តើការឆាប់ចេញទឹកកាម (premature ejaculation) គឺជាអ្វី ?
ការឆាប់ចេញទឹកកាម គឺគឺជាស្ថានភាព ដែលបុរសមិនអាចគ្រប់គ្រងការបញ្ចេញទឹកកាមឱ្យបានយូរ ដើម្បីជួយបណ្តើរស្ត្រីជាដៃគូឲ្យបានទៅដល់គោលដៅរបស់នាង ។ការឆាប់ចេញទឹកកាម ជាការបញ្ចេញទឹកកាមមកក្រៅពេលដែលបុរសមិនទាន់ចង់បញ្ចេញ ។ ដៃគូរួមភេទទាំងពីរនាក់មិនពេញចិត្តនឹងលទ្ធផលនេះឡើយ, វាអាចបង្កើនទុក្ខកង្វល់ខ្វល់ក្នុងចិត្ត ដែលជាមូលហេតុនាំអោយជីវិតគូស្រកររបស់ពួកគេចាប់ផ្តើមមានបញ្ហា ។ ការឆាប់ចេញទឹកកាម គឺជាលក្ខណៈដែលឧស្សាហ៍កើតឡើងច្រើនបំផុតទៅលើបុរសដែលមានបញ្ហាសុខភាពផ្លូវភេទ (sexual dysfunction) ហើយអាចជះឥទ្ធិពលអាក្រក់ដល់ជីវិតជាបុរសផងដែរ ។
តើការឆាប់ចេញទឹកកាមបណ្តាលមកពីអ្វី ?
មិនមានមូលហេតុណាមួយច្បាស់លាស់ត្រូវបានគេរកឃើញឡើយ ។ ជាមួយនឹងបទពិសោធន៍នៃការរួមភេទ និង កត្តាអាយុ ធ្វើអោយបុរសអាចពន្យាពេលការទៅដល់ចំណុចកំពូល (delay orgasm) ។ ដូច្នេះហើយ បានជាការឆាប់ចេញទឹកកាមច្រើនកើតទៅលើដៃគូរួមភេទថ្មីថ្មោង (មានបទពិសោធន៍តិចតួចទៅលើការរួមភេទ) ។ ម្យ៉ាងទៀត ការឆាប់ចេញទឹកកាមបណ្តាលមកពីបុរសខានរួមភេទយូរ ។ កត្តាចិត្តសាស្ត្រ (psychological factors) ដូចជា ទុក្ខព្រួយ (anxiety), អារម្មណ៍មានកំហុសឬ រោគធ្លាក់ទឹកចិត្ត (depression) អាចធ្វើមានការឆាប់ចេញទឹកកាមផងដែរ ។ ក្នុងករណីមួយចំនួន, ការឆាប់ចេញទឹកកាមទាក់ទងទៅនឹងកត្តាវេជ្ជសាស្ត្រ ដូចជា បញ្ហាអ័រម៉ូន (hormonal problems), ការទទួលរងរបួស (injury) ឬ បណ្តាលមកពីផលវិបាកនៃការប្រើប្រាស់ថ្នាំមួយចំនួន (side effect of certain medicines) ។
រោគសញ្ញានៃការឆាប់ចេញទឹកកាម
រោគសញ្ញាចម្បងនៃការឆាប់ចេញទឹកកាម គឺជាការមិនអាចគ្រប់គ្រងការបញ្ចេញទឹកកាមរបស់ខ្លួនឯងបាន (uncontrolled ejaculation) មុន ឬ ភ្លាមៗបន្ទាប់ពីការរួមភេទបានចាប់ផ្តើម, មានន័យថា ត្រឹមតែការរំញោចផ្នែកផ្លូវភេទតែបន្តិចបន្ទួច ឬគ្រាន់តែសូកប្រដាប់ភេទបុរសចូលទៅក្នុងប្រដាប់ភេទស្ត្រីក៏អាចធ្វើអោយទឹកកាមបុរសចេញមកក្រៅ មុនពេលដែលបុរសចង់បញ្ចេញ ។
តើគេអាចធ្វើរោគវិនិច្ឆ័យការឆាប់ចេញទឹកកាមដោយរបៀបណា ?
វេជ្ជបណ្ឌិតនឹងពិភាក្សា អំពីប្រវត្តិផ្លូវភេទ និង ជំងឺរបស់អ្នក រួមទាំងការពិនិត្យផ្ទាល់ទៅលើខ្លួនអ្នកផងដែរ (physical examination) ។ វេជ្ជបណ្ឌិតរបស់អ្នកអាចធ្វើការសាកសួរទៅកាន់ដៃគូរបស់អ្នក ។ ដោយសារតែ ការឆាប់ចេញទឹកកាមបណ្តាលមកពីមូលហេតុច្រើន, វេជ្ជបណ្ឌិតអាចស្នើរសុំអោយមានការតេស្តពិសោធន៍មើល ដើម្បីអោយដឹងថាបណ្តាលមកពីបញ្ហាណាមួយពិតប្រាកដ ។
តើគេព្យាបាលយ៉ាងដូចម្តេច ?
ក្នុងករណីជាច្រើន, ការឆាប់ចេញទឹកកាមអាចដោះស្រាយដោយខ្លួនឯងបានដោយមិនចាំបាច់ការព្យាបាលតាមបែបវេជ្ជសាស្ត្រឡើយ ។ អនុវត្តការបន្ធូរអារម្មណ៍ (relaxation techniques) ឬ ប្រើប្រាស់វិធីអត់ធ្មត់អាចជួយអ្នកពន្យាពេលការចេញទឹកកាមបាន ។ បុរសមួយចំនួនបានឈប់ ឬ កាត់បន្ថយការទទួលទានជាតិអាល់កុល (ស្រា), ឈប់ជក់បារី ឬ គ្រឿងញៀនផ្សេងៗ ដើម្បីគ្រប់គ្រងការបញ្ចេញទឹកកាម ។ វេជ្ជបណ្ឌិតផ្តល់ជាដំបូន្មានអោយដៃគូរបស់អ្នកប្រើប្រាស់បច្ចេកទេសរួមភេទណាមួយដែលជួយពន្យាពេលការឆាប់ចេញទឹកកាម ។
បច្ចេកទេសទាំងនោះរួមបញ្ចូលទាំងការគ្រប់គ្រងអារម្មណ៍ដែលធ្វើអោយមានការបញ្ចេញទឹកកាម និង ការប្រព្រឹត្តិទៅយឺត ឬ បញ្ឈប់ការរួមភេទមួយភ្លែតប្រសិនបើគិតថាខ្លួនឯងមានអារម្មណ៍ថាចង់ចេញទឹកកាម ។ ជម្រើសមួយទៀតនោះគឺ ការប្រើប្រាស់ស្រោមអនាម័យដើម្បីកាត់បន្ថយអារម្មណ៍ទៅលើប្រដាប់ភេទបុរស ឬ ព្យាយាមការរួមភេទតាមទីតាំងផ្សេងៗគ្នា (ដូចជា ក្បាច់នៅពីក្រោយខ្នង) អំឡុងពេលរួមភេទ ។ ការប្រឹក្សាយោបល់ផ្សេងៗអាចជួយកាត់បន្ថយនូវកង្វល់ទាំងឡាយ ដែលទាក់ទងទៅនឹងការឆាប់ចេញទឹកកាម ។ ថ្នាំរំងាប់អារម្មណ៍មួយចំនួន ពពួក SSRIs, ដូចជា fluoxetine (Prozac), paroxetine (Paxil), និង sertraline (Zoloft), អាចព្យាបាលការឆាប់ចេញទឹកកាមបានខ្លះៗផងដែរ ។ ថ្នាំទាំងនេះអាចបង្អាក់ការ ឆាប់ទៅដល់ចំណុចកំពូល។ដូច្នេះវាអាចពន្យាពេលការចេញទឹកកាមបាន ។ ប្រភព
0 comments:
Please add comment to express your opinion, and share it on Twitter or Facebook. Thank you in advance.