ថ្មីៗនេះគេហទំព័រ bgr បានចុះផ្សាយថា ថ្ងៃអនាគតទូរស័ព្ទ iPhone និង Samsung អាចនឹងភ្ជាប់មកជាមួយនឹងបច្ចេកវិទ្យាថ្មីរបស់ZAGG ជួយបង្កើនលទ្ធភាពSmartphone ទាំងiPhone និងGalaxy មិនឲ្យជ្រាបទឹកបានយ៉ាងល្អ។
បច្ចេកវិទ្យាថ្មីនេះមានឈ្មោះថា HzO ត្រូវបានដាក់បង្ហាញក្នុងព្រឹត្តិការណ៍ CES 2012 ដោយក្រុមហ៊ុនទីផ្សារបច្ចេកវិទ្យា ZAGG ដើម្បីជួយសម្រួលដល់អតិថិជនដែលពីមុនមកនិយមប្រើ ស្រោមប៉ុកសាឡែន ដើម្បីការពារកុំឲ្យទូរស័ព្ទជ្រាបទឹក។ ជាមួយគ្នានេះដែរក្រុមហ៊ុន ZAGG កុំពុងស្វែងរកក្រុមហ៊ុនផលិតទូរស័ព្ទនាំមុខគេដើម្បីចុះកុងត្រា តែបើយោងតាមសារព័ត៌មាន Pocket-Lint បានឲ្យដឹងថា ក្រុមហ៊ុនមួយនេះកំពុងរៀបចំចុះកុងត្រាជាមួយដៃគូផលិត smartphone ធំៗមួយចំនួននៅថ្ងៃអនាគតដ៏ខ្លីខាងមុខនេះ។
iPhone កំពុងត្រាំទឹក
យោងតាមអ្នកតំណាងម្នាក់របស់ក្រុមហ៊ុន ZAGG បានប្រាប់សារព័ត៌មាន Pocket-lint បានឲ្យដឹងថា លោក អគ្គនាយក Samsung សឹងតែមិនជឿភ្នែកខ្លួនឯងនៅពេលដែលក្រុមហ៊ុន ZAGG បានបង្ហាញបច្ចេកវិទ្យា HzO បញ្ចូលក្នុងទូរស័ព្ទ Samsung Galaxy S ។ ទទឹមនេះដែរក្រុមហ៊ុនក៏កំពុងចរចាជាមួយ Apple ហើយសង្ឃឹមថា Appleនឹងទទួលយកសំណើនេះដើម្បីដាក់បញ្ចូលបច្ចេកវិទ្យា HzOក្នុងទូរស័ព្ទ iPhone ជំនាន់ក្រោយផងដែរ។
យ៉ាងម៉េចដែរប្រិយមិត្ត ចង់ប្រើទូរស័ព្ទមិនជ្រាបទឹក ឬទេ? ចុះiPhone និងSamsung អត់ជ្រាបទឹកបានដូច្នេះ តើម៉ាកផ្សេងអាចទៅរួចទេ?
0 comments:
Please add comment to express your opinion, and share it on Twitter or Facebook. Thank you in advance.