.jpg)
ចូរបំភ្លេចពីថ្នាំវីតាមីន A។ ជាមួយនឹងអាហារដែលសម្បូរទៅដោយថាមពលមួយនេះ អ្នកអាចទទួលបានវីតាមីន A រួមទាំងផលប្រយោជន៍សុខភាពផ្សេងទៀត ដូចជា ស្បែកដ៏ស្រស់ស្អាត បង្ការជំងឺមហារីក និងប្រឆាំងនឹងភាពចាស់។ ខាងក្រោមនេះជាការណែនាំដើម្បីឱ្យអ្នកទទួលបាននូវផលប្រយោជន៍ច្រើនបំផុតពីការ៉ុត។
ផលប្រយោជន៍នៃការ៉ុត
១. ជំនួយភ្នែក
ការ៉ុតសម្បូរទៅដោយវីតាមីន beta-carotene ដែលបំលែងទៅជាវីតាមីន A នៅក្នុងថ្លើម។ បន្ទាប់មក វីតាមីន A ក៏ត្រូវបានបញ្ជូនទៅរ៉េទីន (ផ្នែកមួយនៃភ្នែក) ទៅកន្លែងបាតភ្នែកដែលមានពណ៌ស្វាយដែលសំខាន់សម្រាប់មើលពេលយប់។
Beta-carotene ក៏ត្រូវបានគេបង្ហាញថាអាចការពារប្រឆាំងនឹងវិបត្តិក្នុងកែវភ្នែករបស់អ្នកជំងឺជរា និងភ្នែកឡើងបាយចំពោះមនុស្សចាស់។ ការសិក្សាមួយបានរកឃើញថា អ្នកដែលញ៉ាំវីតាមីន beta-carotene ច្រើន មានភាគរយកើតវិបត្តិក្នុងកែវភ្នែកនៅវ័យជរាតិចជាងអ្នកដែលញ៉ាំតិចដល់ទៅ ៤០ភាគរយ។
២. បង្ការជំងឺមហារីក
ការសិក្សាមួយចំនួនបានបង្ហាញថា ការ៉ុតជួយកាត់បន្ថាយហានិភ័យនៃជំងឺមហារីកថ្លើម ជំងឺមហារីកសុដន់ និងជំងឺមហារីកពោះវៀនធំ។ ក្រុមអ្នកស្រាវជ្រាវក៏បានរកឃើញ falcarinol និង falcarindiol ដែលពួកគេគិតថាបង្ករឱ្យគុណសម្បត្តិប្រឆាំងនឹងជំងឺមហារីកនេះ។
Falcarinol គឺជាថ្នាំសម្លាប់សត្វល្អិតធម្មជាតិដែលបង្កើតឡើងដោយការ៉ុតដែលការពារឫសរបស់វាពីជំងឺផ្សិតផ្សេងៗ។ ការសិក្សាមួយបង្ហាញថា ហានិភ័យជំងឺមហារីកធ្លាក់ចុះ ១/៣ ចំពោះសត្វកណ្តុរដែលស៊ីការ៉ុត។
៣. ប្រឆាំងភាពចាស់
កម្រិតខ្ពស់នៃវីតាមីន beta-carotene ដើរតួជាសារធាតុប្រឆាំងអុកស៊ីតកម្មដើម្បីការពារកោសិកាដែលរងការបំផ្លាញតាមរយៈការរំលាយអាហារជាប្រចាំ។ វាជួយកាត់បន្ថយកោសិកានៃភាពចាស់។
៤. ស្បែកភ្លឺរលោង (ពីខាងក្នុង)
វីតាមីន A និងសារធាតុប្រឆាំងអុកស៊ីតកម្មជួយការពារស្បែកពីការបំផ្លាញដោយកម្តៅព្រះអាទិត្យ។ កង្វះវីតាមីន A បង្ករឱ្យស្បែក សក់ និងក្រចកមានភាពស្ងួត។ វីតាមីន A ជួយបង្ការស្នាមជ្រួញ មុន ស្បែកស្ងួត និងពណ៌ស្បែកមិនស្មើគ្នា។
៥. ថ្នាំសម្លាប់មេរោគដ៏មានប្រសិទ្ធភាព
ការ៉ុតត្រូវបានទទួលស្គាល់ថាអាចការពារប្រឆាំងការឆ្លងមេរោគ។ វាអាចប្រើលើស្នាមមុតបាន។
៦. ស្បែកស្អាត (ពីខាងក្រៅ)
ការ៉ុតត្រូវបានគេប្រើជាម៉ាស្សមុខដែលមិនមានតម្លៃថ្លៃនិងមានភាពងាយស្រួល។ អ្នកគ្រាន់តែលាយការ៉ុតដែលឈូសម៉ដ្ឋជាមួយនឹងទឹកឃ្មុំបន្តិចជាការស្រេច។
៧. បង្ការជំងឺបេះដូង
ការសិក្សាបង្ហាញថា អាហារដែលមាន carotenoids ខ្ពស់ មានទំនាក់ទំនងទៅនឹងការកាត់បន្ថយគ្រោះថ្នាក់នៃជំងឺបេះដូង។ ការ៉ុតមិនត្រឹមតែមានវីតាមីន beta-carotene តែប៉ុណ្ណោះទេ វាក៏មានវីតាមីន alpha-carotene និង lutein ផងដែរ។
ការទទួលទានការ៉ុតជាប្រចាំក៏អាចកាត់បន្ថយកម្រិតកូឡេស្តេរ៉ុលបានដែរ ព្រោះជាតិសរសៃដែលអាចរលាយក្នុងទឹករបស់ការ៉ុតមានជាតិទឹកអាស៊ីតប្រម៉ាត់។
៨. សម្អាតរាងកាយ
វីតាមីន A ជួយថ្លើមក្នុងការលាងសម្អាតជាតិពុលចេញពីរាង្គកាយរបស់អ្នក។ វាជួយកាត់បន្ថយទឹកប្រម៉ាត់និងជាតិខ្លាញ់ពីក្នុងថ្លើម។ ជាតិសរសៃនៅក្នុងការ៉ុតជួយលាងសម្អាតពោះវៀន និងជួយសម្រួលចលនាការបញ្ចេញចោល។
៩. សុខភាពធ្មេញនិងអញ្ចាញ
ទាំងអស់នេះមាននៅក្នុងភាពស្រួយរបស់វា។ ការ៉ុតលាងសម្អាតធ្មេញនិងមាត់របស់អ្នក។ វាជួយកោសសម្អាតកំទេចកំទីនិងបំណែកអាហារដែលនៅជាប់ធ្មេញបានដូចជាច្រាស់ដុសធ្មេញឬថ្នាំដុសធ្មេញដែរ។ សារធាតុខនិជក្នុងការ៉ុតជួយបង្ការធ្មេញមិនឱ្យខូច។
១០. បង្ការជំងឺដាច់សរសៃឈាមខួរក្បាល
ក្នុងការសិក្សារបស់មហាវិទ្យាល័យហាវាត (Harvard) បានរកឃើញថា អ្នកដែលបរិភោគការ៉ុតយ៉ាងតិច ៦មើម ក្នុងមួយសប្តាហ៍ មានឱកាសនៃការកើតជំងឺដាច់សរសៃឈាមក្នុងខួរក្បាលតិចជាងអ្នកដែលបរិភោគតែមួយមើមក្នុងសប្តាហ៍ឬតិចជាងនេះ។
0 comments:
Please add comment to express your opinion, and share it on Twitter or Facebook. Thank you in advance.