.jpg)
ការវះកាត់កែសុដន់មានកត្តាគ្រោះថ្នាក់ជាច្រើនដែលសំខាន់សម្រាប់អ្នកគិតពិចារណាមុនពេលកំណត់ថាការវះកាត់នេះត្រឹមត្រូវសម្រាប់អ្នកដែរឬទេ។ កត្តាហានិភ័យនៃការវះកាត់កែសុដន់អាចកាត់បន្ថយយ៉ាងច្រើន ប្រសិនបើអ្នកត្រូវបានវះកាត់គ្រូពេទ្យជំនាញនិងប្រើវិធីសាស្ត្រត្រឹមត្រូវ។ កត្តាគ្រោះថ្នាក់នៃការវះកាត់កែសុដន់មួយចំនួនអាចកើតឡើងដោយសារគ្រូពេទ្យមិនសូវមានជំនាញឬមិនសូវយកចិត្តទុកដាក់លើការវះកាត់។
ហានិភ័យក្នុងកំឡុងពេលវះកាត់
ខាងក្រោមនេះគឺជាកត្តាគ្រោះថ្នាក់ធំៗមួយចំនួនដែលអាចកើតមានក្នុងពេលវះកាត់៖
- ប្រតិកម្មទៅនឹងថ្នាំសន្លប់
- ការឆ្លងមេរោគ
- ស្នាមជាំឬហូរឈាមច្រើនពេក
- កន្លែងហើមមានជាំឈាម
- ឡើងពងទឹកក្នុងសាច់ក្រោយពេលវះកាត់
- និងការប្រមូលផ្តុំនៃកោសិកាប្រព័ន្ធភាពស៊ាំតូចៗដែលមិនអាចកំចាត់សារធាតុចម្លែកក្នុងរាង្គកាយបាន។
ហានិភ័យក្នុងពេលជាសះស្បើយ
កត្តាគ្រោះថ្នាក់នៃការវះកាត់កែសុដន់ក៏អាចទាក់ទងនឹងរោគសញ្ញាដែលកើតឡើងក្រោយពេលវះកាត់។ អ្នកដែលធ្វើការវះកាត់កែសុដន់គួររំពឹងថានឹងជួបប្រទះនូវរោគសញ្ញាដូចខាងក្រោមក្នុងរយៈពេលមួយខែដំបូងឬយូរជាងនេះ បន្ទាប់ពីធ្វើការវះកាត់៖
- ការឈឺចាប់
- ហើម
- ជាំ
- សភាពទន់ឬជ្រាយ
- បាត់បង់ឬមិនសូវមានអារម្មណ៍ត្រង់ម្តុំសុដន់
- ស្លាកស្នាម
- ហូរឈាម
- កន្លែងវះកាត់ក្រជាសះស្បើយនិងជាលិកាស្វិតស្រពោនគឺជាករណីកម្រ ប៉ុន្តែគឺជាកត្តាគ្រោះថ្នាក់បំផុត។
ហានិភ័យដោយសារការវះកាត់
- គ្រោះថ្នាក់មួយចំនួនកើតឡើងដោយសារប្រភេទនៃការវះកាត់ ដែលអាចមានដូចជា៖
- សុដន់មានភាពមិនស្មើគ្នា
- ទ្រូងនឹងខូចទ្រង់ទ្រាយ
- ការដាក់ខុសកន្លែង
- បាត់បង់ជាលិកាសុដន់ធម្មជាតិ
- ស្នាមខួច ប៉ោង ឬជ្រួញ
- ឃើញស្លាកស្នាមវះកាត់។
កត្តាគ្រោះថ្នាក់ទាំងនេះអាចនឹងមានច្រើនចំពោះអ្នកដែលចង់ធ្វើការវះកាត់ពង្រីកទំហំសុដន់របស់ពួកគេឱ្យធំខ្លាំង ឬអ្នកដែលមានរាង្គកាយប្រតិកម្មមិនស្រួលទៅនឹងការវះកាត់សុដន់។
កត្តាគ្រោះថ្នាក់នៅថ្ងៃអនាគត
មានកត្តាគ្រោះថ្នាក់នៃការវះកាត់កែសុដន់មួយចំនួនដែលកើនឡើងតាមពេលវេលាហើយនៅក្នុងក្រុមគ្រោះថ្នាក់ធ្ងន់ធ្ងរ។ កត្តាគ្រោះថ្នាក់ទាំងនេះច្រើនតែជាផលវិបាកត្រង់ម្តុំសុដន់ដែលទាក់ទងទៅនឹងការដាក់បញ្ចូលសារធាតុបន្ថែម។ ការឆ្លើយតបមិនប្រក្រតីនៃប្រព័ន្ធភាពស៊ាំទៅនឹងសារធាតុចម្លែកដែលដាក់បញ្ចូលក្នុងសុដន់គឺជាកត្តាគ្រោះថ្នាក់មួយ។ ជាលិកានៃស្លាកស្នាមដែលជាទូទៅមាននៅជុំវិញសារធាតុដាក់ចូលក្នុងសុដន់អាចច្របាច់សារធាតុនោះដែលធ្វើឱ្យវាធ្លាយ។ ការធ្លុះធ្លាយគឺជាកត្តាគ្រោះថ្នាក់ធ្ងន់ធ្ងរដែលអាចតម្រូវឱ្យមានការកែតម្រូវបន្ថែម ការវះកាត់ប្តូរថ្មី ឬការវះកាត់យកចេញតែម្តង។
0 comments:
Please add comment to express your opinion, and share it on Twitter or Facebook. Thank you in advance.