ខ្លាញ់ត្រី​ Omega-3​ ជំនួយ​សំរាប់​ព្យាបាល​ជំងឺលើសឈាម​

Posted on
  • Monday, January 30, 2012
  • by
  • angco.co
  • in
  • Labels:

  • អស់​រយៈពេល​ ១០​ឆ្នាំ​មក​ ហើយ​ដែល​ប្រជាជន​អា​មេ​រិ​ក​ជា​ច្រើន​នាក់​ងាក​មក​ប្រើ​ខ្លាញ់ត្រី​ Omega-3​ ជា​អាហារ​បំប៉ន​ ។​ អាហារ​បំប៉ន​ទាំងនេះ​ជួយ​ដាសតឿន​ដល់​ការ​ចិញ្ចឹម​រាង​កាយ​បាន​តាម​រយៈ​ខ្លាញ់​ Omega-3​ នេះ​ ។​ របប​អាហារ​ជា​សាច់​ត្រី​ និង​អាហារ​បំប៉ន​ជា​ខ្លាញ់ត្រី​គឺ​មាន​អត្ថប្រយោជន៍​ច្រើន​សំរាប់​សុខភាព​មនុស្ស​ ហើយ​វា​ក៏​ជំនួយ​ទៅ​ដល់​ជំងឺ​បេះដូង​-​សរសៃឈាម​ផង​ដែរ​ ។​
    ខ្លាញ់​ Omega-3​ មាន​ផ្ទុក​ទៅ​ដោយ​ Docosahexaenoci​ Acid​ (DHA)​ និង​ Eicosapentaenoic​ Acid​ (EPA)​ ហើយ​វា​មាន​សារៈសំខាន់​ណាស់​ក្នុង​ការ​បង្កា​ និង​គ្រប់គ្រង​ជំងឺ​បេះដូង​-​សរសៃឈាម​ ។​
    ការ​រក​ឃើញ​បាន​បង្ហាញ​ថា​ខ្លាញ់ត្រី​ Omega-3​ ប្រហែលជា​ជំនួយ​ទៅ​ដល់​៖
    •​    ​បញ្ចុះ​សម្ពាធ​ឈាម​
    •​    ​បន្ថយ​ជាតិ​ខ្លាញ់​ Triglycerides
    •​    ​ពន្យឺត​នូវ​ការ​ករ​កើត​កំនរ​ឈាម​នៅ​ក្នុង​សរសៃឈាម​អាក់ទែរ​
    •​    ​បន្ថយ​ចង្វាក់បេះដូង​ដើរ​មិនធម្មតា​
    •​    ​កាត់​បន្ថយ​ការ​កើត​ជំងឺ​គាំងបេះដូង​ និង​ដាច់​សរសៃឈាម​ខួរក្បាល​
    •​    ​បន្ថយ​នូវ​ឱកាស​នៃ​ការ​ស្លាប់​ភ្លាមៗ​ចំពោះ​មនុស្ស​ដែល​មាន​ជំងឺ​បេះដូង​
    តើ​ត្រូវ​ទទួលទាន​ខ្លាញ់ត្រី​ Omega-3​ ប៉ុន្មាន​ទើប​មាន​សុវត្ថិភាព​?
    បើ​យោង​ទៅ​តាម​រដ្ឋបាល​ចំនីអាហារ​ និង​ឪ​ស​ថ​អោយ​ដឹង​ថា​ ការ​ទទួលស្គាល់​ទូទៅ​ដើម្បី​សុវត្ថិភាព​ (Generally​ Recognized​ As​ Safe,​ GRAS)​ បាន​កំណត់​ថា​ ការ​បរិភោគ​ខ្លាញ់ត្រី​នេះ​ជា​រៀងរាល់ថ្ងៃ​គឺ​មិន​អោយ​លើស​ពី​ ៣​ក្រាម​នោះ​ទេ​ ។​
    តើ​ខ្លាញ់ត្រី​ Omega-3​ មាន​ផល​ប៉ះពាល់​អ្វី​ដែរ​ទេ​?
    ផល​ប៉ះពាល់​របស់​វា​រួម​មាន​៖
    •​    ​មាត់ធំ​ក្លិន​ត្រី​
    •​    ​ដកដង្ហើម​មក​មាន​ក្លិន​ត្រី​
    •​    ​ឈឺក្រពះ​
    •​    ​លាមក​ទន់​
    •​    ​ចង្អោរ​
    ការ​ដែល​បរិភោគ​ខ្លាញ់ត្រី​ជា​ប្រចាំ​ថ្ងៃ​លើស​ពី​ ៣​ក្រាម​ប្រហែល​ប្រឈម​មុខ​ខ្លាំង​នឹង​ការ​ហូរ​ឈាម​ ។​ ក្នុង​កំរិត​ខ្លាញ់ត្រី​តែ​ខ្ពស់​ពេក​ក៏​ប្រហែលជា​ធ្វើ​អោយ​រាំងស្ទះ​នូវ​មុខងារ​របស់​ប្រព័ន្ធ​ភាពស៊ាំ​អ្នក​បាន​ ។​
    ប្រសិនបើ​អ្នក​ចង់​បរិភោគ​ខ្លាញ់ត្រី​ Omega-3​ ច្រើន​ ចូរ​ទៅ​ពិគ្រោះ​ជាមួយ​គ្រូពេទ្យ​ជា​មុន​សិន​ ។​ គ្រូពេទ្យ​អាច​នឹង​ណែនាំ​នូវ​របៀប​បញ្ចូល​ខ្លាញ់ត្រី​ Omega-3​ ទៅ​ក្នុង​របប​អាហារ​របស់​អ្នក​ ។​ ជាមួយ​គ្នា​នេះ​ដែរ​ គ្រូពេទ្យ​របស់​អ្នក​អាច​តាមដាន​រាល់​បញ្ហា​សុខភាព​របស់​អ្នក​ប្រសិនបើ​អ្នក​ទទួលទាន​ខ្លាញ់ត្រី​ក្នុង​កំរិត​ខ្ពស់​ ។​
    តើ​មាន​អនុសាសន៍​អ្វី​សំរាប់​អោយ​ទទួលទាន​ខ្លាញ់ត្រី​ Omega-3​បាន​?
    នេះ​គឺជា​ការ​ណែនាំ​របស់​សមាគម​ន៍​ជំងឺ​បេះដូង​សហរដ្ឋអាមេរិក​៖
    •​    ​ចូរ​បរិភោគ​ត្រី​គ្រប់​ប្រភេទ​អោយ​បាន​តិច​បំផុត​ ២​ដង​ក្នុង​មួ​យស​ប្តា​ហ៍​ ។​ របប​អាហារ​ត្រី​មាន​ខ្លាញ់​រួម​មាន​ ត្រី​ Tuna,​ ត្រី​ Mackerel​ ត្រី​សា​ម៉ុង​ និង​ត្រី​ Herring​ ។​
    •​    ​ប្រសិនបើ​អ្នកមាន​ជំងឺ​បេះដូង​ ចូរ​ទទួលទាន​ខ្លាញ់ត្រី​ Omega-3​ អោយ​បាន​ ១​ក្រាម​ជា​រៀងរាល់ថ្ងៃ​ ។​ ការ​ធ្វើ​ដូច្នេះ​អាច​យក​ពី​ត្រី​ ឬ​អាហារ​បំប៉ន​ណាមួយ​ក៏​បាន​ដែរ​ ។​
    •​    ​ប្រសិនបើ​អ្នកមាន​កំរិត​ជាតិ​ខ្លាញ់​ Triglycerides​ ខ្ពស់​ ចូរ​បរិភោគ​ខ្លាញ់ត្រី​ Omega-3​ អោយ​បាន​ ២​ ទៅ​៤​ក្រាម​ក្នុង​មួយ​ថ្ងៃ​ ។​
    ខណៈ​ពេល​ដែល​ខ្លាញ់ត្រី​ Omega-3​ អាច​ជួយ​បន្ថយ​ការ​ឡើង​សម្ពាធ​ឈាម​ខ្ពស់​ ខ្លាញ់​ Triglyceride​ និង​ការ​ស្លាប់​ភ្លាមៗ​ដោយសារ​ជំងឺ​បេះដូង​ វា​ក៏​នៅ​តែ​មាន​ផលប្រយោជន៍​ផ្សេងៗ​ទៀត​ផង​ដែរ​ ។​ ឧទាហរណ៍​ ការ​បន្ថែម​នូវ​ជាតិ​ខ្លាញ់​ Omega-3​ ទៅ​ក្នុង​ម្ស៉ៅ​ទឹកដោះគោ​កូន​ក្មេង​ គឺ​មាន​ប្រយោជន៍​ដ៏​ធំធេង​សំរាប់​ការ​លូតលាស់​ និង​រីក​ចំរើន​ជា​ធម្មជាតិ​របស់​ទារក​ ។



    0 comments:

    Please add comment to express your opinion, and share it on Twitter or Facebook. Thank you in advance.