ស្រុស​មី​មិនឲ្យ​ផុយ​

មី​ដែល​យើង​បរិភោគ​ឆ្ងាញ់​ពិសា​នោះ ចាំបាច់​ត្រូវតែ​ជា​សរសៃ​ស្វិត​ល្អ​មិន​ផុយ ឬ​ដាច់​ជា​កម្ទេចកម្ទី ។ ដូចនេះ​ឃើញថា​ការ​ស្រុស​មី​ជា​បញ្ហា​មួយ​សំខាន់​ណាស់​សម្រាប់​ស្ត្រី​មេផ្ទះ ។ តើ​ស្រុសមី​យ៉ាងដូចម្តេច ដើម្បី​ឲ្យ​សរសៃ​មី​ទន់​ល្មួត និង​ស្វិត​ល្អ ? មុន​យក​វា​ទៅ​ស្រុស អ្នក​ត្រូវ​ចាប់​សរសៃ​មី​មក​លា​ដោយ​មិន​ឲ្យ​វា​ជាប់​ជា​ដុំៗ​នោះឡើយ ហើយ​បន្ទាប់ពី​នោះ​ត្រូវ​ឲ្យ​ដាក់​ក្នុង​កន្ត្រង​ស្រុស ឬ​កញ្ច្រែង​ស្រុស​ក្នុង​ទឹក​ក្តៅ​តែម្តង ។ ត្រូវ​ស្រុស​ឲ្យ​លឿន​បំផុត ហើយ​ឲ្យ​ត្រូវ​ទឹក​ក្តៅ​គ្រប់​សរសៃ រួច​លើក​ឡើង​សម្រក់​ទឹក និង​យក​ទៅ​ជ្រលក់​ទឹក​ត្រជាក់​មួយសន្ទុះ​សិន​សឹម​យកទៅដាក់​ចាន ។ ការអនុវត្ត​វិធី​នេះ​ជួយ​ឲ្យ​សរសៃ​មី​របស់​អ្នក​មិន​ត្រឹមតែ​ទន់​ល្មួត​នោះទេ នៅ​មិន​ងាយ​ដាច់​ផុយ​ដូច​មុន​ទៀត​ផង ៕​

Share