ទីភ្នាក់ងារជនភៀសខ្លួនអង្គការសហប្រជាជាតិកាលពីថ្ងៃអង្គារបាននិយាយថាយន្តហោះចំបាំងបានទម្លាក់គ្រាប់បែកជាច្រើនគ្រាប់នៅក្នុងការវាយប្រហារសំដៅទៅលើមជ្ឈមណ្ឌលបណ្ដោះអាសន្នមួយកន្លែងនៅក្នុងប្រទេសស៊ូដង់ខាងត្បូងជាមួយនឹងជនភៀសខ្លួនប្រហែល៥ពាន់នាក់ ដោយមានក្មេងប្រុសម្នាក់ត្រូវរបួសនិង១៤នាក់កំពុងបាត់ខ្លួន។
UNHCH បាននិយាយក្នុងសេចក្ដីថ្លែងការណ៍មួយថា« យ៉ាងតិចមានក្មេងប្រុសស៊ូដង់ម្នាក់ត្រូវរបួសនិង ១៤នាក់ទៀតកំពុងបាត់ខ្លួនបន្ទាប់ពីមានការវាយឆ្មក់តាមអាកាសនៅក្នុងប្រទេសស៊ូដង់ខាងត្បូងពីថ្ងៃច័ន្ទមក»។
« UNHCH មានការភ្ញាក់ផ្អើលដោយសារការវាយប្រហារទៅលើពួកជនភៀសខ្លួនដែលងាយធ្វើឲ្យឈឺចាប់ដែលកំពុងរត់គេចពីអំពើហិង្សានៅក្នុងរដ្ឋប៊្លូណែលរបស់ប្រទេសស៊ូដង់ស្រេចទៅហើយនោះ»។
ការវាយប្រហារនោះបានកើតឡើងនៅក្នុងរដ្ឋអាប់កើណែលរបស់ស៊ូដង់ខាងត្បូង ចម្ងាយមិនដល់១០គីឡូម៉ែត្រពីព្រំដែនជាមួយប្រទេសស៊ូដង់ នៅពេលនោះបុគ្គលិកអង្គការសហប្រជាជាតិបានព្យាយាម ជម្លៀសពួកជនភៀសខ្លួនចូលទៅខាងក្នុងប្រទេសស៊ូដង់ខាងត្បូងទៀតដើម្បីសុវត្ថិភាព។
UNHCH បានបន្ថែមទៀតថា« គេបានធ្វើការវាយប្រហារពីរលើកដោយមានគ្រាប់បែកជាច្រើនគ្រាប់ធ្លាក់លើកន្លែងបណ្ដោះអាសន្នរបស់ជនភៀសខ្លួន...ជនភៀសខ្លួនប្រហែល៥ពាន់នាក់នៅឯមជ្ឈមណ្ឌលនោះ»។
« ពួកជនភៀសខ្លួនបានលោតចេញពីរថយន្តនិងរត់ប្រសាច។ បុគ្គលិកទីភ្នាក់ងារ ក៏ត្រូវស្វែងរកកន្លែងសុវត្ថិភាពដែរ»។
ប្រទេសស៊ូដង់ខាងត្បូង..ដែលបានប្រកាសឯករាជ្យពីអតីតសត្រូវសង្គ្រាមស៊ីវិលនៅស៊ូដង់ខាងជើងកាលពីខែកក្កដា នោះ បានចោទប្រកាន់ក្រុងខាតូមថា បានធ្វើការវាយឆ្មក់ ទម្លាក់គ្រាប់បែកជាច្រើនគ្រាប់នៅក្នុងតំបន់ព្រំដែននៃទឹកដីរបស់ខ្លួន ជាការអះអាងដែលកងទ័ពខាងជើងបដិសេធ។
ការប្រយុទ្ធគ្នាបានផ្ទុះឡើងនៅក្នុងរដ្ឋប៊្លូណៃលរបស់ស៊ូដង់នៅក្នុងខែ កញ្ញា រវាងកងកម្លាំងរដ្ឋាភិបាល និង ពួកជនប្រដាប់អាវុធដែលកាលពីអតីតកាលជាសម្ពន្ធមិត្តរបស់កងទ័ពស៊ូដង់ ខាងត្បូងដែលឥឡូវនេះឯករាជ្យនោះ។
ការវាយប្រហារនៅប្ល៊ូណែល កើតឡើងបន្ទាប់ពីមានផ្ទុះជម្លោះមួយកាលពីខែមិថុនា ឆ្នាំមុន នៅក្នុងរដ្ឋកូដូហ្វាន់ភាគខាងត្បូង ជាកន្លែងដែលក្រុងខាតូមកំពុងប្រយុទ្ធជាមួយកងកម្លាំងឧទ្ទាម នូបាដែលជាអតីតសម្ពន្ធមិត្តភាគខាងត្បូងនោះ៕
0 comments:
Please add comment to express your opinion, and share it on Twitter or Facebook. Thank you in advance.