ការសិក្សាថ្មីមួយនិយាយថា ការនិយាយប្រាប់អ្នកដទៃនៅពេលដែលអ្នកឃើញនរណាម្នាក់ប្រព្រឹត្តមិនល្អអាចធ្វើឱ្យអ្នកមានអារម្មណ៍ប្រសើរជាងមុន។
មនុស្សជាច្រើនចាត់ទុកថាការនិយាយដើមគេគឺជាការនិយាយដែលអាចប៉ះពាល់ដល់កេរ្តិ៍ឈ្មោះរបស់អ្នកដទៃ ប៉ុន្តែវាប្រហែលជាមានផលប្រយោជន៍ខ្លះ ដូចជា កាត់បន្ថយស្ត្រេស បង្ការការមានអាកប្បកិរិយាមិនល្អ និងបង្ការការត្រូវគេកេងចំណេញ។
វាគឺជារកឃើញរបស់សាកលវិទ្យាល័យកាលីហ្វ័រញ៉ា ដែលការសិក្សានេះបានធ្វើពិសោធន៍ចំនួន ៤ ដែលមានអ្នកស្ម័គ្រចិត្តចូលរួមជាច្រើនរយនាក់។
ចិត្តវិទូ រ៉ប់ វីលើរ (Rob Willer) និយាយថា “ការនិយាយដើមគេមានឈ្មោះមិនល្អជាយូរមកហើយ ប៉ុន្តែយើងកំពុងស្វែងរកភស្តុតាងដែលបញ្ជាក់ថា ការនិយាយដើមគេមានសារសំខាន់ក្នុងការថែរក្សាលំដាប់ធ្នាប់សង្គម”។
គាត់និងក្រុមការងារក៏បានរកឃើញថា ការនិយាយដើមគេអាចជាវិធីសាស្ត្រម្យ៉ាងដែលអាចព្យាបាលរោគ។ អត្រាចង្វាក់បេះដូងរបស់អ្នកចូលរួមក្នុងការសិក្សានេះបានកើនឡើងនៅពេលដែលឃើញនរណាម្នាក់ប្រព្រឹត្តមិនល្អ ប៉ុន្តែការកើនឡើងនោះមានសភាពល្មមនៅពេលដែលពួកគេអាចប្រាប់នរណាម្នាក់អំពីអ្វីដែលពួកគេបានឃើញ។
វីលើរ បានពន្យល់ថា “ការលាតត្រដាងព័ត៌មានអំពីមនុស្សម្នាក់ដែលពួកគេឃើញថាបានធ្វើអ្វីមិនល្អ ហាក់ដូចជាអាចធ្វើឱ្យពួកគេមានអារម្មណ៍ល្អប្រសើរ”។
ការសិក្សាបានរកឃើញថា ចំណង់ដើម្បីតឿនរំឭកអ្នកដទៃអំពីមនុស្សមិនល្អគឺមានសភាពខ្លាំងខ្លាំងណាស់ ដែលអ្នកចូលរួមសុខចិត្តលះបង់ប្រាក់ដើម្បីផ្ញើរសារការជារបៀបនិយាយដើមគេ ដើម្បីរំឭកអ្នកដទៃដើម្បីឱ្យដឹងពីវិធីបោកប្រាស់របស់អ្នកដែលមានបំណង់មិនល្អ។
ក្រុមអ្នកស្រាវជ្រាវបានធ្វើការសន្និដ្ឋានថា សរុបមក ការសិក្សានេះណែនាំថា មនុស្សយើងមិនគួរមានអារម្មណ៍មិនល្អអំពីការលាតត្រដាងពីអាកប្បកិរិយាមិនល្អរបស់អ្នកដទៃនោះទេ ជាពិសេស ប្រសិនបើវាអាចជួយអ្នកដទៃឱ្យរួចផុតពីការកេងចំណេញពីអ្នកដទៃ។
អ្នកដឹកនាំការសិក្សា និងជាចិត្តវិទូសង្គម ម៉ាធូ ហ្វីនប៊ឺគ (Matthew Feinberg) បាននិយាយថា “យើងមិនគួរមានអារម្មណ៍ថាមានកំហុសចំពោះការនិយាយដើមគេនោះទេ ប្រសិនបើការនិយាយនោះអាចជួយអ្នកដទៃពីការត្រូវគេបោកប្រាស់”។
0 comments:
Please add comment to express your opinion, and share it on Twitter or Facebook. Thank you in advance.