រឿងថ្មី “Love” របស់អ្នកដឹកនាំរឿងតៃវ៉ាន់ Doze Niu មានការចូលរួមសម្ដែងពីតារាល្បីៗដូចជា Shu Qi Vicki Zhao Ethan Ruan Eddie Peng Mark Chao Ivy Chen និង Amber Kuo។
ដោយឡែក ថ្មីៗនេះ មានពាក្យចចាមអារ៉ាមថា Shu Qi និង Vicki មិនសូវស្រួលជាមួយគ្នាដោយសារការដាក់ឈ្មោះក្នុងសកម្មភាពផ្សាយរឿងថ្មី។
យោងតាមសារព័ត៌មានរបស់តៃវ៉ាន់ តារាស្រីទាំងពីរមានឈុតសម្ដែងផ្សេងគ្នា ហើយត្រូវគេផ្សព្វផ្សាយថាជាតួឯកក្នុងពេលតែមួយ។ ដោយសារបញ្ហានេះ Shu Qi និង Vicki ត្រូវគេរាយការណ៍ថារាងតឹងតែងជាមួយការរៀបចំមួយចំនួនក្នុងពេលចេញសកម្មភាពផ្សព្វផ្សាយ។ ហេតុនេះ របស់របរផ្សព្វផ្សាយមុននឹងចេញត្រូវមានការយល់ព្រមពីពួកគេទាំងពីរ។
តារាងឈ្មោះតួលើប័ណ្ណផ្សព្វផ្សាយមានទម្រង់ផ្សេងគ្នា។ ក្នុង Version របស់តៃវ៉ាន់ ឈ្មោះរបស់ Shu Qi ដាក់នៅពីមុខឈ្មោះ Vicki ខណៈក្នុង Version ចិន ឈ្មោះ Vicki ដាក់មុខវិញ។ ក្រុមហ៊ុនផលិតកម្មត្រូវគេឱ្យដឹងថា ប្រើវិធីបែបនេះដើម្បីធ្វើឱ្យមានសន្តិភាពរវាងតារាស្រីទាំងពីរ។
តបនឹងសេចក្ដីរាយការណ៍ខាងលើនេះ ខាងផលិតកម្មអះអាងថា ទាំង Shu Qi និង Vicki សុទ្ធតែជាតួឯក ហើយរវាងពួកគេគឺមិនមានជម្លោះអ្វីទេ។ ការដាក់ឈ្មោះមុនក្រោយត្រូវសម្រេចបន្ទាប់ពីមានការពិភាក្សាជាមួយអ្នកគ្រប់គ្រងតារាទាំងពីររួច។
ពេលមានការសង្ស័យថា Shu Qi ទើបជាតួឯកពិតពីព្រោះនាងមានវត្តមានក្នុងឈុតផ្សព្វផ្សាយលើកញ្ចក់ទូរទស្សន៍ច្រើនជាង ផលិតកម្មពន្យល់ថា នោះគឺព្រោះក្នុងរឿង Shu Qi មានទំនាក់ទំនងស្មុគស្មាញជាមួយតួប្រុស៕
រវាងតារាស្រីទាំងពីរ ប្រិយមិត្តចូលចិត្តម្នាក់ណាជាង?
0 comments:
Please add comment to express your opinion, and share it on Twitter or Facebook. Thank you in advance.