ្យពួកគាត់យល់ដឹងពីគ្រោះថ្នាក់នៃការហូបចុកចំណីអាហារ ប្រចាំថ្ងៃនិងការរស់នៅប្រកបដោយ ផាសុកភាពព្រោះថាការហូបចុកចំណី អាហារមិនស្អាតនិងមិនតាមការណែនាំរបស់គ្រូពេទ្យជាកត្ដាមួយដែលនាំឱ្យ យើងងាយនឹងទទួលរងគ្រោះដោយសារ ជំងឺផ្សេងៗ ព្រោះថាចំណីអាហារបច្ចុប្បន្ន វាសំបូរទៅដោយជាតិគីមីវាងាយនឹង ផ្ដល់ការគ្រោះថ្នាក់ដល់អាយុជីវិតយើងណាស់ ដូចជាការបរិភោគសាច់ច្រើន ពេកការបរិភោគចំណីរអាហារដែលមានជាតិប្រៃពេក ផ្អែមពេក សាបពេក និង សម្រាកឱ្យបានគ្រប់គ្រាន់ ពិសេសសូម ឱ្យបងប្អូនទៅពិនិត្យសុខភាពនៅមណ្ឌលសុខភាពឱ្យបានទៀងទាត់ ។

លោកបានបន្ដថា ការចុះផ្សព្វផ្សាយ ឱ្យប្រជាពលរដ្ឋយល់ដឹងអំពីសុខភាពនេះមន្ទីរសុខាភិបាលរាជធានីបានធ្វើការ ផ្សព្វផ្សាយនៅរាជធានីបានចំនួន៤លើករួចមកហើយដែរ ។ គោលបំណងធំមួយ ទៀតនោះគឺចង់ចលនាឱ្យបងប្អូនប្រជា ពលរដ្ឋគ្រប់រូបចូលរួមព្យាបាលដោយ ចលនាគឺការហាត់បាណ្រឱ្យបានជាប្រចាំ ។ កន្លងមកប្រជាពលរដ្ឋគាត់ពុំបានយល់ ដឹងឱ្យបានជ្រៅជ្រះទេក្នុងការរស់នៅប្រកបដោយផាសុកភាព ។

លោក ម៉ម ប៉ុនហេង រដ្ឋមន្ដ្រីក្រសួង សុខាភិបាលបញ្ជាក់ថា ការផ្សព្វផ្សាយ ឱ្យប្រជាពលរដ្ឋទូទៅបានយល់ដឹងអំពី ផាសុកភាពក្នុងការរស់នៅនេះគឺជាកត្ដាមួយដែលត្រូវបានកាត់បន្ថយនូវហានិភ័យ ទាំងឡាយដែលតែងតែកើតមកលើសុខភាពបងប្អូនប្រជាពលរដ្ឋយើងគ្រប់រូប មិនថា អ្នកមានឬអ្នកក្រនោះទេឱ្យតែ មានជំងឺហើយបាក្រដជាសុខភាពបងប្អូនជួបនូវបញ្ហាសភាពទ្រុឌទ្រោមហើយ មិនតែប៉ុណ្ណោះជីវភាពបងប្អូនប្រាកដ ជាជួបនូវការលំបាកគ្រប់បែបយ៉ាងមិនខាន ។ លោកបន្ដថា បើក្រុមគ្រួសារបង ប្អូនជួបនូវការលំបាកនោះក៏ជាបន្ទុក មួយដ៏ធ្ងន់ធ្ងរដល់រាជរដ្ឋាភិបាលផងដែរ ។ បញ្ហាមួយទៀតដែលបងប្អូនគួរតែជៀសវាងនោះគឺកុំពិសាស្រានិងជក់បារីហើយកុំបរិភោគចំណីអាហារណាដែលមាន ជាតិគីមីច្រើនគួរណាស់ធ្វើការហាត់ប្រាណឱ្យបានគ្រប់ៗគ្នាព្រោះនេះជាជំរើសមួយដ៏ល្អសំរាប់បងប្អូន ៕

source

24hPlus

មន្ទីរសុខាភិបាលរាជធានីភ្នំពេញចុះផ្សព្វផ្សាយឱ្យប្រជាពលរដ្ឋយល់ដឹងពីផាសុកភាពក្នុងការហូបចុកប្រចាំថ្ងៃ

0 comments:

Categories

Popular Posts