ក្រុងទ្រីប៉ូលី: យុទ្ធជនប្រយុទ្ធដែលស្មោះត្រង់នឹងអតីតមេដឹកនាំលោក មូម៉ារ កាដាហ្វី ដែលអស់ពីអំណាចនៅលីប៊ី ហើយបានបាត់បង់ជីវិតបាត់ទៅហើយនោះ បានកាន់កាប់ក្រុងមួយនៅភាគនិរតីនៃក្រុងទ្រីប៉ូលី កាលពីថ្ងៃចន្ទដោយបង្ហូតទង់ជាតិពណ៌បៃតងរបស់ពួកគេក្នុងការ ប្រឆាំងនឹងរដ្ឋាភិបាលថ្មីដ៏ផុយស្រួយ។
ការប្រយុទ្ធតទល់គ្នាពីក្រុមអ្នកគាំទ្រលោក កាដាហ្វី បានបណ្ដាលឲ្យមានសង្គ្រាមស៊ីវិលនៅលីប៊ី ទោះបីជាទំនងមិនរាលដាលដល់ទីកន្លែងផ្សេងទៀតក៏ដោយ ក៏វាបានបន្ថែមបញ្ហារុំព័ទ្ធរដ្ឋាភិបាលដែលកាលពីសប្ដាហ៍មុន កំពុងតែបន្តកើតមានពីបញ្ហាមួយទៅបញ្ហាមួយទៀត។ លោក កាដាហ្វី ត្រូវបានកងទាហានអាមេរិកសម្លាប់កាលពីខែតុលាបន្ទាប់ពីបានរត់ គេចខ្លួនជាច្រើនសប្ដាហ៍។
ប្រភពពីក្រុងបានី វ៉ាលីដ ចម្ងាយប្រហែល២០០គីឡូម៉ែត្រពីក្រុងទ្រីប៉ូលីបានពិពណ៌នាពី ក្រុមគាំទ្រប្រដាប់អាវុធលោក កាដាហ្វី វាយប្រហារបន្ទាយជីវពលគាំទ្ររដ្ឋាភិបាលនៅទីក្រុងនេះហើយបន្ទាប់មកបានបង្ខំឲ្យពួកគេដកថយ។
យុទ្ធជនម្នាក់របស់ក្រុមជីវពលស្មោះត្រង់នឹងក្រុមប្រឹក្សាជាតិ បណ្ដោះអាសន្ន(NTC)ដែលរងការវាយប្រហារបាននិយាយថា៖ «ឥឡូវនេះពួកគេកំពុងគ្រប់គ្រងទីក្រុងនេះ។ ពួកគេកំពុងដើរចរច្រប់ពេញទីក្រុងនេះ»។
ក្រុមយុទ្ធជនទាំងនេះ បានប្រាប់រ៉យទ័រថា ក្រុមអ្នកស្មោះត្រង់កំពុងបង្ហូត «ទង់ជាតិពណ៌បៃតងថ្មីចែស»ពីមជ្ឈមណ្ឌលទីក្រុង។ ទង់ជាតិនេះ ជានិមិត្តរូបនៃរបបដឹកនាំរយៈពេល៤២ឆ្នាំរបស់កាដាហ្វី។
0 comments:
Please add comment to express your opinion, and share it on Twitter or Facebook. Thank you in advance.