វិទ្យាល័យអាមេរិកផ្នែកស្បែកបានឱ្យដឹងថា ឡេការពារកម្តៅថ្ងៃមានសារសំខាន់ណាស់ចំពោះមនុស្សដែលប៉ះត្រូវនឹងរស្មីព្រះអាទិត្យ ព្រោះវាជួយការពារស្បែកពីការបំផ្លាញ។ ឡេការពារកម្តៅថ្ងៃត្រូវបានផ្តល់ជាលេខដើម្បីជំនួសរយៈពេលដែលវាទប់ទល់នឹងរយៈពេលនៃកម្លាំងព្រះអាទិត្យដែលវាត្រូវការក្នុងការដុតបំផ្លាញស្បែក។ ឧទារហណ៍ ប្រសិនបើអ្នកប្រើឡេការពារកម្តៅថ្ងៃដែលមាន SPF ១៥ វានឹងផ្តល់ការការពារពីការរលាកកម្តៅថ្ងៃបាន ១៥ដង យូរជាងការមិនប្រើឡេនេះ។
- SPF ១៥
SPF ១៥ គឺជាកម្លាំងតិចបំផុតដែលណែនាំដោយសមាគមន៍ជំងឺមហារីកស្បែក។ ក្រុមសមាគមន៍នេះបានឱ្យដឹងថា SPF ១៥ គឺគ្រប់គ្រាន់សម្រាប់ការការពារមនុស្សជំទង់ដែលមានស្បែកធម្មតា។ អ្នកជំនាញនៅសមាគមន៍ជំងឺមហារីកស្បែកនិយាយថា ឡេការពារកម្តៅថ្ងៃដែលមាន SPF ១៥ អាចទប់ស្កាត់រស្មី UVB របស់ព្រះអាទិត្យបាន ៩៣ភាគរយ។ បច្ចុប្បន្នមិនមានវិធីណាដែលអាចកំណត់ថាឡេការពារកម្តៅថ្ងៃអាចទប់ស្កាត់រស្មី UVA របស់ព្រះអាទិត្យបានចំនួនប៉ុន្មាននោះទេ។ ប៉ុន្តែ ឡេការពារកម្តៅថ្ងៃ SPF ១៥ អាចប្រហែលជាមិនមានសមត្ថភាពគ្រប់គ្រាន់នៅក្នុងស្ថានភាពមួយចំនួន ដូចជានៅពេលក្តៅខ្លាំងបំផុត ឬតំបន់នៅជិតអេក្វាទ័រ។
- SPF ៣០
ឡេ ក្រែម និង ស្ព្រាយការពារកម្តៅថ្ងៃដែលមាន SPF ៣០ អាចរារាំងរស្មី UVB របស់ព្រះអាទិត្យបាន ៩៧ភាគរយ។ SPF ៣០ គឺជាជម្រើសប្រសើរជាង SPF ១៥ ចំពោះអ្នកមានស្បែកស្តើង ជំងឺស្បែក ឬបញ្ហាស្បែក។
- SPF ៥០
ឡេការពារកម្តៅថ្ងៃដែលមាន SPF ៥០ អាចការពាររស្មី UVB បាន ៩៨ភាគរយ។ វាប្រហែលជាជម្រើសល្អបំផុតសម្រាប់ប្រើលើមុខឬសម្រាប់អ្នកមានជំងឺស្បែក។
0 comments:
Please add comment to express your opinion, and share it on Twitter or Facebook. Thank you in advance.