អគារមួយនៅចិនបានធ្វើឱ្យមិត្ដអ្នកអានខ្វាយខ្វល់ពីល្បឿននៃការសាងសង់អគារកម្ពស់៣០ជាន់រួចរាល់ទាំងស្រុងក្នុងរយៈពេលតែកន្លះខែប៉ុណ្ណោះ ។សណ្ឋាគារអាក (Ark) នៅខេត្ដហ៊ួណាន ប្រទេសចិន កម្ពស់៣០ជាន់បានសាងសង់ក្នុងរយៈពេល៣៦០ម៉ោងប៉ុណ្ណោះ ។ លោកស៊ាន មីងហ្សាង វិស្វករក្រុមហ៊ុនសាងសង់ Broad Group បានឱ្យដឹងថា សណ្ឋាគារកម្ពស់៣០ជាន់នៅក្បែរទន្លេដុងទិញ ខេត្ដហ៊ួណាន ប្រទេសចិន សាងសង់លើដីមានទំហំ១៧០ពាន់ម៉ែត្រក្រឡា រួចរាល់ក្នុងរយៈពេល១៥ថ្ងៃ ស្មើនឹង៣៦០ម៉ោងប៉ុណ្ណោះ ។
ក្រោយពេលរូបភាពវីដេអូរនោះបានផ្សព្វផ្សាយតាមប្រព័ន្ធអ៊ីនធឺណែត បានធ្វើឱ្យមិត្ដអ្នកអានជាច្រើនភ្ញាក់ផ្អើល និងសង្ស័យពីកម្រិតសុវត្ថិភាពរបស់អគារ។ ក្រុមហ៊ុន Broad Group មានឯកទេសសាងសង់សំណង់យ៉ាងរឹងមាំ ហើយអគារ៣០ជាន់ទាំងមូលនេះប្រើប្រាស់សម្ភារៈតម្លើងមានកម្រិតចំគោលដៅខ្ពស់លើសខ្វះតែ០,២មីល្លីម៉ែត្រក្នុងតំណាក់កាលនៃការសាងសង់ផ្គុំតែប៉ុណ្ណោះ ។ កម្មករចំណាយពេលតែ៤៦ម៉ោងក្នុងការតម្លើងគ្រោងខាងក្នុងនៃអគារ និងចំណាយ៩០ម៉ោងបន្ថែមទៀតសម្រាប់សំបកក្រៅនៃអគារ ។
តាមលទ្ធផលនៃការត្រួតពិនិត្យរបស់មជ្ឈមណ្ឌលស្រាវជ្រាវគ្រប់គ្រងសំណង់របស់ចិនបានបញ្ជាក់ថា សណ្ឋាគារអាក ដែលមានកម្ពស់៣០ជាន់ពិតជារឹងមាំ ហើយអាចទប់ទល់នឹងការរញ្ជួយដីកម្រិត៩រ៉ិចទ័របានយ៉ាងល្អប្រសើរ ។ ក្រុមហ៊ុនសំណង់ Broad Group បានប្រកាសថា អគារនេះអាចទប់ទល់នឹងការរញ្ជួយដីលើសពីអគារធម្មតារហូតដល់៥ដង ។
ក្រុមហ៊ុន Broad Groupក៏ធ្លាប់បានបំបែកឯត្ដទគ្គកម្មដោយសាងសង់អគារកម្ពស់១៥ជាន់ក្នុងរយៈពេលតែ៦ថ្ងៃប៉ុណ្ណោះ ៕
0 comments:
Please add comment to express your opinion, and share it on Twitter or Facebook. Thank you in advance.