ភ្នំពេញៈ ក្រោមក្រសែភ្នែកទស្សនិកជនរាប់ពាន់នាក់ កំពូលតារាចម្រៀងប្រចាំផលិតកម្មសាន់ដេលោក ខេមរៈ សេរីមន្ត កំពូលតារាចម្រៀងប្រចាំផលិតកម្មថោនអ្នកនាង មាស សុខសោភា និងនាយក្តឹប រួមជាមួយនឹងក្រុមតារាកំប្លែងនាយក្រឹម បានធ្វើឲ្យឆាកតន្ត្រីដែលរៀបចំឡើងស្របគ្នានឹងការប្រដាល់ ដណ្តើមជើងឯកស្រាបៀរកម្ពុជា កាន់តែកក្រើកឡើងជាមួយនឹងសំឡេងហ៊ោកញ្ជៀវហួសពីការស្មាន។
ខេមរៈ សេរីមន្ត និងមាស សុខសោភា បានឈរនៅតំណែងតារាចម្រៀងកំពូលជាច្រើនឆ្នាំជាប់គ្នា ហើយតាមរយៈភាពល្បីល្បាញនេះ បានញុំាងឲ្យតារាទាំងពីរដួងបានក្លាយជាតារាចម្រៀងមានទ្រព្យ ស្តុកស្តម្ភមិនធម្មតាក្នុងវិថីសិល្បៈជាមួយនឹងការចេញច្រៀងកើប ប្រាក់ស្ទើរគ្មានពេលសម្រាកទាំងទីផ្សារក្នុងស្រុក និងក្រៅប្រទេស។
ចំពោះខេមរៈ សេរីមន្ត តារារូបនេះទើបតែត្រឡប់ពីការកើបប្រាក់លើកទី១នៅសហរដ្ឋអារិក ជាមួយនឹងប្អូនស្រីបង្កើត ខេមរៈ ស្រីពៅ ក្នុងអំឡុងរដូវកាលភ្លៀងនៅស្រុកខ្មែរ ហើយពេលដែលលោកត្រឡប់មកវិញក៏ចំពេលត្រូវប៉ាន់នៅស្រុកខ្មែរទៀត។ ឥឡូវតារាដែលធ្លាប់ជិះម៉ូតូឌុបពេលទៅច្រៀងម្តងៗរូបនេះ កំពុងរស់នៅយ៉ាងមានក្តីសុខជាមួយនឹងទ្រនំផ្ទះវីឡាដ៏ស្តុក ស្តម្ភ។
រីឯ មាស សុខសោភា វិញ ទោះបីជាមានស្វាមីតែមិនហ៊ានសារភាពក៏កើបប្រាក់មិនចាញ់ ខេមរៈ សេរីមន្ត ដែរ ពោលគឺនៅពេលនេះ នាងទើបតែទិញបានផ្ទះវីឡាដ៏ស្កឹមស្កៃមួយកន្លែងនៅបុរី ប៉េង ហួត ប្លាទីនឹម ដែលមានតម្លៃមិនក្រោម២០ម៉ឺនដុល្លារនោះទេ។
ដោយឡែកក្រុមកំប្លែងនាយក្រឹមដែលស្ទើរតែផ្កាប់ឆ្នាំងទៅហើយនោះ ក៏បានញុំាងឲ្យកម្មវិធីការប្រគំតន្ត្រីនោះផ្ទុះសំណើច និងទទួលបានការគាំទ្រមិនធ្លាប់មាន បើប្រៀបធៀបនឹងរយៈពេលប៉ុន្មានឆ្នាំចុងក្រោយនេះ៕
0 comments:
Please add comment to express your opinion, and share it on Twitter or Facebook. Thank you in advance.