យោងតាមសិក្សាមួយ ដែលចេញផ្សាយកាលពីថ្ងៃសុក្រ សប្តាហ៍មុន បានឲ្យដឹងថា ខួរក្បាលមនុស្សចាប់ផ្តើមចុះខ្សោយពីអាយុ ៤៥ ឆ្នាំ ឡើងទៅ។
ការសិក្សាលើមន្ត្រីរាជការអង់គ្លេសរាប់ពាន់នាក់ បានរកឃើញថា ការចងចាំ ជំនាញរកហេតុផល និងវិនិច្ឆ័យ ដែលគេស្គាល់ថា ជាមុខងារចងចាំទាំងអស់នេះ មុខជានឹងកាន់តែអាក្រក់ នៅពេលដែលមនុស្សឈានចូលដល់វ័យកណ្តាល។
នៅក្នុងទិនានុប្បវត្តិ British Medical Journal អ្នកនិពន្ធបានសរសេរថា មុនពេលមានការសិក្សាចុងក្រោយនេះ គេមាន «ភស្តុតាងស្តួចស្តើងដែលថា សមត្ថភាពការចងចាំធ្លាក់ចុះ មុនវ័យ ៦០ ឆ្នាំ»។
ក្រុមអ្នកស្រាវជ្រាវ បានកំណត់យកមន្ត្រីរាជការជាង ៧,០០០ នាក់មកធ្វើតេស្ត នៅចន្លោះឆ្នាំ ១៩៩៧ និង ២០០៧។ មនុស្សវ័យចម្លោះ ៤៥ ឆ្នាំ និង ៧០ ឆ្នាំ ត្រូវគេឲ្យធ្វើតេស្តមួយស៊េរីនៅឆ្នាំ ១៩៩៧ និង ២០០៧។
ក្រុមអ្នកស្រាវជ្រាវ បានកំណត់យកមន្ត្រីរាជការជាង ៧,០០០ នាក់មកធ្វើតេស្ត នៅចន្លោះឆ្នាំ ១៩៩៧ និង ២០០៧។ មនុស្សវ័យចម្លោះ ៤៥ ឆ្នាំ និង ៧០ ឆ្នាំ ត្រូវគេឲ្យធ្វើតេស្តមួយស៊េរីនៅឆ្នាំ ១៩៩៧ និង ២០០៧។
ឧទាហរណ៍ ក្នុងតេស្តមួយ ពួកគេត្រូវហៅពាក្យឡើងវិញដែលផ្តើមដោយអក្សរ “S” និង ឈ្មោះសត្វច្រើនតាមដែលធ្វើទៅបាន ចេញពីបញ្ជីពាក្យដែលពួកគេបានអាន។ តេស្តផ្សេងៗទៀត ដូចជា ធ្វើតេស្តលើពាក្យ និងតេស្តយល់ដឹង តាមការស្តាប់ និងមើល ឬអាន។
អ្នកស្រាវជ្រាវថា អ្នកដែលមានវ័យពី ៤៥ ឆ្នាំ ទៅ ៤៧ ឆ្នាំ កាលពីឆ្នាំ ១៩៩៧ មានសមត្ថភាពចងចាំធ្លាក់ចុះ ៣,៦ ភាគរយ ក្នុងរយៈពេល ១០ ឆ្នាំ។ ចំណែកអ្នកមានវ័យជិត ៧០ ឆ្នាំ កាលពីឆ្នាំ ១៩៩៧ មានសមត្ថភាពចងចាំធ្លាក់ចុះចំនួន ៨,៥ ភាគរយ នៅឆ្នាំ ២០០៧។ ដូច្នេះ អ្នកស្រាវជ្រាវសន្និដ្ឋានថា ខួរក្បាលយើងមានសមត្ថភាពចងចាំចុះខ្សោយចាប់ពីអាយុ ៤៥ ឆ្នាំ៕
0 comments:
Please add comment to express your opinion, and share it on Twitter or Facebook. Thank you in advance.