ប្រសិនបើស្រេកទឹកច្រើន តែបត់ជើងតូចធម្មតា ឬ មិនច្រើននោះ ការបាត់បង់ទឹក ដោយសារមូលហេតុ ២ ខាងក្រោយ ដូចជា ដោយសារធាតុអាកាសក្តៅ ដោយសារធ្វើចលនាច្រើន ឬ ដោយសាមញ្ញ គឺដោយសាររាងកាយរបស់អ្នក ត្រូវបាត់បង់ទឹកតាមស្បែកជាងអ្នកដទៃ ដោយសាររាករូស ដោយសារស្ថានភាពឆ្លងបាក់តេរីផ្លូវមូត្រ ដោយ សារបែកញើសច្រើន, បាត់បង់ឈាមច្រើន ដោយសារត្រូវរលាក ... ។ ស្រេកទឹកអាចគ្រាន់តែជាសញ្ញាសរីរវិទ្យា ចំពោះមនុស្សមួយចំនួនមានកម្រិតបំប្លែងខ្ពស់ ធ្វើឱ្យបាតុភូតបាត់បង់ទឹកតាមស្បែក ច្រើនជាងមនុស្សមួយចំនួនផ្សេងទៀត ។ បណ្តាករណីបាត់បង់ទឹក និយាយខាង លើពេលត្រូវបានបំពេញទឹកឱ្យមានតុល្យភាពឡើងវិញ សភាពស្រេកទឹកក៏បាត់បង់ទៅ ។
ប៉ុន្តែ ប្រសិនជាអ្នកកើតអាការៈស្រេកទឹកជារឿយៗ ទោះបីបានបំពេញបរិមាណទឹកច្រើនគួរសម ចូរគិតដល់ថាអ្នកបានកើតជំងឺអ្វីមួយក្នុងចំណោមជំងឺគ្រោះថ្នាក់ ។ នោះអាចជារោគសញ្ញារបស់ជំងឺទឹកនោមផ្អែម ដោយសារស្ករក្នុងឈាមកើនឡើងប្រថុចញ៉ុច អូសទៅតាមនូវការកើនទឹកមូត្របញ្ចេញទៅក្រៅ ។
មានករណីភាពស្រេកសម្បើមអស្ចារ្យ កើតឡើងពេលឡប់សតិ, ពេលរបួសលលាដ៍ក្បាល ឬក្រោយពេលអនុវត្តវិធីវះកាត់សរសៃប្រសាទ ។ ករណីនេះអ្នកជំងឺអាចផឹកទឹក ១០-២០ លីត្រ ក្នុងមួយថ្ងៃ ដោយភាពស្រេកនៅតែមិនថយចុះ ។មូលហេតុនៃភាពច្របូកច្របល់នេះ មកទល់សព្វថ្ងៃ នៅតែពុំទាន់ត្រូវបានបញ្ជាក់ទេ ។
លើសអ័រម៉ូន ក៏ជាមូលហេតុមួយបង្កឱ្យស្រេកទឹកជាប្រចាំ ដោយសារច្របូកច្របល់តុល្យភាពអ័រម៉ូន, ក្រពេញអ័រម៉ូនមួយចំនួនឹងធ្វើសកម្មភាពខ្លាំងជ្រុល ។
ក្រលៀនត្រូវរបួស ក៏ធ្វើឱ្យអ្នកជំងឺស្រេកទឹកជានិច្ច ព្រោះលទ្ធភាពរក្សាទឹករបស់ផ្នែកនេះ ពុំនៅមានទៀត ។
ស្រេកទឹកអាចដោយសារប្រើឱសថព្យាបាលជំងឺលើសឈាម (Clophelin ជាប្រភេទឱសថប្រើប្រាស់ជាទូទៅ ដើម្បីបញ្ចុះសម្ពាធឈាម) ។ ដោយសារអារម្មណ៍ស្រេកទឹកបណ្តាលពីប្រើប្រាស់ Clophelin, សរីរាង្គនឹងប្រតិកម្ម ដោយវិធីបត់ជើងតូច ដើម្បីសំចៃប្រភពទឹក ។ ប្រសិនអូសបន្លាយស្ថានភាពនេះ អ្នកជំងឺនឹងកើតជំងឺផ្សេងៗបន្ថែម អំពីផ្លូវមូត្រ មិនតែប៉ុណ្ណោះ ក្រលៀននឹងត្រូវរបួសធ្ងន់ធ្ងរ ។
យើងតែងជួបប្រទះស្ត្រីដែលមានអាការៈស្រេកទឹកមិនច្បាស់មូលហេតុ ធ្វើឱ្យអ្នក ជំងឺឧស្សាហ៍មួម៉ៅ ងាយបង្កវិវាទ សរសៃប្រសាទត្រូវរំញោច (តានតឹង អស់កម្លាំង...)។
ពេលស្រេកទឹកច្រើន ត្រូវទៅពិនិត្យនៅផ្នែកជំនាញតម្រងនោម, មូត្រសាស្ត្រ ពិនិត្យអ័រម៉ូន ធ្វើវិភាគឈាម ចាំបាច់ដើម្បីរកឱ្យចំមូលហេតុបង្កការស្រេក កុំអត្តនោម័ត ព្រោះភាពស្រេកអូសបន្លាយច្រើនថ្ងៃ ទោះបីបានផឹកគ្រប់បរិមាណទឹក។ វាអាចជាសញ្ញារបស់ជំងឺដ៏គ្រោះថ្នាក់មួយចំនួន ប្រសិនមិនត្រូវបានព្យាបាលទាន់ពេល សកម្មភាពនោះ នឹងផ្តល់ផលវិបាកនឹកស្មានមិនដល់ ។
ប្រសិនអ្នកបានទៅពិនិត្យ និងរកមិនឃើញមូលហេតុនោះ ក្រៅពីតុល្យភាពផ្លូវចិត្ត ប្រឹងប្រែងមិនគិតដល់ភាពស្រេក អ្នកអាចអនុវត្តវិធីសាស្ត្រប្រឆាំងការស្រេក ដោយការកាត់ក្រូចឆ្មារមួយចំណិតស្តើង បៀមក្នុងមាត់...៕
0 comments:
Please add comment to express your opinion, and share it on Twitter or Facebook. Thank you in advance.