គេហទំព័រសារព័ត៌មាន Reuters បានចុះផ្សាយនៅថ្ងៃនេះថា ក្រុមហ៊ុន Apple បានរៀបចំពាក្យបណ្តឹងថ្មីមួយផ្សេងទៀត ដែលធ្វើឲ្យសមរភូមិរវាងក្រុមហ៊ុនទាំងពីរកាន់តែក្តៅគគុកថែមទៀត ហើយលើកនេះការវាយលុកគឺផ្តោតលើទូរស័ព្ទស៊េរីថ្មីចុងក្រោយដែលប្រើប្រាស់ប្រព័ន្ធប្រតិបត្តិការរបស់ Google។
ក្រុមហ៊ុន Apple បានស្នើសុំឲ្យតុលាការសហព័ន្ធនៅ California ហាមឃាត់ក្រុមហ៊ុន Samsung កុំឲ្យលក់ទូរស័ព្ទ Galaxy Nexus នៅក្នុងទីផ្សារ ដោយឈរលើហេតុផលថាទូរស័ព្ទនេះបានរំលោភបំពានប៉ាតង់ចំនួន ៤ ដោយរាប់បញ្ចូលទាំងមុខងារស្វែងរកដោយប្រើសំឡេងផងដែរ។
នៅក្នុងពាក្យបណ្ដឹងកាលពីសប្តាហ៍មុននៅ San Jose ក្រុមហ៊ុន Apple បានលើកឡើយថា Galaxy Nexus បានរំលោភលើប៉ាតង់ដែលអតិថិជនភាគច្រើនរំពឹងថានឹងឃើញពី Apple។ ប៉ាតង់ទាំងនោះរួមមាន សមត្ថភាពបើកទូរស័ព្ទដោយរំកិលរូបភាព និងការស្វែងរកព័ត៌មានដោយប្រើសំឡេង។
ជុំវិញរឿងនេះ Samsung បាននិយាយនៅក្នុងការថ្លែងសន្ទរកថាមួយថា “យើងបន្តការពារកម្មសិទ្ធិបញ្ញារបស់យើង និងការពារពីការទាមទាររបស់ Apple ដើម្បីសម្រេចឲ្យបានការរីកចម្រើនជាលំដាប់នៅក្នុងពាណិជ្ជកម្មទំនាក់ទំនងទូរស័ព្ទ”។
គួរបញ្ជាក់ផងដែរថា ក្រៅពីករណីប្តឹងផ្តល់នៅ California នេះ Apple និង Samsung បានធ្វើសង្គ្រាមជាមួយគ្នាប្រមាណ ២០ ករណី ដែលកើតឡើងយ៉ាងតិច ១០ ប្រទេស ហើយទាំងនេះសុទ្ធតែធ្វើឡើងដើម្បីដណ្តើមអំណាចគ្នាក្នុងទីផ្សារ Smartphone និង tablet ក្នុងពិភពលោក៕
0 comments:
Please add comment to express your opinion, and share it on Twitter or Facebook. Thank you in advance.