អ្នកប្រើប្រាស់ Google+កើនដល់ ៩០ លាននាក់ ហើយ!

វាពិតប្រាកដណាស់ថា ចំនួនអ្នកប្រើប្រាស់ Google+ នៅមានទំហំតូច នៅឡើយបើ ធៀបនឹងចំនួន ប្រើប្រាស់ Facebook ប៉ុន្តែបណ្តាញ ទំនាក់ទំនងសង្គម មួយនេះ កំពុងតែមាន ការរីកចម្រើន បន្តិចម្តងៗ ហើយ។

យោងតាមប្រភពព័ត៌មានពី PhoneArena បានឲ្យដឹងថា ក្នុងអំឡុងពេលត្រីមាសទី ៤ ឆ្នាំ២០១១ កន្លងទៅនេះ CEO របស់ Googleលោក Larry Pageបានប្រកាសថា ក្រុមហ៊ុន Googleទទួលបាន អតិថិជនប្រើប្រាស់ដល់ទៅ៩០លាននាក់ជាមួយកម្មវិធី Google+ users។ នេះគឺជាជោគជ័យមួយ សម្រាប់ក្រុមហ៊ុន ដោយក្នុងរយៈ ពេលតែ ៤ខែប៉ុណ្ណោះ Google+បានប្រលូកចូល ក្នុងទីផ្សារ យ៉ាងខ្លាំង។ ទោះបីជាយ៉ាងណា ក៏មិនទាន់អាចប្រៀបធៀប ជាមួយចំនួនអ្នក ប្រើប្រាស់ Facebook ដែលមានរហូតដល់ ៨០០លាននាក់បានដែរ តែ Googleសង្ឃឹមថា ទទួលបានប្រជាប្រិយភាព កាន់តែខ្លាំងជាងមុន។

ចាប់តាំងពីខែកក្កដា ឆ្នាំ២០១១ ក្រុមហ៊ុន Google បាន ចេញប្រតិបត្តិការ របស់ខ្លួនក្នុងរយៈខ្លីបំផុត ដោយបានបង្កើត នូវលក្ខណៈពិសេស ថ្មីទៅក្នុង Google+ ជាមួយបច្ចេកទេសមួយ សំខាន់បំផុត ដែលអនុញ្ញាតិឲ្យ អ្នកប្រើប្រាស់អាច បើកមើល វិដេអូក្នុង YouTubeដោយផ្ទាល់ ជាមួយការ ភ្ជាប់សេវាកម្ម Google+តែម្តង។

គួរបញ្ជាក់ថា លោក Vic Gundotra អគ្គនាយកនៃក្រុមហ៊ុន Google បាននិយាយថា លោកមិន នឹកស្មាន់ថា ប្រតិបត្តិការកាងារ របស់ក្រុមហ៊ុន លោករយៈពេល ៤ខែមកនេះ អាចទទួល បានការ គាំទ្រដល់ថ្នាក់ នេះនោះទេ ហើយលោកសូមអគុណ ចំពោះអ្នកប្រើប្រាស់ទាំងអស់ ដែលតែងតែ ធ្វើការរិះគន់ នូវចំណុចខ្វះ ខាត់របស់ ក្រុមហ៊ុន ដើម្បី Google អាចទទួលបាន ទីផ្សារកាន់តែ ខ្លាំងឡើង។

Share